完整藏文原文 · 德格版页 当前仅加载第 95 函德格 63a 版页；藏文 NFD、目录标记与异常页序保留在来源切片中，重复版页行以稳定序号区分。
ལོགས་སུ་རྡོ་རྗེ་སྡེ་དང་གཙུག་ནས་བྱུང་རྩེ་ཞིང་འདུག་པར་བྲི་སྟེ། རྡོ་རྗེ་སྡེ་ནི་གསེར་གྱི་མདོག་ཅན་ལ་རྒྱན་ཐམས་ཅད་ཀྱིས་བརྒྱན་པར་བྱའོ། །གཙུག་ནས་བྱུང་གི་མདོག་དམར་ལ་མིག་གསུམ་ཡོད་པ་གླང་པོ་ཆེའི་པགས་པའི་སྨད་གཡོགས་ཅན་ཀླུའི་
D746.095.0063a01.01རྒྱལ་པོ་ནོར་རྒྱས་ཀྱི་སེ་རལ་ཀར་ཐོགས་ལ་རྒྱན་སྣ་ཚོགས་ཀྱིས་བརྒྱན་པར་བྱའོ། །ཁྱད་པར་དུ་རྡོ་རྗེ་སྡེའི་དྲུང་དུ་རྡོ་རྗེ་ཁྲོ་བོ་འབར་ལ་ལོག་འདྲེན་རྣམས་འཇོམས་ཤིང་འཐོར་བར་བྲི། རིག་པའི་མཆོག་འདོད་དགུར་སྒྱུར་བའི་གཟུགས་ཅན་ལན་ཅིག་མཐོང་བ་ཙམ་གྱིས་ངོ་ཤེས་
D746.095.0063a02.01པ་ཙམ་དུ་གསལ་བ་ལག་ན་རྡོ་རྗེའི་ཁ་ནས་འབྱུང་བར་བྲིའོ། །གཟུགས་དེ་མཐོང་ན་སྔོན་གྱི་སྡིག་པ་ཐམས་ཅད་ལས་གྲོལ་བར་འགྱུར་ཏེ། ལོག་འདྲེན་རྣམས་ཀྱིས་ཀྱང་མི་ཚུགས་སོ། །གང་རི་མོའི་གཟུགས་འདི་སྒྲུབ་པ་དེས་ནི་དངོས་གྲུབ་ཀྱི་མཆོག་ངེས་པར་འགྲུབ་པར་
D746.095.0063a03.01འགྱུར་རོ། །སྒྲུབ་པར་འདོད་པའི་རིག་སྔགས་འཆང་གིས་ཞག་གསུམ་སྨྱུང་བ་བྱས་ཏེ་ཟླ་བ་ཉ་ལ་རི་མོའི་གཟུགས་ལ་མཆོད་པ་རྒྱས་པར་བྱས་ནས་གསང་སྔགས་སྔ་མ་དག་གིས་ལས་རྣམས་བྱའོ། །འོ་མས་བཀང་བའི་སྣོད་བཞི་དང་། ཞོས་བཀང་བ་བཞི་དང་། དེ་བཞིན་དུ་བཏུང་
D746.095.0063a04.01བ་དང་། སྦྱར་ཐུག་གིས་བཀང་བ་བཞི་བཞི་དབུལ་ཞིང་འབྱུང་པོའི་གཏོར་མ་ཡང་སྦྱིན་ནོ། །དེ་ནས་རིག་སྔགས་འཆང་གིས་དངོས་གྲུབ་ཀྱི་མཚན་མ་བྱུང་གི་བར་དུ་ནམ་ཕྱེད་ཀྱི་དུས་སུ་མེ་ཏོག་དྲི་ཞིམ་པོ་སྟོང་རྩ་བརྒྱད་བཟླས་བརྗོད་ལན་རེ་རེ་སྦྱར་ཞིང་བཅོམ་ལྡན་འདས་མ་སངས་རྒྱས་
D746.095.0063a05.01ཀྱི་ཡུམ་ལ་བསྣུན་ན་རི་མོའི་གཟུགས་འགུལ་བ་དང་། མེ་ཏོག་གི་ཕྲེང་བ་གཡོ་བ་དང་། ལྷ་མོ་ལས་འོད་ཟེར་འབྱུང་བར་འགྱུར་ཏེ་རི་མོའི་གཟུགས་འགུལ་ན་ནི་དབབ་པའི་ལས་དང་། ཞི་བ་དང་། རྒྱས་པའི་ཆོ་ག་འགྲུབ་པར་འགྱུར་རོ། །མེ་ཏོག་ཕྲེང་བ་གཡོ་ན་ནི་དབབ་པའི་
D746.095.0063a06.01རིག་སྔགས་ཀྱི་ཆོ་ག་འགྲུབ་པར་འགྱུར་རོ། །འོད་ཟེར་བྱུང་ན་ནི་ཆོ་ག་རྒྱས་པའི་དངོས་གྲུབ་མཆོག་ཏུ་འགྱུར་ཏེ། སྒྲུབ་པར་གྱུར་ན་རྡོ་རྗེའི་རིགས་ཐམས་ཅད་འགྲུབ་པར་འགྱུར་རོ། །འཕགས་པ་སྤྱན་རས་གཟིགས་དབང་ཕྱུག་གི་དཔལ་ཆེན་མོའི་རིག་སྔགས་ཀྱི་ཆོ་ག་རྒྱས་པ་
D746.095.0063a07.01