完整藏文原文 · 德格版页 当前仅加载第 95 函德格 201a 版页；藏文 NFD、目录标记与异常页序保留在来源切片中，重复版页行以稳定序号区分。
བཞིན་ཤར་གྱི་ལུས་འཕགས་ཀྱང་། །ཤར་ཕྱོགས་སུ་ནི་གཞག་པར་བྱ། །ཡུལ་རྣམས་དང་ནི་རི་དག་གིས། །ཀུན་ཏུ་རབ་ཏུ་རྒྱས་པར་གནས། །དེ་ནས་གནས་བརྟན་ཆོས་སྐྱོང་བ། །བཅུ་གཉིས་དག་དང་ལྷན་ཅིག་ཏུ། །སྒྲ་གཅན་འཛིན་ཞེས་གྲགས་
D746.095.0201a01.01པ་སྟེ། །སངས་རྒྱས་སྲས་ནི་མངོན་སུམ་གནས། །གནོད་སྦྱིན་ལྷ་མིན་ལྟོ་འཕྱེ་རྣམས། །ཉིན་མཚན་དུ་ནི་དེར་སོང་ནས། །དྲི་དང་ཕྲེང་བ་དཔེ་མེད་པས། །མཆོད་པ་བྱེད་ཅིང་ཕྱག་ཀྱང་འཚལ། །དེ་ནས་བྱང་གི་སྒྲ་མི་སྙན། །ལྷུན་པོ་ཡི་ནི་བྱང་ཕྱོགས་གཞག །གཙང་
D746.095.0201a02.01ཞིང་གྲུ་བཞི་ལྷམ་པ་སྟེ། །ཆུ་ཀླུང་དག་གིས་རབ་ཏུ་བརྒྱན། །གང་དག་གི་ནི་ཚེ་ཡི་ཚད། །ཆིག་སྟོང་ཚང་བར་བརྗོད་པ་དང་། །སངས་རྒྱས་རྣམས་ཀྱིས་གསུངས་པ་ཡི། །སེམས་ཅན་ཡ་མཚན་དེ་ན་གནས། །རྒྱ་མཚོའི་ས་ནི་བསྐོར་བ་ཡི། །རི་ཡི་དམ་པ་རི་རབ་ལ། །ཕྱོགས་ཀྱི་
D746.095.0201a03.01ལྷ་ནི་བཞི་པོ་རྣམས། །ཀུན་ནས་ངེས་པར་གཞག་པར་བྱ། །ཀཱརྵཱ་པ་ཎ་བརྒྱད་དག་གིས། །དཀྱིལ་འཁོར་དང་པོར་རྡོ་རྗེ་བྲི། །དེ་ཡི་གནས་རྣམས་དེ་དག་ཏུ། །གསེར་གྱི་གདུ་བུ་དག་ཀྱང་བྱ། །སྒོ་རྣམས་རེ་རེར་དོན་སྒྲུབ་པ། །རྒྱུ་དང་མི་རྒྱུ་འཇིག་རྟེན་གསུམ། །ཐུབ་པར་
D746.095.0201a04.01ནུས་པ་གང་ཡིན་པའི། །སྒོ་སྲུང་གཉིས་ཀྱང་གཞག་པར་བྱ། །དེ་ཡང་སྔགས་དང་ལྡན་བྱ་ཞིང་། །ཀུན་ཏུ་གཞལ་ཡས་རྒྱས་པར་བྱ། །རྡོ་རྗེ་ཐོག་ཐོག་ལྷོ་ཕྱོགས་བྲི། །རྡོ་རྗེ་ཁུ་ཚུར་བྱང་ཕྱོགས་གཞག །དེ་ནས་དེར་ནི་ལྷ་བཤོས་རྣམས། །རྣམ་པ་སྣ་ཚོགས་བཀྲ་བ་དང་། །
D746.095.0201a05.01བླ་མེད་རབ་མཛེས་རྒྱས་པར་བྱ། །དྲི་དང་མེ་ཏོག་ཕྲེང་བས་མཆོད། །ཞིབ་དེའི་ཐ་ལུ་སྣ་ཚོགས་པ། །སྦྲང་རྩིས་བྱུགས་ཤིང་གཟབས་པ་དང་། །ལེགས་བྱས་ཨ་ཤྭ་ཀ་བརྟི། །དེ་བཞིན་བེ་རེག་ནས་ཁུར་དབུལ། །ཇི་ཙམ་དུ་ནི་རྒྱས་པ་ཕུལ། །དེ་ཙམ་དུ་ནི་འགྲུབ་པར་
D746.095.0201a06.01བཤད། །འབྲས་ཀྱི་འོ་ཐུག་ཚུ་ལ་ཀ །ཐུབ་པ་སྦྱར་ཐུག་ས་མི་ཏ། །འབྲས་ཆན་ཚོད་མ་སྣ་ཚོགས་པ། །ཁ་དོག་སྣ་ཚོགས་སོར་ལྔར་ལྡན། །དེ་ལ་སོགས་པ་གང་འདོད་པ། །ལོ་མ་སྣ་ཚོགས་སྐྱོན་མེད་པ། །ཡང་ན་ཁམ་པོར་སར་པའམ། །པདྨའི་ལོ་མ་དག་ལ་
D746.095.0201a07.01