完整藏文原文 · 德格版页 当前仅加载第 67 函德格 206a 版页；藏文 NFD、目录标记与异常页序保留在来源切片中，重复版页行以稳定序号区分。
རྣམས་གཙུག་ལག་ཁང་གི་གནས་སྤངས་ཏེ། དགོན་པ་བས་མཐའི་མལ་སྟན་དག་ན་བཏང་སྙོམས་ལ་བསམ་གཏན་འཆའ་བར་འགྱུར་རོ། །དེ་ལྟར་ཆོས་མ་ཡིན་པའི་ཕྱོགས་ཀྱི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་ལ་ལ་དག་ནི་འཇིག་རྟེན་གྱི་ཁམས་གཞན་
D263.067.0206a01.01དུ་དོང་ངོ་། །ལ་ལ་དག་ནི་དགོན་པར་བཏང་སྙོམས་ཀྱི་བར་ལ་གནས་སོ། །གང་ཡུལ་དེ་ཡོངས་སུ་སྐྱོང་བའི་ལྷ་དེ་དག་ཀྱང་བཏང་སྙོམས་ལ་གནས་སོ། །ཡུལ་དེར་མུ་གེ་དང་། ནད་དང་། ཐབ་མོ་ཡང་འབྱུང་ངོ་། །དེར་སེམས་ཅན་རྣམས་གཅིག་ལ་གཅིག་འཆིང་ཞིང་གསོད་དེ། དེ་
D263.067.0206a02.01དག་གཅིག་ལ་གཅིག་འཇིགས་པས་ལོག་པར་ལྟ་བ་གཞན་ལ་སྐྱབས་སུ་འགྲོ་ན། ངས་འདི་ལྟ་བུའི་ཟབ་མོ་ཆོས་ཐམས་ཅད་ཀྱི་ཚུལ་གྱི་བཟོད་པ་འདི་སུ་ཞིག་ལ་ཡོངས་སུ་གཏད་པར་བྱ། དེ་ནས་བྱང་ཆུབ་སེམས་དཔའི་འཁོར་ཐམས་ཅད་དང་ཉན་ཐོས་ཆེན་པོ་དེ་དག་དང་། ལྷ་དང་།
D263.067.0206a03.01དྲི་ཟ་དང་། ལྷ་མ་ཡིན་མཐུ་ཆེན་པོ་དེ་དག་གིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཟབ་མོའི་ཆོས་ཀྱི་ཚུལ་ལ་བཟོད་པ་འདི་བདག་ཅག་གི་སུག་པར་གཏད་དུ་གསོལ། ཕོ་བྲང་འཁོར་གང་དང་ཡུལ་གང་ན་ཟབ་མོའི་ཆོས་ཀྱི་ཚུལ་ལ་བཟོད་པ་འདི་
D263.067.0206a04.01རབ་ཏུ་སྤྱོད་པར་འགྱུར་བའི་ཡུལ་དེར་བདག་ཅག་འཐབ་པ་དང་། རྩོད་པ་དང་། མུ་གེ་འབྱུང་བ་དང་། དགུང་ཆར་མི་འབབ་པ་དང་། བྲོ་ནད་དང་། གཞན་གྱི་འཁོར་བཟློག་པ་ལ་སྤྲོ་བར་བགྱིའོ། །ཆོས་སྨྲ་བ་དང་། ཆོས་འཚལ་བ་དང་། ཆོས་དགོད་པའི་གང་ཟག་རྣམས་
D263.067.0206a05.01བསྲུང་བར་བགྱིའོ། །རྒྱལ་པོ་དང་། བློན་པོ་དང་། ཞམ་རིང་བ་དང་། གྲོང་རྡལ་དང་། ལྗོངས་ན་གནས་པ་རྣམས་ཆོས་དང་ལྡན་པ་ལ་སྦྱར་བར་བགྱིའོ། །བཅོམ་ལྡན་འདས་ཀྱིས་བཀའ་སྩལ་པ། བཞིན་{བཟངས་,བཟང་}དག་ལེགས་སོ་ལེགས་སོ། །སྤོབས་པ་བཟང་ངོ་། །བརྩོན་པ་བཟང་ངོ་། །འཇིགས་པ་མེད་པ།
D263.067.0206a06.01ཁྲོ་བ་མི་སྙན་པ། བརྙས་མ་ཤིན་བྱེད་པ། བཀྲེས་པ། སྐོམ་པ། དབྱུག་པས་འཚོག་པ། གྲང་བ་དང་། ཚ་བ་དང་། རླུང་གིས་གདུངས་ཀྱང་དམ་པའི་ཆོས་ཀྱི་མིག་གནས་ཀྱི་བར་དུ་ཡུལ་དང་། གྲོང་ཁྱེར་དང་། གྲོང་རྡལ་དང་། འོར་གྱི་གྲོང་དང་། སངས་རྒྱས་ཀྱི་ཞིང་ཐམས་ཅད་དུ་ཆོས་ཀྱི་
D263.067.0206a07.01