完整藏文原文 · 德格版页 当前仅加载第 95 函德格 101a 版页；藏文 NFD、目录标记与异常页序保留在来源切片中，重复版页行以稳定序号区分。
ཡིན་ནོ། །འདིའི་ལས་ཀྱང་བཤད་པར་བྱ་སྟེ། གང་གིས་དཔལ་ཐམས་ཅད་མངོན་པར་འབྱུང་བར་བྱེད་པའི་དཀྱིལ་འཁོར་ཆེན་པོ་འགྲུབ་པར་བྱེད་པ་དང་། གང་གིས་དཀྱིལ་འཁོར་གྱི་ནང་དུ་གཏོགས་པའི་ལྷ་རྣམས་འགྲུབ་པར་བྱེད་པ་དང་། རིག་སྔགས་འཆང་
D746.095.0101a01.01མཐུ་ཟད་པ་གང་ཡིན་པ་དག་དང་། རྒྱལ་པོ་དབང་ཕྱུག་ལས་ཉམས་པ་གང་ཡིན་པ་དག་དང་། ལྷའམ། ལྷའི་བུའམ། ཀླུའམ། ཀླུའི་བུའམ། གནོད་སྦྱིན་ནམ། གནོད་སྦྱིན་གྱི་བུའམ། སྲིན་པོའམ། སྲིན་པོའི་བུའམ། དྲི་ཟའམ། དྲི་ཟའི་བུ་མཐུ་ཆུང་ངུ་གང་ཡིན་
D746.095.0101a02.01པ་དེ་དག་གི་མཐུ་བསྐྱེད་པའི་ཕྱིར་ཡང་ངས་བཤད་པར་བྱའོ། །མར་གྱི་ངོ་ཞག་བཅུ་བཞི་ལ་ཞག་གཅིག་སྨྱུང་བ་བྱས་ཏེ་གནས་དབེན་པའམ། ནྱ་གྲོ་དྷའི་དྲུང་དུ་རྣམ་པར་རྒྱལ་བའི་རྒྱུད་ཆེན་པོ་ལས་སྨན་ཨུཏྤ་ལ་དང་ལྡན་པ་ཞེས་བྱ་བ་བརྩོན་འགྲུས་ཆེན་མོ། །སྟོབས་ཆེན་མོ། །བཅོམ་ལྡན་
D746.095.0101a03.01འདས་ཀྱིས་གསུངས་པའི་སྨན་དེའི་ཕྱེ་མས་བཅོམ་ལྡན་འདས་རྡོ་རྗེ་ཁྲོ་བོ་བྲི་བར་བྱ་སྟེ། ལག་པ་གཡོན་པ་ན་རྡོ་རྗེ་ཐོགས་ལ་ལག་པ་གཡས་པ་མཆོག་སྦྱིན་པར་བྱའོ། །དེའི་མདུན་དུ་བུམ་པ་མི་གནག་ཅིང་རྩ་བ་མེད་ལ་མགྲིན་ཆིངས་དང་བཅས་པ་ས་བོན་ཐམས་ཅད་ཀྱིས་གང་བར་
D746.095.0101a04.01བྱས་ཏེ། བུམ་པ་དེའི་ནང་དུ་སྨན་ཨུཏྤལ་དང་ལྡན་པ་ཡང་གཞུག་གོ། །བུམ་པ་དེ་ཡང་གསེར་ལས་བྱས་ལ་འགྲོན་བུ་བཀྲམ་པ་ལས་བྱས་པའི་རྡོ་རྗེའི་སྟེང་དུ་རས་དཀར་པོ་བཞག་སྟེ། དེའི་དབུས་སུ་བུམ་པ་གཞག་པར་བྱའོ། །དེ་ནས་རིག་སྔགས་འཆང་གིས་བསམ་པ་རྒྱ་
D746.095.0101a05.01ཆེན་པོས་ལྷ་བཤོས་དང་མཆོད་པ་རྒྱས་པར་བྱ་སྟེ། །གུ་གུལ་གྱིས་བདུག་པ་ཡང་དབུལ་ལོ། །དེ་ནས་རིག་སྔགས་འཆང་གིས་དཔལ་གྱི་ལྷ་མོའི་རིག་སྔགས་ལན་བརྒྱད་བརྒྱ་བཟླས་བརྗོད་བྱས་ནས་དེའི་འོག་ཏུ་རྡོ་རྗེ་འབར་བ་ཁྲོ་བོ་ཆེན་པོ་ལན་བརྒྱ་སྟོང་བཟླས་བརྗོད་བྱའོ། །དེ་ནས་
D746.095.0101a06.01ནང་པར་བུམ་པ་དེས་བདག་ཉིད་ཁྲུས་བྱའོ། །འགྲོན་བུ་ལས་བྱས་པའི་རྡོ་རྗེ་དང་གོས་དེ་ཡང་འཕགས་པ་ལག་ན་རྡོ་རྗེ་ལ་ཕུལ་ནས། བླ་མ་ཡང་དེ་དང་འདྲ་བའི་ཕྱིར་བླ་མ་ལ་དབུལ་ལོ། །དེ་ཕུལ་ནས་ཀྱང་ཡིད་ལ་བསམས་པ་བསླང་བར་བྱའོ། །དགེ་སློང་གི་དགེ་འདུན་རྣམས་
D746.095.0101a07.01