完整藏文原文 · 德格版页 当前仅加载第 95 函德格 92b 版页；藏文 NFD、目录标记与异常页序保留在来源切片中，重复版页行以稳定序号区分。
བ་འཇིག་པར་བྱེད་པ་ལགས་ཀྱིས། །རྡོ་རྗེ་འཛིན་ཆེན་པོ་སྲིན་མོའི་འཇིགས་པ་དེ་ལས་བདག་ཅག་ཡོངས་སུ་སྐྱོབས་ཤིག །དེ་ནས་དཔལ་དང་ལྡན་པ་རྡོ་རྗེ་འཛིན་ཁྲོས་ཏེ་མིག་དམར་པོར་བསྒྱུར་ནས་རང་གི་དཔུང་ལ་བལྟས་ཏེ་ལྷ་དེ་དག་ལ་འདི་སྐད་ཅེས་སྨྲས་སོ། །ལྷ་རྣམས་རེ་ཞིག་
D746.095.0092b01.01འཁོད་ཅིག་དང་། འཇིག་རྟེན་ན་སྡང་བ་གང་ཇི་སྙེད་ཡོད་པ་དེ་དག་གཞིག་པར་བྱའོ། །དེ་ནས་ལྷ་རྣམས་དང་། དྲང་སྲོང་དེ་དག་གིས་ལག་ན་རྡོ་རྗེ་དང་། སྤྱན་ལ་བསྟོད་ནས་རྡོ་རྗེ་འཛིན་སྲིན་མོ་ཆེན་མོ། བརྩོན་འགྲུས་ཆེན་མོ། སྟོབས་ཆེན་མོ། ཁྱོད་ཀྱི་དཀྱིལ་འཁོར་དུ་འཇུག་
D746.095.0092b02.01མི་ནུས་ཀྱིས། རྡོ་རྗེ་འཛིན་ཁྱོད་ཀྱིས་ཀྱང་སྲིན་མོ་ཆེན་མོ་འདི་ལ་བསྟོད་པར་མཛོད་ཅིག་དང་། དེས་ན་དཀྱིལ་འཁོར་དུ་འོང་བར་འགྱུར་རོ། །དེ་ནས་བཅོམ་ལྡན་འདས་ལག་ན་རྡོ་རྗེས་ལྷ་དེ་དག་ལ་སྙིང་རྗེའི་སེམས་ཀྱིས་བལྟས་ནས་སྲིན་མོ་ནམ་གྲུ་ལ་རང་གི་ཆོ་འབྲང་ལས་བསྟོད་པ། ནམ་
D746.095.0092b03.01གྲུ་ཁྱོད་ཀྱི་ཆོ་འབྲང་དང་། །མཚན་ཉིད་དག་ནི་བཤད་བྱ་ན། །ནོར་བུའི་རང་བཞིན་ཁྱོད་ཀྱི་ལུས། །རྒྱབ་ནི་འཛམ་བུ་ཆུ་བོའི་གསེར། །ཁྱོད་ཀྱི་གདོང་ཡང་དངུལ་ཡིན་ཏེ། །ལྟོ་བའི་ངོས་ནི་རྡོ་རྗེས་གཏམས། །མིང་པོ་མཛོད་དང་མཛོད་སྲུང་བ། །ཁྱོད་ཀྱི་མ་ནི་ཀུན་འགྲོ་མ། །
D746.095.0092b04.01ཁྱོད་ཀྱི་ཕ་ནི་རླུང་ཞེས་བྱ། །སྐལ་ལྡན་ཤིང་རྟ་ཁྱོད་ཀྱི་རུས། །ལྷ་ཡུལ་དག་ཏུ་གྲགས་པ་ཡིན། དེ་ནས་བྱང་ཆུབ་སེམས་དཔའ་ཆེན་པོ་ལག་ན་རྡོ་རྗེས་སྲིན་མོ་ནམ་གྲུ་རང་གི་ཆོ་འབྲང་ལ་བསྟོད་ནས། སངས་རྒྱས་བཅོམ་ལྡན་འདས་ལ་མགོ་བོས་ཕྱག་འཚལ་ཏེ། །རྡོ་རྗེ་འཛིན་པ་
D746.095.0092b05.01བདག་ཉིད་ཆེ། །ཚངས་དང་གསུམ་ལ་ཕྱག་འཚལ་ཏེ། །དབང་ཕྱུག་ཆེ་ལ་ཕྱག་འཚལ་ནས། །ས་འཛིན་ཀླུ་རྣམས་གང་ཡིན་དང་། །གང་དག་གནོད་སྦྱིན་སྟོབས་པོ་ཆེ། །གྲུབ་པ་རྒྱུ་བ་དྲི་ཟ་རྣམས། །དྲང་སྲོང་ལྷ་དང་ལྷ་མིན་པ། །དེ་ནས་འབྱུང་པོ་ཐམས་ཅད་དང་། །
D746.095.0092b06.01འོད་ཟེར་ཅན་དང་འོད་སྲུང་དང་། །ཀུན་ཤེས་དང་ནི་གནས་འཇོག་དང་། །ཐུབ་པ་ཆེན་པོ་མི་སྦྱིན་བུ། །དབང་པོ་གཏུམ་པོ་ཁྱབ་འཇུག་དང་། །འདི་རྣམས་བདག་ལ་གྲུབ་སྦྱིན་ཤོག །ནམ་གྲུ་མོ་ནི་བཤད་བྱ་ན། །མཚན་མོ་ནག་མོ་འཇིགས་བྱེད་མ། །གཤིན་རྗེའི་སྲིང་མོ་
D746.095.0092b07.01