完整藏文原文 · 德格版页 当前仅加载第 95 函德格 89a 版页；藏文 NFD、目录标记与异常页序保留在来源切片中，重复版页行以稳定序号区分。
འཁོར་ཐམས་ཅད་ཀྱི་ནང་དུ་གཏོགས་པ། དཀྱིལ་འཁོར་ཐམས་ཅད་དུ་འཇུག་པར་བྱེད་པ། དཀྱིལ་འཁོར་ཐམས་ཅད་སྒྲུབ་པའི་རིག་སྔགས་བཤད་པ་དེ་བཟོད་ལྡན་དག་ཁྱེད་ཀྱིས་རྒྱགས་པ་མེད་པའི་སེམས་ཀྱིས་ཉོན་ཅིག །ངས་རྡོ་རྗེ་འབར་ཞིང་རབ་ཏུ་འབར་ལ་
D746.095.0089a01.01ཀུན་ཏུ་རབ་ཏུ་འབར་བས་སྤྱི་བོ་གཤགས་ས་རེ། དེ་ནས་ལྷ་རྣམས་སྙིང་འདར་ཏེ་ལག་ན་རྡོ་རྗེའི་ཞལ་དུ་བལྟ་ཞིང་རིག་སྔགས་ཀྱི་རྒྱལ་པོ་ལག་ན་རྡོ་རྗེ་དཀྱིལ་འཁོར་གྱི་ནང་དུ་གཏོགས་པའི་རིག་སྔགས་ཀྱིས་ཀྱང་མངོན་པར་བསྟོད་དེ། རིག་སྔགས་ཀྱི་རྒྱལ་པོ་ཆེན་པོ་དཔལ་གྱི་ལྷ་མོས་རིག་
D746.095.0089a02.01སྔགས་བཤད་པ་གང་ཡིན་པ་དེ་དག་གིས་ལག་ན་རྡོ་རྗེ་ལ་བསྟོད་ནས་ཚིག་འདི་སྐད་ཅེས་སྨྲས་སོ། །རིག་སྔགས་ཀྱི་རྒྱལ་པོ་ཆེན་པོ་དཔལ་གྱི་ལྷ་མོ་ཀུན་ཏུ་ལྟ་བ་ཆེན་པོའི་རིག་སྔགས་དཀྱིལ་འཁོར་གྱི་ནང་དུ་གཏོགས་པའི་ལས་རྣམས་བཤད་དུ་གསོལ། དེ་ནས་རིག་
D746.095.0089a03.01སྔགས་ཀྱི་རྒྱལ་པོ་ཆེན་པོ་ལག་ན་རྡོ་རྗེས་ལྷ་དེ་དག་ལ་འདི་སྐད་ཅེས་སྨྲས་སོ། །ལྷ་རྣམས་ངས་བཤད་ཀྱིས་ཁྱེད་ཉོན་ཅིག །རིག་སྔགས་འཆང་ཐམས་ཅད་ཀྱིས་དཔལ་མངོན་པར་འབྱུང་བར་བྱེད་པ་ཞེས་བྱ་བའི་དཀྱིལ་འཁོར་དཔལ་ཐམས་ཅད་སྐྱེད་པར་བྱེད་པ། ཕ་རོལ་ཏུ་ཕྱིན་པ་
D746.095.0089a04.01ཐམས་ཅད་ཀྱི་ཚོགས་སུ་གྱུར་པའི་དཀྱིལ་འཁོར་གྱི་རྒྱལ་པོ་དེ་ངས་བཤད་པར་བྱ་སྟེ། གང་མཐོང་ནས་རིག་སྔགས་འཆང་ཐམས་ཅད་ཀྱི་དཔལ་ཐམས་ཅད་ཀྱི་མངོན་པར་འགྱུར་བ་དང་། ལྷ་ཐམས་ཅད་བསྐྱེད་པར་འགྱུར་བ་དང་། ལོག་འདྲེན་ཐམས་ཅད་ཞི་བར་འགྱུར་བ་དང་། རྒྱལ་སྲིད་
D746.095.0089a05.01ཐམས་ཅད་བརྟན་པར་འགྱུར་བ་དང་། དགྲ་ཐུལ་བར་འགྱུར་བ་དང་། རིག་སྔགས་འཆང་གི་དཔལ་རྣམས་འཕེལ་བར་འགྱུར་བའི་དཀྱིལ་འཁོར་གྱི་རྒྱལ་པོ་དེ་ངས་བཤད་དོ། །ས་གཞི་མཉམ་པར་བརྟག་བྱས་ལ། །ཤེས་རབ་ཅན་གྱིས་དཀྱིལ་འཁོར་བྲི། །ཁྲུ་ནི་བཞིའམ་བཅུ་དྲུག་
D746.095.0089a06.01པ། །གྱོ་མོ་དང་ནི་གསེག་མ་མེད། །དུར་ཁྲོད་ཡང་ན་ཤིང་གཅིག་དྲུང་། །ཡང་ན་ཆུ་ཀླུང་འདུས་པའི་མདོ། །ས་གཞི་དེ་དག་བརྟག་བྱས་ལ། །དེ་ནས་མཁས་པས་དཀྱིལ་འཁོར་བྲི། །ས་དེ་ལྟ་བུ་མཐོང་ནས་སྨྱུང་བ་བྱས་ཏེ་གསོ་སྦྱོང་དང་ལྡན་པས་དུ་གུ་ལའི་རས་དཀར་པོ་བགོས་
D746.095.0089a07.01