德格《甘珠尔》D746

གཤེགས་པས་བསྟོད་ཅིང་བཀུར་ཏེ་བསྔགས་ལ་ལེགས་སོ་ལེགས་སོ། །བརྩོན་འགྲུས་དང་བརྟུལ་བ་ཆེན་པོ་དང་ལྡན་པ་ལེགས་སོ་ཞེས་བྱ་བ་སྨྲས་སོ། །དེ་ནས་གཞོན་ནུ་རྡོ་རྗེ་སྡེས་བཅོམ་ལྡན་འདས་ཀྱི་ཞབས་དང་ལག་ན་རྡོ་རྗེ་ལ་ཕྱག་འཚལ་ཏེ། བྱང་

ཆུབ་སེམས་དཔའ་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །ཡབ་བདག་ཀྱང་རིག་པ་མཆོག་ལ་དགའ་བས་གང་གིས་རིག་པ་མཆོག་བསྒྲུབ་པའི་རིག་སྔགས་འཆང་དེ་ལ་གནོད་སྦྱིན་ཐམས་ཅད་དང་། ལོག་འདྲེན་ཐམས་ཅད་དང་། རིག་སྔགས་འཆང་ཐམས་ཅད་

དང་། གྲུབ་པ་ཐམས་ཅད་དང་། ཀླུ་ཐམས་ཅད་དང་། {ཡི་དགས་,ཡི་དྭགས་}ཐམས་ཅད་དང་། གྲུལ་བུམ་ཐམས་ཅད་བགེགས་བགྱིད་པར་མི་འགྱུར་བར་སེམས་ཅན་ཐམས་ཅད་ཀྱི་དོན་གྱི་སླད་དུ་གསང་སྔགས་སྩལ་བར་བགྱིའོ། །དེ་ནས་གནོད་སྦྱིན་གྱི་དབང་པོ་ལག་ན་རྡོ་རྗེས་གཞོན་ནུ་རྡོ་

རྗེ་སྡེ་ལ་འདི་སྐད་ཅེས་སྨྲས་སོ། །བཞིན་{བཟངས་,བཟང་}ཁྱོད་སེམས་ཅན་ཐམས་ཅད་ལ་ཕན་པར་བརྩོན་པ་ལེགས་སོ། །བཞིན་{བཟངས་,བཟང་}ཁྱོད་རིག་པ་མཆོག་གི་དོན་གྱི་ཕྱིར་གསང་སྔགས་སྨྲོས་ཤིག །དེ་ནས་ཕས་གནང་བས་གཞོན་ནུ་རྡོ་

རྗེ་སྡེ་དགའ་མགུ་ཡི་རངས་ཏེ། བཅོམ་ལྡན་འདས་ཀྱི་ཞབས་གཉིས་ལ་ཕྱག་འཚལ་ནས་ལོག་འདྲེན་ངེས་པར་གཞིག་པའི་གསང་སྔགས་སྨྲས་པ། ན་མོ་བུདྡྷཱ་ཡ། ན་མོ་དྷརྨ་ཡ། ནམཿསཾ་གྷ་ཡ། ན་མ་ཤྩཎྜ་བཛྲ་པཱ་ཎ་ཡེ། མ་ཧཱ་ཡཀྵ་སེ་ནཱ་པ་ཏ་ཡེ། ན་མོ་བཛྲ་སྱ་ནཱ་ཡ། ཀུ་མཱ་

ར་རཱུ་པ་དྷཱ་ར་ཎི། ཨ་པྲ་ཏི་ཧ་ཏཱ་ཡ། མ་ཧཱ་བ་ལ་པ་རཱ་ཀྲ་མཱ་ཡ། ཙ་ལ་ཙ་ལ། ཀུ་ལ་ཀུ་ལ། མ་ཐ་མ་ཐ། ནཱ་ཤ་ཡ་སརྦ་བིགྷྣཱན། བི་ནཱ་ཡ་ཀཱཾ། བནྡྷ་བནྡྷ། སྥོ་ཊ་ཡ་སྥོ་ཊ་ཡ། མ་ར་མ་ར། བྷིནྡ་བྷིནྡ། ཡེ་མ་མ་དུཥྚ། ཙིནྟ་སྟྭཾ་མྱ་ཀྲིནྟ་ཛམྦྷ་མོ་ཧ་མ་ཡ་

ནི། སུམྦྷ་ཡ་སྟམྦཱ་ཡ་སྭཱ་ཧཱ། སྒྲུབ་པའི་དུས་ན་གྲོག་མཁར་གྱི་ས་ལས་རྡོ་རྗེ་བགྱིས་ཏེ་བསྲུང་བར་བགྱིའོ། །བསྲུང་བའི་དུས་ན་ཏིལ་ནག་པོས་སྦྱིན་སྲེག་བརྒྱ་སྟོང་བགྱིས་ན་བགེགས་ཐམས་ཅད་བཅོམ་པར་འགྱུར་རོ། །སྒྲུབ་པའི་དུས་ན་ལན་བདུན་བཟླས་བརྗོད་བགྱིས་