完整藏文原文 · 德格版页 当前仅加载第 95 函德格 99a 版页；藏文 NFD、目录标记与异常页序保留在来源切片中，重复版页行以稳定序号区分。
ནང་དུ་སྨྱུགས་པ་སྟོང་རྩ་བརྒྱད་བརྒྱད་སྦྱིན་སྲེག་བགྱིས་ན་དབང་དུ་འགྱུར་རོ། །མར་གྱི་ངོ་ཞག་བཅུ་བཞི་ལ་ཞག་གཅིག་སྨྱུང་བ་བྱས་ཏེ་འཕགས་པ་ལག་ན་རྡོ་རྗེའི་མདུན་དུ་གཞོན་ནུ་སྨིན་དྲུག་གི་བུ་བཞག་ནས་དེའི་མདུན་དུ་ཙནྡན་དམར་པོའི་ཤིང་གིས་མེ་སྦར་ནས་
D746.095.0099a01.01སེང་ལྡེང་གི་ཡམ་སྲེག་ཤིང་མར་གྱི་ནང་དུ་སྨྱུགས་པ་བརྒྱད་སྟོང་སྦྱིན་སྲེག་བྱས་ན་གཞོན་ནུའི་མེ་ཏོག་གི་ཕྲེང་བ་འགུལ་བར་འགྱུར་རོ། །དེ་ནས་འགྲུབ་པར་འགྱུར་ཏེ་ཞག་བདུན་ཚུན་ཆད་ཀྱིས་གཞོན་ནུའི་སྡེའི་བདག་པོ་ཐོབ་པར་འགྱུར་རོ། །མི་རྣམས་ཀྱིས་མི་སོད་ལ་བདག་གི་
D746.095.0099a02.01ཚེའི་ཚད་ཀྱང་ཤེས་པར་འགྱུར་རོ། །ཟླ་བ་གཅིག་གི་བར་དུ་སློང་མོའི་ཟས་བཟའ་ཞིང་དེ་ནས་མར་གྱི་ངོ་ཞག་བརྒྱད་དམ། །ཞག་བཅུ་བཞི་ལ་ཞག་གསུམ་སྨྱུང་བ་བྱས་ཏེ། ཙནྡན་དམར་པོའི་མདུང་ཐུང་བདེ་བར་གཤེགས་པའི་མཐོ་གང་གི་ཚད་དུ་བྱས་པ་རས་དམར་པོའི་སྟེང་དུ་
D746.095.0099a03.01བཞག་ནས་མཆོད་པ་རྒྱས་པར་བྱ་ཞིང་ལྷ་བཤོས་རྒྱས་པ་ཕུལ་ལ། དེ་ནས་རིག་སྔགས་འཆང་བ་རྩྭ་ཀུ་ཤའི་སྟན་གྱི་སྟེང་དུ་འདུག་པའི་ལག་པ་གཡས་པས་མནན་ལ་འབར་བར་གྱུར་གྱི་བར་དུ་བཟླས་བརྗོད་བྱས་ན་འགྲུབ་པར་འགྱུར་ཏེ། དེ་ཐོགས་པས་ཕ་རོལ་གྱི་ཡུལ་འཁོར་འབྱེད་
D746.095.0099a04.01པར་བྱེད་ཅིང་གདོན་ཐམས་ཅད་འཇོམས་པར་བྱེད་པར་འགྱུར་ཏེ། ཡུལ་གང་དུ་བཙུགས་པ་དེར་རྒྱལ་བར་འགྱུར་རོ། །ཀླུའམ། ཀླུ་མོའམ། དྲི་ཟའམ། རིག་སྔགས་འཆང་རྣམས་ལ་བལྟས་ཏེ་བསྡིགས་ན་དེ་དག་ཐམས་ཅད་བཀའ་བཞིན་དུ་འགྱུར་རོ། །གླང་པོ་ཆེ་རྒྱགས་
D746.095.0099a05.01ཤིང་མྱོས་པ་ལ་བལྟས་ཤིང་བསྡིགས་ན་གླང་པོ་ཆེ་དབང་དུ་འགྱུར་རོ། །སློང་མོའི་ཟས་ཟ་ཞིང་ཆོ་ག་འདི་བཞིན་དུ་འཁོར་ལོ་བསྒྲུབས་ན་རིག་སྔགས་འཆང་གི་འཁོར་ལོས་སྒྱུར་བའི་རྒྱལ་པོར་འགྱུར་ཏེ། བསྐལ་པར་གནས་ཤིང་རིག་སྔགས་འཆང་བརྒྱས་བསྐོར་བ་ལ་མེ་ལོང་ལ་དབབ་
D746.095.0099a06.01པ་དང་། མཐེ་བོང་ལ་དབབ་པ་དང་། བུམ་པ་ལ་དབབ་པ་ཡང་ནུས་པར་འགྱུར་རོ། །དབྱེ་བར་བྱ་ན་ཞག་གསུམ་གྱི་བར་དུ་ཕུབ་མའི་སྦྱིན་སྲེག་ལན་སྟོང་རྩ་བརྒྱད་བརྒྱད་བྱས་ན་འབྱེ་བར་འགྱུར་རོ། །སྨིན་དྲུག་གི་བུའི་ཆོ་ག་རྫོགས་སོ།། །།ལྷ་མོ་ཆེན་མོ་དྲུག་མའི་
D746.095.0099a07.01