完整藏文原文 · 德格版页 当前仅加载第 95 函德格 123b 版页；藏文 NFD、目录标记与异常页序保留在来源切片中，重复版页行以稳定序号区分。
སྡད་བར་སེམས་གང་ཡིན་པ་དེ་དག་ཐམས་ཅད་བསམས་པ་ཙམ་གྱིས་ཆོམས་པར་འགྱུར་ཏེ་ཚེ་ལོ་ཁྲི་སུམ་སྟོང་ཐུབ་པར་འགྱུར་རོ། །ལྷ་རྣམས་རྡོ་རྗེ་ཁྲོ་བོ་ཆེན་པོ་བདུད་རྩི་ཐབ་སྦྱོར་སྟོབས་དང་ཕ་རོལ་གནོན་པ་དཔག་ཏུ་མེད་པའི་ལས་རྣམས་ངས་བཤད་ཟིན་ཏོ། །འདི་ལ་དྲག་
D746.095.0123b01.01ཏུ་བསྐུལ་བའི་སྙིང་པོ་མཆོག་གི་རིག་སྔགས་ཀྱང་བཤད་པར་བྱའོ། །ན་མོ་བཛྲ་པཱ་ཎི་སྱ། ཧཱུྃ་ཛྭ་ལཱ་ན་ཡ་ཕཊ་སྭཱ་ཧཱ། གསང་སྔགས་འདི་ནི་ཆོ་ག་རྒྱས་པ་ཐམས་ཅད་ལ་དྲག་ཏུ་བསྐུལ་བ་ཡིན་ཏེ། རིག་སྔགས་ཐམས་ཅད་ཀྱང་འགྲུབ་པར་བྱེད་དོ། །མར་གྱི་ངོ་ཞག་བཅུ་བཞི་
D746.095.0123b02.01ལ་ཞག་གཅིག་སྨྱུང་བ་བྱས་ཏེ། འཕགས་པ་ལག་ན་རྡོ་རྗེའི་མདུན་དུ་དྲི་དང་། མེ་ཏོག་དང་། བདུག་པ་ཕུལ་ནས་དཀྱིལ་འཁོར་ཙནྡན་དམར་པོས་སྐྱོང་ནུལ་བྱུགས་ལ་ཀ་ར་བཱི་རའི་མེ་ཏོག་བརྒྱད་བརྒྱས་འཕགས་པ་ལག་ན་རྡོ་རྗེ་ལ་བསྣུན་ནས་འཕགས་པ་བདུད་རྩི་ཐབ་སྦྱོར་
D746.095.0123b03.01འགྲུབ་པར་འགྱུར་རོ། །དེ་ཕྱིན་ཅད་ལས་ཐམས་ཅད་བྱེད་ནུས་པར་འགྱུར་རོ། །ལྷ་རྣམས་རྡོ་རྗེ་ཁྲོ་བོ་ཆེན་པོ་བདུད་རྩི་ཐབ་སྦྱོར་སྟོབས་དང་ཕ་རོལ་གནོན་པ་དཔག་ཏུ་མེད་པའི་ལས་རྣམས་ངས་བཤད་ཟིན་ཏོ། །ཚངས་པས་བཤད་པའི་ལས་ཀྱང་བསྟན་པར་བྱ་སྟེ། སྲུང་
D746.095.0123b04.01བ་ནི་ལན་བདུན་བཟླས་བརྗོད་བྱས་པའི་ཐལ་བས་བྱའོ། །གདོན་བསྐྱོད་པ་ནི་མཐེ་བོས་བྱའོ། །ལོ་ཏོག་མ་རུང་བར་བྱ་བ་(ན་,ནི་)ཡིད་ཀྱིས་བྱའོ། །ཆུ་མ་རུང་བར་བྱ་བ་ནི་ལན་གསུམ་བཟླས་བརྗོད་བྱས་པའི་གསེག་མས་བྱའོ། །དགྲ་བསད་པར་འདོད་ན་དགྲ་གང་ན་འདུག་པ་དེ་
D746.095.0123b05.01ལོགས་སུ་ཁ་བལྟས་ཏེ་ཞག་བདུན་གྱི་བར་དུ་དུས་གསུམ་དུ་ལན་བརྒྱད་བརྒྱ་བརྒྱད་བརྒྱ་བཟླས་བརྗོད་བྱས་ན་ཞག་བདུན་གྱི་ཉིན་པར་དགྲ་འཆི་བར་འགྱུར་རོ། །བུད་མེད་དབང་དུ་བྱ་བར་འདོད་ན་འཕགས་པ་ལག་ན་རྡོ་རྗེའི་མདུན་དུ་ཀ་ར་བཱི་རའི་མེ་ཏོག་བརྒྱད་བརྒྱས་འཕགས་པ་ལག་ན་
D746.095.0123b06.01རྡོ་རྗེ་ལ་བསྣུན་ན་དབང་དུ་འགྱུར་རོ། །ཁྲག་འཛག་པར་བྱ་ན་ཞག་གསུམ་གྱི་བར་དུ་རྒྱ་སྐྱེགས་ཀྱིས་སྦྱིན་སྲེག་བརྒྱད་བརྒྱ་བརྒྱད་བརྒྱ་བྱས་ན་ཁྲག་མང་དུ་འཛག་པར་འགྱུར་རོ། །འོ་མའི་སྦྱིན་སྲེག་བྱས་ན་ཞི་བར་འགྱུར་རོ། །ཕ་རོལ་གྱི་ཡུལ་འཁོར་གཞོམ་ན་སྔར་ངས་ལས་བཤད་
D746.095.0123b07.01