完整藏文原文 · 德格版页 当前仅加载第 95 函德格 164b 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱང་བསྟན་པར་བྱ། །གཏུམ་པའི་གཟུགས་ཅན་མཱ་མ་ཀཱིའི། །གཅིག་པུ་མི་བཟད་བསྟན་པར་བྱ། །མཐོང་ནས་སེམས་ནི་མཱ་མ་ཀཱིས། །འཇིགས་ནས་གདོན་རྣམས་འབྱེར་བར་བྱེད། །ཕྱག་རྒྱའི་རྣམ་པར་འཕྲུལ་པ་སྣ་ཚོགས་ཀྱང་བཤད་པར་བྱ་སྟེ། གདོན་ནི་ཆོས་
D746.095.0164b01.01ལུགས་མི་བཟད་པ། རིག་སྔགས་ལ་འདའ་བར་བྱེད་པ་གང་ཡིན་པའི་གདོན་ཐམས་ཅད་གང་ཡིན་པ་དེ་ལ་ནི་ལས་འདི་བྱ་སྟེ། ས་ཕྱོགས་གཙང་མར་བརྟགས་ནས་རིག་སྔགས་ཀྱི་རྒྱལ་པོ་ཡོངས་སུ་སྦྱང་བར་བྱས་ལ། དེར་རྡོ་རྗེ་ལྕགས་ཀྱུ་མའི་ཕྱག་རྒྱ་མིང་དང་ལྡན་པར་གཞག་གོ། །
D746.095.0164b02.01ཚོན་རྩི་སྣ་གསུམ་གྱི་ཕྱེ་མས་རྒྱལ་བ་དང་། རྣམ་པར་རྒྱལ་བ་དང་། །རྡོ་རྗེའི་མཚན་ནི་ཤར་ཕྱོགས་སུ་དགོད་དོ། །རྡོ་རྗེ་རྟགས་དང་། བཀྲ་ཤིས་དང་། ཤིན་ཏུ་བཀྲ་ཤིས་ནི་བྱང་ཕྱོགས་སུ་དགོད་དོ། །པདྨ་མཚན་དང་། པདྨ་ཕྲེང་དང་། གཡུང་དྲུང་རིས་ནི་ལྷོ་ཕྱོགས་སུ་དགོད་དོ། །
D746.095.0164b03.01མདུང་རྩེ་གསུམ་པ་དང་། རྡོ་རྗེ་དང་། མཆེ་བ་ནི་ནུབ་ཕྱོགས་སུ་དགོད་དོ། །དཀྱིལ་འཁོར་གྱི་ནང་དུ་སོང་ལ་མདུང་ཐུང་ནི་ཤར་ཕྱོགས་སུ་གཞག་གོ། །ཀླུ་ལག་ནི་བྱང་ཕྱོགས་སུ་གཞག་གོ། །རལ་གྲི་ནི་ནུབ་ཕྱོགས་སུ་གཞག་གོ། །ཕྱག་རྒྱ་བཞིས་ནི་བསྐོར་ནས་ཀྱང་། བློ་ངན་དེ་ནི་
D746.095.0164b04.01སྐྲག་པར་བྱ། དེ་ནས་དུག་བཞིན་དུ་དབྱུག་པའི་ཚུལ་དུ་བསྟན་ན་གདོན་དེ་ངུ་ཞིང་ཚིག་བཞིན་དུ་དཀྱིལ་འཁོར་དེར་འོང་བར་འགྱུར་ཏེ། དེར་རྡོ་རྗེ་ལྕགས་ཀྱུ་མས་བཟླས་བརྗོད་བྱས་ནས་ཕྱག་རྒྱའི་ཚུལ་བསྟན་ན་དེ་མཐོང་བས་དེ་ཉིད་དུ་འགྱེལ་ཏེ། གདོན་གྱི་རིགས་ཀྱང་བཅོམ་པར་འགྱུར་རོ། །
D746.095.0164b05.01རིག་སྔགས་རྣམས་ཀྱི་གསང་བ་ཡི། །དཀྱིལ་འཁོར་འདི་ནི་གསང་མཆོག་ཡིན། །རིག་པ་མཆོག་གི་གསང་བའི་རྒྱུ། །གསང་བ་འདི་ནི་གང་མཐོང་དང་། །གང་གིས་ཕྱག་རྒྱ་འདི་མཐོང་བ། །དེ་ལ་ང་ནི་གནས་པ་ཡིན། །ཕྱག་རྒྱའི་གོ་ཆ་བགོས་ནས་ནི། །ལག་ན་རྡོ་རྗེའི་
D746.095.0164b06.01བཀའ་མཆོག་གིས། །ཕྱག་རྒྱས་དྲང་ཞིང་མཐོང་བྱེད་གང་། །དེ་ལ་ང་ནི་རྟག་ཏུ་ཡང་། །ཕྱག་རྒྱ་བཅིངས་པས་དངོས་གྲུབ་སྦྱིན། །དངོས་གྲུབ་མཆོག་ཕྱིར་བསྟན་པ་ཡིས། །ཆོ་ག་ཇི་ལྟར་མཐོང་བ་བཞིན། །སྒྲུབ་པ་ཀུན་ལ་ཕྱག་རྒྱ་དགོད། །དེ་ནས་ལས་རྣམས་བརྩམ་
D746.095.0164b07.01