完整藏文原文 · 德格版页 当前仅加载第 67 函德格 173a 版页；藏文 NFD、目录标记与异常页序保留在来源切片中，重复版页行以稳定序号区分。
སྤྱོད་ཡུལ་དག་དགའ་བར་བྱེད་པ། དགེ་བར་མོས་པ་ལ་མངོན་པར་དགའ་བ། ཤེས་རབ་མངོན་དུ་བྱུང་བ་མེད་པ། སྲིད་པའི་འགྲོ་བ་ཐམས་ཅད་སྐམ་པར་བྱེད་པ། གཙུག་ལག་ཐམས་ཅད་ཀྱི་དམ་ཚིག་དུལ་བ་མེད་པ། སྐུ་མཉམ་པ་མེད་པ། འདོད་པས་གོས་པ་མེད་པ། གཟུགས་
D263.067.0173a01.01དང་། མཚན་མ་དང་། མཚན་ཉིད་ཐམས་ཅད་ལ་གོས་པ་མེད་པ། གཟུགས་མེད་པ་ལས་ཡང་དག་པར་ཤིན་ཏུ་འདས་པ། སྡུག་བསྔལ་ཐམས་ཅད་གྲོལ་བ། མདུད་པ་སྤངས་པ། འཆི་འཕོ་དང་སྐྱེ་བ་ཐམས་ཅད་ལས་ཕྱིར་ལྡོག་པ། སེམས་ཅན་ཐམས་ཅད་ལ་སྨན་པར་གྱུར་ཅིང་སྡུག་
D263.067.0173a02.01བསྔལ་རབ་ཏུ་གཏོང་བར་བྱེད་པ། དུས་གསུམ་གྱི་ཕུང་པོ་རྣམ་པར་གྲོལ་བ། སྐྱེ་མཆེད་དང་། སྲེད་པ་ཟད་པ་ལ་ཆགས་པ་མེད་པ། ཆུ་བོ་བཞི་ལས་རྒལ་བ། ཡེ་ཤེས་ཀྱིས་ངོམས་པ་མེད་པ། ཡང་དག་པའི་མཐའ་ལ་སོ་སོར་གནས་པ། རིག་པ་བསྒྲུབས་པས་རིག་པ་ཐམས་
D263.067.0173a03.01ཅད་དང་ལྡན་པ། གཏོང་བ། སྙིང་རྗེ་ཆེན་པོ་ཅན། སེམས་ཅན་རྣམས་མྱ་ངན་ལས་འདས་པའི་ལམ་ལ་འགོད་པ། བདུད་བཞིའི་ཡུལ་ལས་ཡང་དག་པར་ཤིན་ཏུ་འདས་པ། སེམས་ཅན་ཆེན་པོ་བརྗོད་དུ་མེད་པར་ཁོང་དུ་ཆུད་པ་དེ་ཐམས་ཅད་ཁྱོད་དགའ་བ་སྐྱེད་ཅིང་བྱམས་པ་འབྱུང་བར་བྱོས་
D263.067.0173a04.01ཤིག །མི་ཐོབ་པ་རྙེད་དཀའ་བ་དང་། སྐད་ཅིག་མའི་དུས་རྙེད་དཀའ་བ་དང་། དགེ་བ་ལ་མོས་པ་རྙེད་དཀའ་བ་དང་། དགེ་བའི་གྲོགས་པོ་རྙེད་དཀའ་བ་དང་། ཚངས་པར་སྤྱོད་པའི་གནས་རྙེད་དཀའ་བ་དང་། དབང་པོ་ཡོངས་སུ་རྒྱས་པ་རྙེད་དཀའ་བ་དང་། ཆོས་འདོད་པའི་འཁོར་འདི་འདྲ་
D263.067.0173a05.01བ་རྙེད་དཀའ་བ་དང་། དགེ་བའི་གྲོགས་པོ་ལ་དམིགས་པའི་གཙུག་ལག་འདི་འདྲ་བ་རྙེད་དཀའ་བ་དང་། ཆོས་མཉན་པ་ལ་དམིགས་པ་འདི་འདྲ་བ་རྙེད་དཀའ་བ་ཁྱོད་ཀྱིས་ཐོབ་པ་ཇི་ལྟར་སྔོན་མ་ཐོས་པ་ད་ཉོན་ཅིག །སུས་ཡོངས་སུ་མ་ཤེས་པ་ཡོངས་སུ་ཤེས་པར་འགྱུར་རོ། །ལམ་སྔོན་ཁོང་
D263.067.0173a06.01དུ་མ་ཆུད་པ་ཁོང་དུ་ཆུད་པར་གྱུར་ཅིག །ཁྱོད་སྔོན་ཕུང་པོ་དང་། ཁམས་དང་། སྐྱེ་མཆེད་མངོན་སུམ་དུ་མ་ཡིན་པ་དེ་ད་མངོན་སུམ་དུ་བྱུང་བར་གྱུར་ཅིག །ཁྱོད་སྔོན་འཕགས་པའི་ལམ་གྱི་ཡན་ལག་བརྒྱད་མ་བསྒོམས་པ་དེ་ད་སེམས་བསྒོམས་པར་གྱུར་ཅིག །ཁྱོད་ཟག་པ་མ་ཟད་
D263.067.0173a07.01