'phags pa rig pa mchog gi rgyud chen po/
当前为德格木刻版 59a。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 59a
- 可引用原文
- 7 行
- 全文规模
- 全经 3308 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函页目录第 95 函 · 德格 59a
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文ལ་ལན་བདུན་བསྔགས་པའི་ཡུངས་ཀར་གྱིས་བསྣུན་ན་བགེགས་རྣམས་མེད་པར་འགྱུར་རོ། །དངོས་གྲུབ་ཆེན་པོ་སྒྲུབ་པ་ན་རླུང་གི་ཕྱོགས་ཀྱི་རྒྱལ་པོའི་གཡོག་གནོད་སྦྱིན་རྫུ་འཕྲུལ་ཆེན་པོ་དྲུག་ཁྲིའི་བདག་པོ་ཞིག་ཡོད་དེ་ཚུབ་མ་གཅིག་པ་ཞེས་བྱ་བ་དེ་ཡང་རིག་སྔགས་འཆང་དེ་ལ་འཇིང་གི་ཐུན་ལ་བགེགས་བྱེད་དོ། །ཚུབ་མ་གཅིག་པ་དེ་ཡང་འདོད་དགུར་བསྒྱུར་བའི་གཟུགས་ཅན་ཡིན་ཏེ། ཆེད་འགའ་ནི་ཝའི་གཟུགས། ཆེད་འགའ་ནི་སྟག་གི་གཟུགས། ཆེད་འགའ་ནི་ཁྱུ་མཆོག་
གི་གཟུགས། གཟུགས་སྣ་ཚོགས་སུ་བདག་ཉིད་སྟོན་པར་བྱེད་ཅིང་། ཆེད་འགའ་ནི་ཧཱ་ཧཱ་ཞེས་བྱ་བའི་སྒྲ་འབྱིན་ཅིང་སྐར་མདའ་བརྒྱ་དག་ལྟུང་བར་བྱེད། གནམ་ཡང་འགྲུམ་པར་བྱེད་དོ། །དེ་ལ་རིག་སྔགས་འཆང་གིས་རླུང་གི་ཕྱོགས་ཀྱི་གཟུགས་ལ་ལན་བདུན་བསྔགས་པའི་ཐལ་བས་བསྣུན་ན་བགེགས་རྣམས་མེད་པར་འགྱུར་རོ། །རྒྱལ་པོའི་སྒོ་དཔོན་མ་ལྕགས་ཀྱུ་དཀར་མོ་ཅན་ཞེས་བྱ་བ་མཐུ་ཆེ་ཞིང་རྫུ་འཕྲུལ་ཆེ་ལ་བགེགས་བྱེད་པ་ཆེན་མོ་ཞིག་ཡོད་དེ། དེ་ཡང་གསང་སྔགས་ཀྱིས་བཟློག་པར་མི་ནུས་ཏེ།
དེ་ནི་ནམ་གུང་གི་ཐུན་ལ་འོང་ངོ་། །དེ་འོང་བ་དང་དུས་མ་ཡིན་པའི་ཆར་འབབ་ཅིང་འབྲུག་ཀྱང་དི་རི་རི་སྒྲོགས། གནམ་ཡང་འགྲུམ་པར་བྱེད་དེ། ལྕགས་ཀྱུ་དཀར་མོ་ཅན་དེ་ཡང་མདོག་དཀར་ཞིང་གཟུགས་ཀྱི་ལུས་བསྟན་པས་ཀྱང་དཀྱིལ་འཁོར་འཇིག་པར་བྱེད་དོ། །དེ་ལ་རིག་སྔགས་འཆང་གིས་མྱུར་དུ་ལན་བདུན་བསྔགས་ཏེ་སེང་ལྡེང་གི་ཕུར་བུ་སོར་བཞི་པས་རླུང་གི་ཕྱོགས་ཀྱི་གཟུགས་ལ་བཏབ་སྟེ། ལྕགས་ཀྱུ་དཀར་མོ་ཅན་བཅོམ་མོ་ཞེས་ཀྱང་སྨྲས་ན་ངུ་འབོད་ཀྱི་སྒྲ་ཆེན་པོ་ཕྱུང་ནས་མེད་པར་འགྱུར་
ཏེ། གསང་སྔགས་ཀྱང་འགྲུབ་པར་འགྱུར་རོ། །རླུང་གི་ཕྱོགས་ཀྱི་ཆོ་ག་རྫོགས་སོ།། །།རིག་སྔགས་འཆང་རིག་སྔགས་བསྒྲུབ་པ་ན་ཆུ་ལྷའི་ཕྱོགས་ནས་བགེགས་རྣམས་འབྱུང་སྟེ། དངོས་གྲུབ་ཕལ་སྒྲུབ་པ་ན་ཆུ་ལྷའི་རྒྱལ་པོའི་གཡོག་མོ་ཀླུ་
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D746
- 德格版页
- 59a
- 显示
- 忠实保留藏文原典·未添加机器译文
研究边界
书目关系边界：BDRC WA0RK0740 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。