完整藏文原文 · 德格版页 当前仅加载第 95 函德格 124b 版页；藏文 NFD、目录标记与异常页序保留在来源切片中，重复版页行以稳定序号区分。
ཨ་པ་ར་ཛི་ཏེ་དཀར་པོའི་མེ་ཏོག་གི་ལན་བརྒྱད་སྟོང་སྦྱིན་སྲེག་བྱས་ན་དགའ་བྱེད་གདོང་གིས་དམ་པ་བྱིན་པར་འགྱུར་རོ། །གདོན་གྱིས་ཟིན་པ་རྣམས་ལ་ཨ་པ་ར་ཛི་ཏའི་མེ་ཏོག་ལན་བདུན་བཟླས་བརྗོད་བྱས་ཏེ་གདོན་གྱི་ཁ་ཟས་ཀྱི་ནང་དུ་བྱིན་ན་གདོན་ལག་པ་ཕན་ཚུན་འཆིང་བར་བྱེད་
D746.095.0124b01.01ཅིང་ཀུན་ཏུ་རྒྱུགས་ཏེ་ཅི་བསྒོ་བ་བཞིན་བྱེད་པར་འགྱུར་རོ། །ཆོ་ག་རྒྱས་པའི་རྒྱུད་ཕྱི་མ་དང་བཅས་པར་མཐོང་ཞིང་ལྡན་པར་དེ་ལ་ནི་གདོན་རྣམས་ཀྱང་ཡིད་དགའ་བར་འགྱུར་རོ། །གདོན་རྣམས་ཀྱིས་ཀྱང་མི་འདོད་ཅིང་མཐོང་ན་འབྱེར་བར་འགྱུར་རོ། །
D746.095.0124b02.01ལྷ་རྣམས་འདི་དག་གི་སྙིང་ལ་དྲག་ཏུ་བསྐུལ་བའི་གསང་སྔགས་ཀྱང་བཤད་པར་བྱའོ། །ན་མོ་བཛྲ་བཱ་ཎི་སྱ། བཛྲིཾ་བཛྲིཾ་བ་ལོ་ཀ་པཱ་ལཱ་ཡ་སྭཱ་ཧཱ། མར་གྱི་ངོ་ཞག་བཅུ་བཞི་ལ་ཞག་གཅིག་སྨྱུང་བ་བྱས་ཏེ། འཕགས་པ་ལག་ན་རྡོ་རྗེའི་མདུན་དུ་མཆོད་པ་བྱས་ནས་
D746.095.0124b03.01ལན་བརྒྱད་སྟོང་སྦྱིན་སྲེག་བྱས་ན་དགའ་བྱེད་གདོང་གིས་དམ་པ་སྦྱིན་པར་བྱེད་དོ། །རིག་སྔགས་ཐམས་ཅད་ལ་ཡང་བསྒྲུབ་པའི་ཚེ་ཐོག་མ་ཁོ་ནར་སྙིང་ལ་དྲག་ཏུ་བསྐུལ་བའི་གསང་སྔགས་ཀྱིས་མར་དང་། གུ་གུལ་གྱིས་ལན་བརྒྱད་བརྒྱ་སྦྱིན་སྲེག་བྱས་ལ་དེ་ནས་རིག་སྔགས་བསྒྲུབ་
D746.095.0124b04.01པར་བྱའོ། །ལས་ཀྱི་མཇུག་ཏུ་ཡང་ཡུངས་ཀར་མར་དང་སྦྱར་བས་ལན་བརྒྱད་བརྒྱ་སྦྱིན་སྲེག་བྱའོ། །དེ་ནས་བྱས་ན་ལས་དེས་དྲག་ཏུ་བསྐུལ་བའི་རིག་སྔགས་ཐམས་ཅད་ཀྱིས་དངོས་གྲུབ་སྦྱིན་པར་བྱེད་དོ། །དེ་ནས་ལྷ་དག་ལས་འདི་ཐོས་པས་ཡིད་འཇིགས་ཤིང་སྙིང་འདར་ཏེ་ལག་
D746.095.0124b05.01ན་རྡོ་རྗེའི་ཞལ་དུ་བལྟའོ། །དེ་ནས་བཅོམ་ལྡན་འདས་ལག་ན་རྡོ་རྗེས་ལྷ་དེ་དག་ལ་འདི་སྐད་ཅེས་སྨྲས་སོ། །བཟོད་ལྡན་དག་ཁྱེད་སེམས་རྩེ་གཅིག་ཏུ་གྱིས་ལ་ཉོན་ཅིག །ཅི་སྟེ་དམ་ཚིག་འདི་ལས་འགལ་བར་བྱས་ཏེ། དངོས་གྲུབ་སྦྱིན་པར་མི་བྱེད་ན་ངས་རྡོ་རྗེ་ཀུན་ཏུ་འབར་བས་སྤྱི་བོ་
D746.095.0124b06.01གཤག་གོ། །དེ་ནས་རྡོ་རྗེ་ཁྲོ་བོས་ཅ་ཅོའི་སྒྲ་བཏོན་ཏེ་རིག་སྔགས་ཀྱི་རྒྱལ་པོ་ཆེན་པོ་ལག་ན་རྡོ་རྗེ་གང་ན་བ་དེར་སོང་སྟེ་ཕྱིན་ནས་བྱང་ཆུབ་སེམས་དཔའ་ཆེན་པོ་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །བཅོམ་ལྡན་འདས་ཁྱོད་ཀྱིས་སེམས་ཅན་ཐམས་ཅད་ལ་ཕན་པའི་ཕྱིར་ཞུས་ཏེ།
D746.095.0124b07.01