完整藏文原文 · 德格版页 当前仅加载第 95 函德格 190b 版页；藏文 NFD、目录标记与异常页序保留在来源切片中，重复版页行以稳定序号区分。
ཤུལ་སི། །པད་འདྲ་མ་དང་སྦྲང་རྩི་མར། །མ་ཧཱ་བྱི་ཤ་ལ་དང་བཅས། །འདིར་ནི་ལས་ཀྱང་བྱ་བ་ཡིན། །ཐམས་ཅད་འཇུག་པའི་སྒོ་དག་ཏུ། །ཐམས་ཅད་ཀྱང་ནི་འབྱུང་བར་བྱ། །སྒོ་མ་ཡིན་པ་གཞག་དག་ཏུ། །འདིར་ནི་ཅི་ཡང་མི་བྱའོ། །ཞེ་སྡང་གཏི་མུག་རྒྱགས་
D746.095.0190b01.01དང་མྱོས། །འདོད་ཆགས་མི་ཤེས་དབང་གིས་ཀྱང་། །འདི་ལ་འཇུག་དང་འབྱུང་བྱས་ན། །མི་རྣམས་མྱུར་དུ་ནད་ཀྱིས་འདེབས། །གདོན་རྣམས་མྱོས་ཤིང་རྒྱགས་པ་ཡིས། །རྡོ་རྗེ་དག་ལ་བརྫི་བྱེད་དམ། །རྐང་པས་རྡོ་རྗེ་རི་མོ་བརྫིས། །མྱུར་དུ་དམ་ཚིག་ཉམས་འགྱུར་ཏེ། །
D746.095.0190b02.01དེ་དག་རྡོ་རྗེ་འཛིན་པ་ཡིས། །མྱུར་དུ་རྡོ་རྗེ་ཆེན་པོས་འཇོམས། །དེ་དག་གི་ནི་རིགས་རྣམས་ཀྱང་། །རྡོ་རྗེ་རིག་སྔགས་ཚོགས་ཀྱིས་གཞག །སློབ་དཔོན་ཡང་ན་དམ་ཚིག་ཤེས། །གདོན་གང་དག་གིས་བརྙས་བྱེད་ན། །རྡོ་རྗེ་ལྕགས་ཀྱུའི་བཟླས་བརྗོད་དང་། །སྦྱིན་
D746.095.0190b03.01སྲེག་དག་གིས་དེ་ཡི་རིགས། །སྐད་ཅིག་གིས་ནི་བཅོམ་པར་འགྱུར། །གཞན་ཡང་རྡོ་རྗེ་རིགས་ཆེན་ལས། །རིག་སྔགས་འདོར་གྱུར་གང་ཡིན་པ། །དེ་ཡང་སྔར་ནི་བསྒྲུབ་བྱས་ལ། །མྱོས་ལ་སོགས་པས་གདོན་རྣམས་བསྐྲད། །གང་ཕྱིར་སྒོར་ཡང་འགྲུབ་པའི་ཕྱིར། །
D746.095.0190b04.01རྟག་ཏུ་འདི་ནི་ནང་དག་ཏུ། །མཆོད་པའི་ཚོགས་ནི་བརྗོད་པ་དང་། །བརྡེག་པ་ལ་སོགས་ལས་མི་བྱ། །གཞན་ཡང་ནད་གཏང་མང་པོ་དང་། །{ཡི་དགས་,ཡི་དྭགས་}འབྱུང་པོ་ཤ་ཟ་དག །དཀྱིལ་འཁོར་སྤོང་བར་བྱེད་པ་དག །དེ་དག་འདིར་ནི་བཤིག་པ་ཡི། །དྲག་པོའི་ལས་ལ་འཇུག་
D746.095.0190b05.01པར་བྱ། །གཞིག་པར་བྱ་བ་གང་ཡང་རུང་། །ཐམས་ཅད་ལྷོ་ཕྱོགས་ནང་དུ་བྱ། །ཀུན་ལ་མེ་ནི་འབར་བར་བྱ། བདུག་པའི་སྣོད་ནི་ཕྱི་རོལ་གཞག །ལྷ་བཤོས་སྣ་ཚོགས་མཛེས་པ་དག །ཅི་འདོད་ཀུན་ནི་ཐམས་ཅད་དུ། །ཐམས་ཅད་ཟད་མི་ཤེས་པར་བྱ། །གདོན་
D746.095.0190b06.01གྱི་དཀྱིལ་འཁོར་ཕ་རོལ་གྱི། །བྱང་ཤར་མཚམས་སུ་གང་འདོད་པའི། །ལྷ་ཡི་ཕྱག་རྒྱའི་ཚོགས་ཀྱང་བྲི། །པདྨ་འཁོར་ལོ་རྒྱལ་མཚན་མདུང་། །མདུང་ཐུང་དབྱུག་པ་བེ་ཅོན་རི། །ཞགས་པ་རྩེ་གསུམ་ཁ་གདེང་དུང་། །གདོན་དྲག་རྣམས་ལ་གནས་པར་བྱ། །གང་ན་
D746.095.0190b07.01