完整藏文原文 · 德格版页 当前仅加载第 67 函德格 188b 版页；藏文 NFD、目录标记与异常页序保留在来源切片中，重复版页行以稳定序号区分。
བརྒྱད་ནི་ཉེ་བར་སྟོན། །འགྲོ་ལ་ལྷ་དང་ཟླ་བ་ཀུན་སྤངས་པ། །ལྟ་བའི་མུན་པ་དག་པར་ཇི་ལྟར་འགྱུར། །མི་འདུལ་ཁ་ལོ་སྒྱུར་ཞིང་ཐུགས་རབ་དགྱེས། །མི་མཆོག་རྒྱལ་པོ་འགྲོ་ལ་བཀྲ་ཤིས་མཛད། །ལྟ་བ་དགེ་ལ་འགྲོ་བ་འཇུག་པ་མེད། །སྡིག་པ་ལྟ་ལ་གང་དག་རྒྱུན་གཅོད་མེད། །
D263.067.0188b01.01བདེ་གཤེགས་འདུལ་དང་བཟོད་དང་སྡོམ་ལ་དགྱེས། །འགྲོ་བའི་ཐེ་ཙོམ་སྣ་ཚོགས་དེ་གཟིགས་ཏེ། །ཟླ་བར་གྱུར་པའི་ཆོས་ཀྱི་ཟླ་བ་བྱིན། །སྡིག་པའི་ལྟ་ཀུན་ཇི་བཞིན་འགྱུར་བ་མེད། །གཅིག་ཏུ་སྤྱད་པ་རྟག་ཏུ་བསམ་གཏན་དགྱེས། །དེ་བཞིན་འདིར་གནས་དཔག་མེད་འཁོར་དག་
D263.067.0188b02.01ལ། །སྡིག་པའི་ལྟ་བ་ཇི་ལྟར་ཡང་རེག་མེད། །ཆགས་མེད་རྒྱལ་མཚན་དོན་འདི་བཤད་དུ་གསོལ། །འཁོར་བའི་སྡུག་བསྔལ་རབ་ཏུ་ཞི་བར་མཛད། །བཱ་རཱ་ཎ་སཱིར་དགེ་བའི་འཁོར་ལོ་བསྐོར། །སྲོག་ཆགས་བྱེ་མང་ལྟ་ལས་ཐར་མཛད་པ། །ལྟ་བར་སོང་བ་ཐར་མཛད་ཆོས་གསུངས་
D263.067.0188b03.01གསོལ། །ལྟ་བ་སྤྱོད་ཅིང་སྡིག་པའི་བློ་གྲོས་ཅན། །སྲོག་ཆགས་བྱེ་སྟོང་ཕྲག་བཅུ་འདི་དག་གནས། །སྡིག་ལྟ་ཀུན་ཇི་བཞིན་འགྱུར་མེད་པ། །བདེ་གཤེགས་ཡོངས་སུ་བསྔོ་བ་ཇི་ལྟར་འགྱུར། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་ནམ་མཁའི་རང་
D263.067.0188b04.01བཞིན་ཅན་ལ་བཀའ་སྩལ་པ། རིགས་ཀྱི་བུ་གང་གི་ཚེ་བསྐལ་པ་ཚད་མེད་པ་ལས་ཤིན་ཏུ་འདས་པར་སྟོན་པ་དེའི་ཚེ་དེའི་དུས་ན་ལྷོ་ཕྱོགས་ན་སངས་རྒྱས་ཀྱི་ཞིང་སྟོང་ཕྲག་ཉི་ཤུ་ལས་ཤིན་ཏུ་འདས་པ་དེ་ན་སངས་རྒྱས་ཀྱི་ཞིང་བློ་གྲོས་དབྱངས་ཞེས་བྱ་བ་རྙོག་པ་ལྔས་ཤིན་ཏུ་གང་ཞིང་ལྟ་བ་ཐ་དད་
D263.067.0188b05.01པར་སོང་བ་དོག་པ་རྙེད་པར་གྱུར་ཅིང་། སེམས་ཅན་ཀུན་ཏུ་གཟིར་བར་གྱུར་པ་དེ་ལ་དེའི་ཚེ་དེའི་དུས་ན། བཅོམ་ལྡན་འདས་དེ་བཞིན་གཤེགས་པ་ཚངས་པའི་དབང་པོ་ཞེས་བྱ་བ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སུ་གྱུར་པ་དེའི་སྟོང་གསུམ་གྱི་ཉན་ཐོས་ཀྱི་
D263.067.0188b06.01ཚོགས་འདུས་པ་ཆེན་པོར་གྱུར་པ་དྲན་ནམ། ཇི་ལྟར་ད་ལྟར་རྒྱལ་པོ་འབི་འབི་ས་ར་ངའི་ཡོན་བདག་ཆེན་པོ་ཡིན་པས་དེ་ན་ང་འོད་འཛིན་པའི་རྒྱལ་པོ་ཆེན་པོར་གྱུར་ཅིང་དེ་བཞིན་གཤེགས་པ་ཚངས་པའི་དབང་པོར་ཡང་གྱུར་ཏོ། །དེ་བཞིན་གཤེགས་པ་ཚངས་པའི་དབང་པོ་འཁོར་དང་
D263.067.0188b07.01