完整藏文原文 · 德格版页 当前仅加载第 95 函德格 176b 版页；藏文 NFD、目录标记与异常页序保留在来源切片中，重复版页行以稳定序号区分。
སྙིང་པོ་རབ་ཏུ་བཤད། །རིག་སྔགས་རྒྱལ་པོ་གནོད་མཛེས་ཀྱི། །ཕྱག་རྒྱ་ལས་ཀུན་བྱེད་པ་དང་། །རྡོ་རྗེ་ལྕགས་ཀྱུའི་ཕྱག་རྒྱ་ནི། །བཀུག་པའི་ལས་ལ་སྦྱོར་བར་བྱ། །དེ་བཞིན་ཕྱག་རྒྱ་ཆེན་པོ་བརྒྱད། །བརྩོན་འགྲུས་ཆེ་ཞིང་གཟི་བརྗིད་ཆེ། །རབ་ཏུ་གཏུམ་ཞིང་
D746.095.0176b01.01ལས་ཀུན་ལ། །ལག་ན་རྡོ་རྗེའི་མཐུ་དང་ལྡན། །རྒྱལ་བ་དང་ནི་རྣམ་པར་རྒྱལ། །མཱ་མ་ཀཱི་དང་གདོང་དམར་དང་། །ཕྲེང་བ་འཛིན་དང་ཀླུ་མགོ་ཅན། །རྣ་ཆ་གདོང་དང་འོད་ཟེར་ཕྲེང་། །ཕྱག་རྒྱ་ཆེན་པོ་བརྒྱད་བཤད་པ། །ལག་ན་རྡོ་རྗེ་གཟི་ཆེན་གྱི། །ཡན་ལག་ཀུན་ལ་
D746.095.0176b02.01འབྱུང་བ་ཡིན། །བདག་གིས་བཤད་པ་གང་ཡིན་པའི། །གདོན་གྱི་དཀྱིལ་འཁོར་ལས་བཤད་པ། །{བཅྭ་,བཅོ་}བརྒྱད་པོ་ནི་བརྩོན་འགྲུས་ཆེ། །མེ་ལྕེ་འབར་བའི་དེ་དག་དང་། །ཕྱག་རྒྱ་དྲུག་ཅུ་རྩ་བཞི་གང་། །ལས་ཀྱི་དཀྱིལ་འཁོར་ལས་བཤད་དང་། །རྡོ་རྗེ་འཕགས་བྱེད་
D746.095.0176b03.01དཀྱིལ་འཁོར་ལས། །ཕྱག་རྒྱ་བསྟན་པ་གང་ཡིན་དང་། །དེ་དག་གི་ནི་གཙོ་བོ་ཡི། །ཕྱག་རྒྱ་མདོར་བཤད་གང་ཡིན་པ། །དེ་དག་གི་ནི་ཚུལ་དང་རྟགས། །ལས་རྣམས་ཀྱང་ནི་བསྟན་པར་བྱ། །དེ་ནས་བཅོམ་ལྡན་འདས་རིག་སྔགས་ཐམས་ཅད་ཀྱི་བདག་པོ་རིག་པ་མཆོག་
D746.095.0176b04.01སྟོབས་དང་ཕ་རོལ་གནོན་པ་གཞན་གྱིས་མི་ཐུབ་པའི་ཕྱག་རྒྱའི་མཚན་ཉིད་འབྱུང་སྟེ། མདུན་དུ་ལག་ངར་ལྷན་ཅིག་ཏུ་སྦྱར་ལ་སོར་མོ་ཕན་ཚུན་བསྣོལ་ཏེ། ཁུ་ཚུར་བཅངས་ཏེ་གུང་མོ་བསྒྲེང་ལ་གཤིབས་ལ། །དེའི་ཕྱི་རོལ་གྱི་གློ་གཉིས་ནས་མཛུབ་མོ་གཉིས་རྡོ་རྗེའི་དབྱིབས་སུ་བྱས་
D746.095.0176b05.01ནས་མཐེ་བོང་གཉིས་རྡོ་རྗེའི་དབྱིབས་ལྟར་རབ་ཏུ་བཞག་པ་ནི་བཅོམ་ལྡན་འདས་རིག་པ་མཆོག་གི་རྩ་བའི་ཕྱག་རྒྱའོ། །དེ་ཉིད་ལས་མཐེ་བོང་གཉིས་སྤྲད་དེ་བཞག་པ་ནི་རིག་སྔགས་ཀྱི་རྒྱལ་མོའི་ཕྱག་རྒྱའོ། །སྤྱན་དྲང་བ་ནི་རིག་སྔགས་ཀྱི་རྒྱལ་པོའི་ཕྱག་རྒྱ་ལས་གུང་མོ་གཉིས་ཀྱི་དབུས་
D746.095.0176b06.01བཀུག་ལ་གུང་མོ་གཤིབས་པའི་ཕྱི་རོལ་གྱི་ཚིགས་དྲང་པོར་བསྟན་པར་བྱ་སྟེ། རྒྱལ་བའི་བློ་གྲོས་ཀྱི་ཕྱག་རྒྱ་ཡིན་ནོ། །སླར་བཏང་བ་ནི་དེ་ཉིད་ལས་མཛུབ་མོ་གཉིས་ཅུང་ཟད་བརྐྱང་བར་བྱས་ཏེ་ཤུགས་ལྡན་གྱི་ཡིན་ནོ། །རྩ་བའི་ཕྱག་རྒྱ་ལས་གུང་མོ་གཤིབས་པའི་ཕྱི་རོལ་གྱི་ཚིགས་དྲང་པོར་
D746.095.0176b07.01