完整藏文原文 · 德格版页 当前仅加载第 95 函德格 9a 版页；藏文 NFD、目录标记与异常页序保留在来源切片中，重复版页行以稳定序号区分。
སྔགས་འཆང་གི་རིག་པའི་སྒྲུབ་པ་ལ་བགེགས་སུ་མི་འགྱུར་རོ། །ལོག་འདྲེན་གྱིས་མི་ཚུགས་སོ། །དངོས་གྲུབ་འདིས་མཚན་མོའི་ལྷ་མོ་བཞིས་དངོས་གྲུབ་ཏུ་འགྱུར་ཏེ། སྲོད་ནི་ལྷ་མོ་མེ་ཏོག་གིའོ། །མཇིང་ནི་ལྷ་མོ་ཕྲེང་བའི་འོ། །ནམ་གུང་
D746.095.0009a01.01ནི་ལྷ་མོ་ཀུ་མུ་ཏའི་འོ། །ཐོ་རངས་ནི་ལྷ་མོ་མཛེས་མའི་འོ། །རིག་སྔགས་འཆང་ནི་རིག་པ་སྒྲུབ་ན་སྲོད་ལ་ལོག་འདྲེན་གནས་སུ་འོང་སྟེ། དེ་ནས་མཚན་མོའི་ལྷ་མོ་མེ་ཏོག་གིས་ལོག་འདྲེན་མཐོང་ནས་བཅོམ་ལྡན་འདས་ལག་ན་རྡོ་རྗེ་ཡིད་ལ་བགྱིད་དོ། །ལག་ན་རྡོ་རྗེ་
D746.095.0009a02.01ཡིད་ལ་བགྱིད་པས་ལོག་འདྲེན་རྣམས་སྐྲག་ཅིང་ཉམས་ཏེ་ཉམ་ཐག་ནས་འབྲོས་པར་འགྱུར་རོ། །ལག་ན་རྡོ་རྗེ་རིག་སྔགས་འཆང་དེའི་མདུན་དུ་འདུག་ཅིང་དངོས་གྲུབ་ཀྱང་མྱུར་དུ་སྩོལ་བར་མཛད་དོ། །མཇིང་ལ་གལ་ཏེ་བགེགས་བྱུང་ན་མཚན་མོའི་ལྷ་མོ་ཕྲེང་བ་
D746.095.0009a03.01དེས་ལྷ་ཆེན་པོ་ལ་བཅོམ་ལྡན་འདས་ལག་ན་རྡོ་རྗེ་ཁྱོད་ལ་འབོད་དོ་ཞེས་སྒྲོགས་སོ། །དེས་དེ་ཐོས་ནས་སྙིང་འདར་ཞིང་མྱུར་བ་མྱུར་བར་མདུན་དུ་འདུག་སྟེ། དེས་ན་རིག་སྔགས་འཆང་དེ་ལ་བགེགས་སུ་མི་འགྱུར་རོ། །དངོས་གྲུབ་ཀྱང་མྱུར་དུ་འགྲུབ་བོ། །ནམ་
D746.095.0009a04.01གུང་ལ་གལ་ཏེ་བགེགས་བྱུང་ན་མཚན་མོའི་ལྷ་མོ་ཀུ་མུ་ད་དེ་ཡང་རྒྱལ་པོ་ཆེན་པོ་བཞི་ལ་ཀྱེ་ཀྱེ་བཙུན་པ་ཀུན་དག་ལག་ན་རྡོ་རྗེ་ཁྱོད་ལ་འབོད་དོ་ཞེས་སྒྲོགས་སོ། །དེ་དག་གིས་ཚིག་དེ་ཐོས་ནས་སྙིང་འདར་ཞིང་མྱུར་བ་མྱུར་བར་མདུན་དུ་འདུག་སྟེ། དེས་ན་དེ་ལ་བགེགས་
D746.095.0009a05.01སུ་མི་འགྱུར་རོ། །ཐོ་རངས་ལ་གལ་ཏེ་བགེགས་བྱུང་ན་མཚན་མོའི་ལྷ་མོ་མཛེས་མ་ཡང་ལོག་འདྲེན་རྣམས་ལ་ཀྱེ་ཀྱེ་ལོག་འདྲེན་སྡང་བ་རྣམས་དྲག་པོ་ལག་ན་རྡོ་རྗེས་བཀའ་སྩལ་ཏོ་ཞེས་བསྒོ་བར་བགྱིད་དོ། །དེ་དག་གིས་དེའི་ཚིག་ཐོས་ནས་ཕྱོགས་བཅུར་འབྲོས་
D746.095.0009a06.01སོ། །དེས་ན་དེ་ལ་བགེགས་སུ་མི་འགྱུར་ཏེ་བདེ་བར་ལས་རྣམས་འགྲུབ་པར་བྱེད་དོ། །མར་གྱི་ངོ་ཞག་བརྒྱད་དམ་བཅུ་བཞི་ལ་བུད་མེད་བུ་བྱུང་བའི་ཁྱེའུའི་ལྟེ་བ་སོར་གཉིས་ཙམ་བཅད་ལ་གསེར་གྱི་གྱིམ་བག་གིས་དཀྲིས་ཏེ། མར་གྱི་ངོ་ཞག་བརྒྱད་ལ་ཉིན་ཞག་
D746.095.0009a07.01