完整藏文原文 · 德格版页 当前仅加载第 95 函德格 155b 版页；藏文 NFD、目录标记与异常页序保留在来源切片中，重复版页行以稳定序号区分。
འདས་གང་ན་བ་དེ་ལོགས་སུ་ཐལ་མོ་སྦྱར་བ་བཏུད་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ནི་རིག་སྔགས་ཀྱི་རྒྱལ་པོ་ཆེན་པོའོ། །རིག་སྔགས་ཀྱི་རྒྱལ་པོ་ཆེན་པོ་རིག་སྔགས་ཀྱི་བདག་པོ་ཆེན་པོ། རིག་སྔགས་ཐམས་ཅད་ཀྱི་བདག་པོ་
D746.095.0155b01.01རིག་སྔགས་ཐམས་ཅད་སྒྲུབ་པ་དང་། ཕུར་བུས་འདེབས་པ་དང་། །གཅོད་པར་བགྱིད་པ་ལགས་ཏེ། བཅོམ་ལྡན་འདས་བདག་གིས་སེམས་ཅན་ཐམས་ཅད་ལ་སྨན་པ་དང་། སེམས་ཅན་ཐམས་ཅད་ལ་ཕན་པ་དང་བདེ་བའི་སླད་དུ་རིག་པ་མཆོག་གི་ཆོ་ག་རྒྱས་པ་བཤད་
D746.095.0155b02.01པ་ལགས་སོ། །བཅོམ་ལྡན་འདས་སེམས་ཅན་རྣམས་ལ་སྨན་པར་འཚལ་བའི་སླད་དུ། ལྷ་ཐམས་ཅད་ཀྱིས་མ་འཚལ་བ་དང་། མ་ཐོས་པ་གང་ལགས་པ་དེ་ཡང་བཤད་པར་འཚལ་ལོ། །བཅོམ་ལྡན་འདས་འདི་ནི་རིག་པ་མཆོག་གི་ཆོ་ག་རྒྱས་པའི་སྙིང་པོར་གྱུར་པ་ལགས་སོ། །
D746.095.0155b03.01འདི་ནི་ཡང་དག་པ་ལགས་སོ། །བཅོམ་ལྡན་འདས་འདི་ནི་བདག་གི་རླབས་ཆེན་པོ་ལགས་ཏེ། ཐབས་འདི་འབའ་ཞིག་གིས་རིག་སྔགས་ཐམས་ཅད་བསྒྲུབ་པར་འཚལ་ལོ། །ཐབས་འདི་འབའ་ཞིག་གིས་གསང་སྔགས་ཐམས་ཅད་ཕུར་བུས་གདབ་པར་འཚལ་ལོ། །དེ་ནས་
D746.095.0155b04.01བཅོམ་ལྡན་འདས་ཀྱིས་ལག་ན་རྡོ་རྗེ་ལ་འདི་སྐད་ཅེས་བཀའ་སྩལ་ཏོ། །རིག་སྔགས་ཀྱི་རྒྱལ་པོ་བྱང་ཆུབ་སེམས་དཔའ་ཆེན་པོ་གང་གིས་སེམས་ཅན་རྣམས་འགྲུབ་པའི་ཉེ་བར་བསྒྲུབ་པའི་ལས་རྣམས་ཤོད་ཅིག་ཤོད་ཅིག །དེ་ནས་རིག་སྔགས་ཀྱི་རྒྱལ་པོ་ཆེན་པོ་ལག་ན་རྡོ་རྗེས་སྙིང་རྗེའི་
D746.095.0155b05.01སེམས་ཀྱིས་རིག་སྔགས་ཀྱི་ཚོགས་ལ་བལྟས་ནས། སེམས་ཅན་རྣམས་ཀྱི་དོན་གྱི་ཕྱིར་རིག་སྔགས་འཆང་གི་གསང་བ་བཤད་པ། མི་གང་མདོག་སྡུག་པ་དང་། ལག་པ་རིང་བ་དང་། སེན་མོ་ཟངས་ཀྱི་མདོག་ལྟ་བུ་དང་། རྐང་པ་རུ་སྦལ་འདྲ་བའི་རིག་སྔགས་འཆང་དེ་ལ་
D746.095.0155b06.01ནི་རིག་སྔགས་འཆང་དེ་དག་གིས་རིག་སྔགས་འཆང་གི་ལས་རྣམས་འགྲུབ་པར་འགྱུར་རོ། །མི་གང་མདོག་གནག་པ་དང་། མིག་དམར་བ་དང་། སྣ་ཡོ་བ་དང་། སེན་མོ་སེར་བ་དང་། སེན་མོ་སྔོ་བ་དང་། མཛེ་ཅན་དང་། ཤ་གཟིག་གུ་དང་། ཤུ་བ་དང་།
D746.095.0155b07.01