完整藏文原文 · 德格版页 当前仅加载第 95 函德格 137a 版页；藏文 NFD、目录标记与异常页序保留在来源切片中，重复版页行以稳定序号区分。
ཡི་ནི་ཐེ་ཚོམ་དང་། །གང་གིས་གནོད་སྦྱིན་གཏོང་འགྱུར་དང་། །བསྲེག་པ་དང་ནི་བཅད་པ་དང་། །བསད་ཅིང་རུས་པ་གཞོམ་པ་དང་། །དེ་དག་ཆོ་ག་རབ་བཤད་པ། །དེ་ནི་སྟོབས་ཆེན་བདག་ལ་གསུངས། །དེ་ལྟར་བློ་ཅན་ཆེ་བ་ཉིད། །བདུད་རྩི་ཐབ་
D746.095.0137a01.01སྦྱོར་གྱིས་དྲིས་ནས། །ལག་ན་རྡོ་རྗེ་སྐལ་ཆེན་གྱིས། །འདི་སྐད་ཅེས་ནི་ཚིག་ཀྱང་སྨྲས། །བདུད་རྩི་ཐབ་སྦྱོར་ཁྱོད་ཀྱིས་སུ། །ང་ལ་གང་དྲིས་བཤད་པར་བྱ། །ལྷ་རྣམས་འཁོད་པའི་ནང་དུ་ཉོན། །མ་རུངས་པ་ཡི་གདོན་ཉིད་ནི། །གཡོ་དང་མི་གཡོ་ཞེས་བྱ་བ། །སེམས་
D746.095.0137a02.01ཅན་ཀུན་ལ་འཚེ་བ་ཡོད། །སྦྱིན་སྲེག་ལས་ནི་དུ་མས་ཀྱང་། །གཡོ་དང་མི་གཡོའི་འབྲོས་མི་འགྱུར། །དེ་ཡི་མཚན་མ་ངས་བཤད་ཀྱིས། །{གོ་རིམས་,གོ་རིམ་}བཞིན་དུ་ལྷ་རྣམས་ཉོན། །དྲིས་པ་ཡི་ནི་དོན་རྣམས་ཀྱང་། །རབ་ཏུ་ཡང་ནི་སྨྲ་བར་བྱེད། །ངུ་བར་བྱེད་ཅིང་རབ་ཏུ་ཁྲོ། །
D746.095.0137a03.01དེ་ནི་མ་རུངས་མཚན་མར་ཤེས། །འདུས་ཤིང་འཚོགས་པའི་ནང་དག་ཏུ། །ཤིན་ཏུ་ཡོངས་སུ་སྲུང་བ་གང་། །ཁང་སྟོང་དག་ཏུ་དགའ་བར་བྱེད། །དེ་ནི་མ་རུངས་མཚན་མར་ཤེས། །གང་གིས་རྟག་ཏུ་ཕྱག་འཚལ་དང་། །སྙན་པར་ཡང་ནི་སྨྲ་བར་བྱེད། །སྟན་དག་ཀྱང་ནི་
D746.095.0137a04.01སྟོབས་པར་བྱེད། །དེ་ནི་མ་རུངས་མཚན་མར་ཤེས། །སྟན་དག་ལས་ནི་སྟན་དག་ལ། །ཅི་སྟེ་འཕོ་ཞིང་ལྡང་བར་བྱེད། །དེ་ནི་མ་རུངས་མཚན་མར་ཤེས། །ང་ནི་ལྷ་ཡིན་ཁྱབ་འཇུག་ང་། །ཚངས་པ་ང་ཡིན་དབང་ཕྱུག་ང་། །སྐྱེ་དགུའི་བདག་པོ་ང་ཡིན་ཞེས། །
D746.095.0137a05.01དེ་སྐད་ཀྱི་ནི་ཚིག་སྨྲ་ཞིང་། །གདོན་ཀུན་གྱི་ནི་ཚུལ་ཡང་བྱེད། །གང་གིས་གདོན་ཏེ་གཏོར་འགྱུར་བ། །དེ་ཡི་གསོ་བའི་ཐབས་ཀྱང་བཤད། །ཨ་ཤྭ་གནྡྷ་ཤུ་དག་དང་། །འབྲས་བུ་གསུམ་དང་པུ་ཙེ་ཤེལ། །ཀནྟ་ཀ་རི་བྲི་ཧ་ཏི། །ཀི་རི་ཀར་ནི་དཀར་པོ་དང་། །ནག་ཏ་
D746.095.0137a06.01མ་ལའི་འབྲས་བུ་དང་། །ཤི་རི་ཤ་ཡི་མེ་ཏོག་དང་། །དེ་བཞིན་གསོ་མ་པ་ཏ་ལི། །པ་ལ་ཤ་ཡི་ལོ་མ་དང་། །བུ་ཚང་རྡོ་དང་རམ་ཉེ་བ། །བ་ལ་ཨ་ཏི་བ་ལ་དང་། །བིལ་བ་ཨརྒ་གཉིས་ཀྱི་རྩ། །དེ་བཞིན་རྩ་བ་ལྔ་པ་གཉིས། །ལོ་ནི་སུམ་ཅུ་ལོན་པ་ཡི། །མར་ནི་
D746.095.0137a07.01