完整藏文原文 · 德格版页 当前仅加载第 95 函德格 171a 版页；藏文 NFD、目录标记与异常页序保留在来源切片中，重复版页行以稳定序号区分。
ཆེ་དེ་ཆོ་ག་རྒྱས་པ་དེའི་དངོས་གྲུབ་སྦྱིན་པར་བྱེད་པ་ཡིན་ནོ། །རིག་པ་མཆོག་གི་ཆོ་ག་རྒྱས་པ་ཆེན་པོ་བཅོམ་ལྡན་འདས་མ་ལ་དྲག་ཏུ་སྐུལ་བར་བྱེད་པ་ངས་བཤད་པ་གང་ཡིན་པ་དང་། ཆོ་ག་རྒྱས་པ་ཆེན་པོ་འདི་དག་གི་ནང་ན་ནི་རིག་པ་མཆོག་གཙོ་བོ་ཡིན་པར་ངས་བཤད་དོ། །
D746.095.0171a01.01དེའི་ནང་ནས་ངས་བཤད་པའི་མཱ་མ་ཀཱིའི་ཕྱག་རྒྱའི་མཚན་ཉིད་གདོང་དམར་དང་། ཀླུ་མགོ་ཅན་དང་། ཕྲེང་བ་འཛིན་དང་། མཱ་མ་ཀཱི་ལ་དྲག་ཏུ་བསྐུལ་བའི་མཆོག་གི་ཕྱག་རྒྱ་འདི་རྣམས་དང་ལྡན་པར་མཁས་པ་གང་ཞིག་ཟླ་བ་གཅིག་གི་བར་དུ་འཛིན་པར་བྱེད་ལ་སློང་མོའི་ཟས་ཟ་ཞིང་ཚངས་
D746.095.0171a02.01པར་སྤྱོད་པ་དེས་ནི་དེ་བཞིན་དུ་དུས་གསུམ་དུ་མཆོད་པ་བྱས་ཏེ། དེར་མཱ་མ་ཀཱིའི་མིང་བསྒྲགས་པ་ཡང་བརྗོད་ན་ཟླ་བ་ཚང་ནས་བཅོམ་ལྡན་འདས་ལག་ན་རྡོ་རྗེ་ཕྱག་རྒྱའི་ལྷ་དང་ཐབས་ཅིག་ཏུ་མཐོང་བར་འགྱུར་ཏེ། ཡིད་ལ་སྨོན་པ་ཐམས་ཅད་ཡོངས་སུ་རྫོགས་པར་བྱེད་དོ། །དེ་ནས་ཟླ་
D746.095.0171a03.01བ་ཕྱེད་ཀྱི་བར་དུ་སློང་མོའི་ཟས་བཟའ་ཞིང་ཁང་པ་སྟོང་པར་དུས་གསུམ་དུ་རིག་སྔགས་ཀྱི་རྒྱལ་པོ་སྟོང་དང་ལྡན་པར་མིང་ཡང་དག་པར་བརྗོད་པར་བྱའོ། །ཡང་ན་ཏ་ལའི་ལོ་མའམ་གྲོ་ག་ལ་བྲིས་ཏེ་མཆོད་ན་ཡང་ཟླ་བ་ཕྱེད་ཀྱིས་ཕྱག་རྒྱའི་ལྷ་མཐོང་བར་འགྱུར་ཏེ། ཅི་འདོད་པ་བཞིན་དུ་ལྷ་དེས་བྱེད་
D746.095.0171a04.01པར་འགྱུར་རོ། །ཕྱག་རྒྱ་དེ་དག་ལས་གང་ཡང་རུང་བ་བཞག་ནས་བསྙེན་བཀུར་བྱས་ན་ཕྱག་རྒྱ་རྣམས་འགྲུབ་པར་འགྱུར་ཏེ། དེ་ཕྱིན་ཆད་ལས་ཐམས་ཅད་ལ་ཕྱག་རྒྱ་བཞག་ནས་ལས་བསྒྲུབ་པར་བྱའོ། །ཟླ་བ་གཅིག་གི་བར་དུ་སློང་མོའི་ཟས་ཟ་ཞིང་། ཁང་པ་སྟོང་པར་རིག་སྔགས་ཀྱི་
D746.095.0171a05.01རྒྱལ་པོས་མཱ་མ་ཀཱི་དང་། གདོང་དམར་དང་། ཀླུ་མགོ་ཅན་དང་། ཕྲེང་བ་འཛིན་དང་། ཕྱག་རྒྱའི་རྒྱལ་མོ་འདི་དག་ལ་བསྙེན་བཀུར་བྱས་ཏེ། མཇུག་ཞག་གསུམ་གྱི་བར་དུ་སྨྱུང་བར་བྱས་ནས། དབེན་པའི་ཕྱོགས་སུ་དཀྱིལ་འཁོར་སྐྱོང་ནུལ་གྱིས་བྱུགས་ནས་མར་གྱི་ངོ་ཞག་བཅུ་བཞི་
D746.095.0171a06.01ལ་རྫས་དེ་དག་གིས་མཱ་མ་ཀཱིའི་གཟུགས་བྱས་ཏེ་གཞག་གོ། །གདོང་དམར་གྱི་གཟུགས་ཙནྡན་དཀར་པོའི་ཕྱེ་མ་ལས་བྱས་ཏེ་གཡས་ཕྱོགས་སུ་གཞག་གོ། །ཀླུ་མགོ་ཅན་དང་། ཕྲེང་བ་འཛིན་ནི་ཙནྡན་དམར་པོའི་ཕྱེ་མ་ལས་བྱས་ཏེ་གཞག་གོ། །དེ་ནས་རིག་སྔགས་འཆང་གི་
D746.095.0171a07.01