完整藏文原文 · 德格版页 当前仅加载第 95 函德格 151b 版页；藏文 NFD、目录标记与异常页序保留在来源切片中，重复版页行以稳定序号区分。
ཤིང་གང་བསྟན་པ་དེ་ཉིད་ཀྱིས་ལས་བྱས་ན་འགྲུབ་པར་འགྱུར་རོ། །ཡང་ན་རིག་སྔགས་ཀྱི་རིགས་གསང་བ་ལས་མེ་ཏོག་དང་། ཡམ་སྲེག་ཤིང་ངས་བཤད་པ་གང་ཡིན་པ་དེ་ལས་བྱས་ན་བདེ་བླག་ཏུ་འགྲུབ་པར་འགྱུར་རོ། །ལྷ་རྣམས་ཡམ་སྲེག་ཤིང་རྣམས་ཀྱི་སྦྱོར་བ་གསང་
D746.095.0151b01.01བ་འདི་དག་ངས་བཤད་ཟིན་ཏོ། །གཞན་ཡང་དོན་ཡོད་པའི་ལས་གང་གིས་གསང་སྔགས་རྣམས་འགྲུབ་པར་འགྱུར་བའི་སྐུ་གཟུགས་ཀྱི་མཚན་ཉིད་བཤད་པར་བྱའོ། །དེ་ནས་ལྷ་རྣམས་ཡིད་རབ་ཏུ་དགའ་ནས་བྱང་ཆུབ་སེམས་དཔའ་ཆེན་པོ་ལག་ན་རྡོ་རྗེ་རྫོང་གི་འཕགས་མ་དང་
D746.095.0151b02.01བཅས་པ་ལ་བསྟོད་ཅིང་མངོན་པར་བསྟོད་དོ། །དེ་ནས་བྱང་ཆུབ་སེམས་དཔའ་ཆེན་པོ་ལག་ན་རྡོ་རྗེས་ལྷ་དེ་དག་ལ་འདི་སྐད་ཅེས་སྨྲས་སོ། །བཟོད་ལྡན་དག་ཁྱོད་ཀྱིས་དེ་བཞིན་གཤེགས་པའི་གཟུགས་ཉོན་ཅིག །དེ་བཞིན་གཤེགས་པའི་གཟུགས་བརྙན་མཚན་ཐམས་ཅད་
D746.095.0151b03.01ཡོངས་སུ་རྫོགས་ཤིང་དཔལ་གྱི་བེའུས་བརྒྱན་པ། ཕྱག་གཡས་པ་མཆོག་སྦྱིན་པའི་ཚུལ་དུ་མཛད་པ་ལ་བལྟས་ཏེ། དེས་རིག་སྔགས་བསྒྲུབ་པར་བྱའོ། །ཡང་ན་དེ་བཞིན་གཤེགས་པ་ཆོས་སྟོན་ཅིང་བཞུགས་ལ་སྐྱབས་སྦྱིན་པའི་ཚུལ་དུ་མཛད་པ་ལ་བལྟས་ཏེ་དེར་བསྒྲུབ་པར་
D746.095.0151b04.01བྱའོ། །དེ་བཞིན་གཤེགས་པའི་སྤྱན་སྔར་དྲག་ཤུལ་བསྒྲུབ་པར་མི་བྱ་སྟེ། དེ་ནི་ལག་ན་རྡོ་རྗེའི་མདུན་དུ་བསྒྲུབ་པར་བྱའོ། །ལག་ན་རྡོ་རྗེའི་གཟུགས་ཀྱང་བཤད་པར་བྱ་སྟེ། མཚན་ཐམས་ཅད་ཡོངས་སུ་རྫོགས་པ་མདོག་སྡུག་ཅིང་སྔོ་བསངས་ལ་ཞི་བའི་གཟུགས་ཅན་མཆོག་སྦྱིན་
D746.095.0151b05.01པའི་ཚུལ་དུ་འདུག་པ་དེའི་མདུན་དུ་རིག་སྔགས་བསྒྲུབ་པར་བྱ་སྟེ། ཞི་བ་ནི་སྐྱིལ་མོ་ཀྲུང་བཅས་པས་བྱའོ། །དྲག་ཤུལ་ནི་འགྲེང་བས་བྱ་སྟེ། དྲག་ཤུལ་ནི་གཟུགས་མི་སྡུག་པས་བྱའོ། །ཞི་བ་དང་རྒྱས་པ་ལ་ནི་ཞི་བའི་གཟུགས་སུ་བྱའོ། །སྐུ་གཟུགས་ལ་ཐད་ཀར་བལྟ་ཞིང་བསྒྲུབ་
D746.095.0151b06.01པར་བྱ་སྟེ། གཞན་དུ་བལྟ་ཞིང་བསྒྲུབ་པར་མི་བྱའོ། །ཡན་ལག་ཉམས་པ་དང་། ལུས་སྐྱོན་ཅན་དང་། གཟི་བྱིན་མེད་པས་བསྒྲུབ་ན་ནི་ལག་ན་རྡོ་རྗེས་བཤད་པ་བཞིན་དུ་གནོད་པར་འགྱུར་རོ། །རིག་སྔགས་ཀྱི་ལྷ་བྲི་བ་དེ་གང་ཡིན་པ་དེ་ཅི་སྟེ་མདོག་སྔོ་བསངས་སམ། སེར་
D746.095.0151b07.01