完整藏文原文 · 德格版页 当前仅加载第 95 函德格 191b 版页；藏文 NFD、目录标记与异常页序保留在来源切片中，重复版页行以稳定序号区分。
སོ་སོའི་ཕྱག་རྒྱའི་ཚོགས་འདི་ཡིན། །ཚངས་པའི་པདྨ་ལྷ་ཆེན་མདུང་། །གཤིན་རྗེའི་དབྱུག་ཆེན་དམ་པ་ཡིན། །ཁྱབ་འཇུག་འཁོར་ལོ་སྨན་པའི་མི། །ནམ་མཁའ་ལྡིང་གི་སྣ་དང་འདབ། །དབང་པོ་རྡོ་རྗེ་མེ་ཡི་ལྕེ། །ཆུ་ལྷ་ཡི་ནི་ཞགས་པ་བསྟན། །རླུང་ནི་དར་གྱིས་ཤུགས་
D746.095.0191b01.01ཅན་ཏེ། །ཏ་ན་ཏ་ཡི་བེ་ཅོན་སོགས། །འབྱུང་པོའི་གདོན་རྣམས་ཐམས་ཅད་ཀྱི། །ལག་པ་གཡོན་པས་དེ་དག་བཟུང་། །འཇུག་བྱེད་ཀྱི་ནི་འཁོར་ལོ་རྫིང་། །ལྟ་བ་དང་ནི་དི་རི་རི། །དྲི་ཟ་དག་ནི་ཐམས་ཅད་ཀྱི། །གླིང་བུ་པི་ཝང་ལ་སོགས་བསྟན། །གར་མཁན་དག་ནི་ལྷག་པར་
D746.095.0191b02.01ཡང་། །གར་དང་རོལ་མོའི་ཆ་བྱད་བསྟན། །གནོད་སྦྱིན་རྣམས་ཀྱི་ཆེར་བགད་པ། །རབ་གཏུམ་གྱི་ནི་སྒྲ་ཆེན་ཏེ། །ཀུ་བེ་ར་ཡི་མཚོན་མང་དང་། །ཡང་ན་ཕྱག་རྒྱའི་ཚོགས་ཀུན་ཡིན། །ཀླུ་ཆེན་གདེངས་ཀ་ཆེས་པ་སྟེ། །ལག་པ་གཡོན་པས་མགོ་བོར་གཞག །དབུགས་
D746.095.0191b03.01ནི་རྒྱུན་རིང་རྒྱུ་བ་དང་། །མིག་དམར་དུག་དང་བཅས་པ་ཡིན། །ཀླུ་རྣམས་གདངས་ཀ་མང་པོ་དག །གཅིག་ཏུ་གཞིབས་ནས་ཅི་དགར་གཞག །བྱ་བ་སྒྲུབ་པ་ཐམས་ཅད་ནི། །སྦྲུལ་ཡོང་པ་ཡི་གདེངས་ཀའི་དབྱིབས། །ཚངས་པ་སྲིན་པོ་གཉིས་ཀྱི་ནི། །སྔགས་ཀྱི་རིལ་བ་
D746.095.0191b04.01ནོར་བུ་དང་། །ཨོྃ་བརྗོད་པ་ཡི་དབྱུག་པ་དང་། །མཆོད་ཕྱིར་ཐོགས་ལ་སོགས་པར་བསྟན། །སྲིན་པོ་རྣམས་ཀྱི་སོ་གཙིགས་དང་། །རྫུ་འཕྲུལ་དག་ཀྱང་རབ་ཏུ་བསྟན། །བཟའ་བ་དང་ནི་བཅའ་བ་དང་། །མཚོན་ཆ་དང་ཀྱང་འདྲ་བ་ཡིན། །ཤ་ཟ་རྣམས་ནི་འཚེ་བ་དང་། །ཧ་རེར་
D746.095.0191b05.01ལྟ་ཞིང་ཤ་ལ་སྲེད། །འཇིགས་པ་སྣ་ཚོགས་སྟོན་པ་དང་། །ཀུན་ཏུ་ཡང་ནི་ལྟ་བར་བྱད། །སྐེམ་བྱེད་དང་ནི་རང་བཞིན་ཚུལ། །མདུང་ཐུང་ལ་སོགས་དཔུང་ལ་བརྟེན། །མ་མོའི་གདོན་ནི་ཐམས་ཅད་ནི། །རང་གི་ལྷ་ཡི་མཚོན་མཆོག་བྱེད། །པདྨ་ཕྱིར་དང་ཐོར་ཚུགས་དབྱུག་
D746.095.0191b06.01སྔགས་ནི་ནོར་བུ་བསྐོར་བར་བྱ། །རིལ་བ་འཛིན་པ་འཕགས་པ་རྣམས། །ཚངས་པའི་ཕྱག་རྒྱ་བདུན་པ་ཡིན། །མདུང་རྩེ་གསུམ་པ་ཟླ་ཕྱེད་དང་། །ཐོར་ཚུགས་མིག་དང་རྒྱལ་མཚན་དང་། །ཁྱུ་མཆོག་སྐད་འབྱིན་རལ་གྲི་རྣམས། །དབང་ཕྱུག་ཆེན་པོའི་ཕྱག་རྒྱ་བདུན། །
D746.095.0191b07.01