完整藏文原文 · 德格版页 当前仅加载第 95 函德格 88b 版页；藏文 NFD、目录标记与异常页序保留在来源切片中，重复版页行以稳定序号区分。
པ་དང་། རིག་པ་མཆོག་གི་ཆོ་ག་རྒྱས་པ་ཆེན་པོའི་རིག་སྔགས་ཀྱི་ལས་ཐམས་ཅད་བྱ་བའི་ཕྱིར། རིག་སྔགས་ཀྱི་རྒྱལ་པོ་ཆེན་པོའི་མཆོག་ལག་ན་རྡོ་རྗེས་རྗེས་སུ་ཡི་རང་བ། མ་གྲུབ་པ་རྣམས་གྲུབ་པར་བྱེད་པ། གྲུབ་པ་རྣམས་ཆུད་མི་ཟ་བར་བྱེད་པ། འདོད་པ་ཐམས་ཅད་རབ་
D746.095.0088b01.01ཏུ་སྦྱིན་པ་དང་། རྟག་ཏུ་དཔལ་མངོན་པར་འཕེལ་བར་བྱེད་པ། དཀྱིལ་འཁོར་ཐམས་ཅད་གསལ་བར་བྱེད་པ། དཀྱིལ་འཁོར་ཐམས་ཅད་ཀྱི་ནང་དུ་གཏོགས་པ། དཀྱིལ་འཁོར་ཐམས་ཅད་དུ་འཇུག་པར་བྱེད་པ། དཀྱིལ་འཁོར་ཐམས་ཅད་སྒྲུབ་པའི་རིག་སྔགས་བཤད་དེ། དེ་
D746.095.0088b02.01བཞིན་གཤེགས་པ་ཐམས་ཅད་ལ་ཕྱག་འཚལ་ནས་རིག་སྔགས་ཀྱི་རྒྱལ་པོ་ཆེན་པོ་ལག་ན་རྡོ་རྗེའི་སྤྱི་བོ་ལ་བཀུར་ཏེ། རིག་སྔགས་འདི་བཤད་དོ། །ན་མོ་བུདྡྷ་སྱ། ན་མོ་དྷརྨ་སྱ། ན་མཿསངྒྷ་སྱ། ན་མོ་བཛྲ་པཱ་ཎི་སྱ། ན་མོ་ཡཀྵཱ་ནཱཾ། ན་མོ་མ་ཧཱ་ཤྲི་ཡེ། ཙི་ལི་ཙི་ལི། ཨུནྨཱ་ད། པྲ་
D746.095.0088b03.01མནྟེ། དྲྀཌྷ། ཤྲི་ཡེ། ཙ་ལེ་ཙ་ལེ། ཤྲི་ཡེ། ཙ་ལེ་ཙ་ལེ། ཤྲི་ཡེ། ཨ་ཀི་ར་ཎི། ཨུ་པ་ཏིཥྛ། ཨུ་པ་ཏིཥྛ། ཨི་མི་ཏིཥྛ། ཨི་མཾ་པུ་རུ་ཥ། མ་ན་མ་ཨུ་པ་ཏིཥྛ། མ་ཡ་རམ། གྲི་ཧེ་གྲི་ཧེ། དེ་པ་ཏི་བཛྲ་སྭ་མཱཾ་སྭཱ་ཧཱ། རིག་སྔགས་ཀྱི་རྒྱལ་པོ་མོ་ཆེན་མོ་དཔལ་གྱི་ལྷ་མོ་ཆེན་མོས་རིག་སྔགས་བཤད་མ་
D746.095.0088b04.01ཐག་ཏུ་ལྷ་རྣམས་ཀྱིས་དེ་ཐོས་ནས་སྙིང་འདར་ཏེ་ལག་ན་རྡོ་རྗེའི་ཞལ་དུ་ལྟ་ཞིང་འཁོད་དོ། །དེ་ནས་རིག་སྔགས་ཀྱི་རྒྱལ་པོ་ཆེན་པོ་ལག་ན་རྡོ་རྗེས་ལྷ་དེ་དག་ལ་འདི་སྐད་ཅེས་སྨྲས་སོ། །ལྷ་རྣམས་ཁྱེད་ཀྱིས་རིག་སྔགས་ཀྱི་རྒྱལ་པོ་ཆེན་པོ་དཔལ་གྱི་ལྷ་མོ་ཆེན་མོས་རིག་སྔགས་བཤད་པ་གང་ཡིན་
D746.095.0088b05.01པ་ཉོན་ཅིག །རིག་པ་མཆོག་གི་ཆོ་ག་རྒྱས་པ་ཆེན་པོའི་ཕྱིར་འཕེལ་བར་བྱ་བ་དང་། རིག་པ་མཆོག་གི་ཆོ་ག་རྒྱས་པ་ཆེན་པོ་བརྒྱན་པ་དང་། རིག་པ་མཆོག་གི་ཆོ་ག་རྒྱས་པ་ཆེན་པོ་བསྒྲུབ་པ་དང་། རིག་པ་མཆོག་གི་ཆོ་ག་རྒྱས་པ་ཆེན་པོའི་དཔལ་མངོན་པར་བསྐྱེད་པ་དང་། རིག་
D746.095.0088b06.01པ་མཆོག་གི་ཆོ་ག་རྒྱས་པ་ཆེན་པོའི་རིག་སྔགས་ཀྱི་ལས་ཐམས་ཅད་བྱ་བའི་ཕྱིར་མ་གྲུབ་པ་རྣམས་གྲུབ་པར་བྱེད་པ། གྲུབ་པ་རྣམས་ཆུད་མི་ཟ་བར་བྱེད་པ། འདོད་པ་ཐམས་ཅད་རབ་ཏུ་སྦྱིན་པ། རྟག་ཏུ་དཔལ་འཕེལ་བར་བྱེད་པ། དཀྱིལ་འཁོར་ཐམས་ཅད་གསལ་བར་བྱེད་པ། དཀྱིལ་
D746.095.0088b07.01