完整藏文原文 · 德格版页 当前仅加载第 67 函德格 151a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱི་རོ་མྱོང་བར་བྱེད་པ་མ་ཡིན། གློག་གི་གཟུགས་ཕན་ཚུན་ལ་འཇུག་པ་མ་ཡིན། གཟུགས་མཚན་མར་འཛིན་པ་མ་ཡིན། གཟུགས་སྤངས་ནས་སྣང་བར་བྱེད་པ་མ་ཡིན་ནོ། །གློག་གི་གཟུགས་ཀྱི་ས་དང་འཐུན་པར་འབྲེལ་ཏེ་བྱུང་བ་མ་ཡིན། གཟུགས་ལ་སོགས་པ་དང་།
D263.067.0151a01.01འགག་པ་མ་ཡིན་པ་དེ་བཞིན་དུ་མྱུར་བའི་ཕྱིར་རེག་པའི་སྐྱེ་མཆེད་དྲུག་ལ་གཟུགས་མེད་པའི་ཕུང་པོ་བཞི་སྣང་བར་བྱེད་དེ། འདི་ལ་ཚོར་བ་གསུམ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་འཇུག་གོ། །འདུ་ཤེས་དང་། འདུ་བྱེད་དང་། རྣམ་པར་ཤེས་པའི་རྣམ་པར་རིག་
D263.067.0151a02.01པས་འདུ་བྱེད་ཀྱི་སྡུག་བསྔལ་སྐྱེད་པ་ནི་མ་ཡིན་ནོ། །ཚོར་བ་ལ་གནས་པ་མ་ཡིན་ནོ། །ཚོར་བ་བསྒྲུབ་པ་མ་ཡིན་ནོ། །ཚོར་བའི་རྗེས་སུ་འགྲོ་བ་མ་ཡིན་ནོ། །ཚོར་བ་འཕེལ་བར་བྱེད་པ་མ་ཡིན་ནོ། །ཚོར་བའི་རོ་མྱང་བའི་ཕྱིར་མ་ཡིན་ནོ། །ཚོར་བ་མཚན་མར་འཛིན་པའི་ཕྱིར་མ་ཡིན་ནོ། །
D263.067.0151a03.01ཚོར་བ་ལ་ཀུན་ཏུ་དམིགས་པའི་ཕྱིར་མ་ཡིན་ནོ། །ཚོར་བའི་རོ་མྱང་བ་དང་མཚུངས་ཤིང་འདྲ་བའི་ཕུང་པོ་ལ་འདུ་བྱེད་ཀྱི་སྡུག་བསྔལ་དང་། སྡུག་བསྔལ་བའི་སྡུག་བསྔལ་སྐྱེད་པ་མ་ཡིན་ནོ། །ཚོར་བ་སྐྱེས་པ་ན་འདུ་བྱེད་འགག་པ་མ་ཡིན་ནོ། །ཚོར་བ་འགགས་པ་ན་འདུ་བྱེད་རྣམས་སོགས་པ་མ་
D263.067.0151a04.01ཡིན་ནོ། །འདི་ལྟ་སྟེ་དཔེར་ན་གློག་ནི་ནམ་མཁའ་བོར་ནས་གཟུགས་རྣམས་ལ་སྣང་བར་བྱེད་པ་མ་ཡིན་ཏེ། ནམ་མཁའ་དང་གློག་གཉི་ག་ཡང་རྫས་མེད་ཅིང་བརྗོད་དུ་མེད་པ་དེ་བཞིན་དུ་ཆོས་རྣམས་དང་། མིང་དང་གཟུགས་དང་། ཚོར་བ་རྣམས་ཀྱང་ཕན་ཚུན་ཐ་དད་པར་མི་བྱེད་དོ། ཁམས་
D263.067.0151a05.01གསུམ་ཐམས་ཅད་ཀྱང་རྫས་མེད་པ། བརྗོད་དུ་མེད་པ། ཡི་གེ་མེད་པ་སྟེ། སྐད་ཅིག་མའི་རྒྱུན་གྱིས་གནས་པ་མ་ཡིན། ཕན་ཚུན་དུ་སོགས་ཤིང་འཕེལ་བས་ཆོས་ཀྱི་དབྱིངས་ཐ་དད་དུ་བྱེད་པ་མ་ཡིན་ཏེ། དེས་ན་དེ་དག་ནི་སྟོང་པའོ། །སྐད་ཅིག་མ་གང་ལ་སྐྱེས་པ་སྐད་ཅིག་མ་དེ་ཉིད་ལ་འགག་
D263.067.0151a06.01སྟེ། སྐད་ཅིག་མའི་རྒྱུན་ལ་གནས་པ་མ་ཡིན་ནོ། །དེས་ན་ཁམས་གསུམ་དང་། དུས་གསུམ་དང་། ཕུང་པོ་དང་། ཁམས་དང་། སྐྱེ་མཆེད་ཐམས་ཅད་འབྱུང་བ་མེད་པ། སྤྱོད་པ་མེད་པ། བརྗོད་དུ་མེད་པ། སྟོང་པའོ། །མེ་ཏོག་གི་གློག་གིས་བརྒྱན་པ་འདི་ནི་རྒྱ་མཚོའི་ཕྱག་རྒྱ་ཟད་མི་ཤེས་པ་
D263.067.0151a07.01