完整藏文原文 · 德格版页 当前仅加载第 67 函德格 99b 版页；藏文 NFD、目录标记与异常页序保留在来源切片中，重复版页行以稳定序号区分。
གོ། །དེའི་ཚེ་ན་ཕྱོགས་བཅུའི་སངས་རྒྱས་ཀྱི་ཞིང་མཐའ་ཡས་མུ་མེད་པ་ན་སེམས་ཅན་གང་ལ་ལ་ཐེག་པ་ཆེན་པོ་ལ་ཡང་དག་པར་ཞུགས་པ་དེ་ཐམས་ཅད་དྲང་སྲོང་གི་བརྟུལ་ཞུགས་དང་། ལུས་དང་མཚན་མ་དང་། དབྱིབས་ཀུན་ཏུ་སྣང་ངོ་། །ཡང་ཐེག་པ་ཆེན་པོ་ལ་ཡང་དག་པར་ཞུགས་
D263.067.0099b01.01པའི་དྲང་སྲོང་མ་གཏོགས་པར་ཉན་ཐོས་སམ། རང་རྒྱལ་བའི་ཐེག་པ་པའི་དྲང་སྲོང་ནི་ཀུན་ཏུ་མི་སྣང་ངོ་། །ཡང་ཐེག་པ་ཆེན་པོ་ལ་ཡང་དག་པར་ཞུགས་པའི་དྲང་སྲོང་དེས་ཉན་ཐོས་དང་། རང་སངས་རྒྱས་མི་མཐོང་ཞིང་ཉན་ཐོས་དང་། རང་སངས་རྒྱས་ཀྱི་ཐེག་པ་པ་ཡང་མི་
D263.067.0099b02.01མཐོང་ངོ་། །དེའི་ཚེ་ན་གང་ཡང་ཉན་ཐོས་འཁོར་དེར་འདུག་པ་དེ་དེ་བཞིན་གཤེགས་པ་མི་མཐོང་ཞིང་། དེ་བྱང་ཆུབ་སེམས་དཔའ་ཡང་ཡང་དག་པར་རྗེས་སུ་མི་མཐོང་ངོ་། །གང་ཡང་འདིར་འདུག་འདུག་པ་འདུས་པར་གྱུར་པ་གཞན་དུ་ན་ཅུང་ཟད་གཟུགས་སྣང་བ་ཡང་ཡང་དག་པར་རྗེས་སུ་
D263.067.0099b03.01མི་མཐོང་ངོ་། །སྣང་བ་རྒྱ་ཆེན་པོས་ནི་འཇིག་རྟེན་ཐམས་ཅད་ཁྱབ་པར་ཡང་དག་པར་རྗེས་སུ་མི་མཐོང་ངོ་། །དེ་ནས་ཉན་ཐོས་ཆེན་པོ་དེས་ཀུན་ཤེས་ཀཽ་དི་ནྱ་ལ་སྨྲས་པ། གནས་བརྟན་ཀཽ་དི་ནྱ་བཅོམ་ལྡན་འདས་གང་ན་ཀཽ་དི་ནྱས་སྨྲས་པ། བཅོམ་ལྡན་འདས་ད་ལྟར་གང་ན་ཞེས་བྱ་བ་ནི་
D263.067.0099b04.01མི་ཤེས་སོ། །མི་མཐོང་ངོ་། །དེ་ནས་ཉན་ཐོས་ཆེན་པོ་དེས་འོད་སྲུང་ཆེན་པོ་ལ་སྨྲས་པ། སྦྱངས་པ་སྨྲ་བའི་ནང་ན་བཅོམ་ལྡན་འདས་ཀྱིས་ཁྱོད་མཆོག་ཏུ་བསྟན་ན། བཅོམ་ལྡན་འདས་ད་ལྟར་གང་ན་བ་སོམས་ཤིག །འོད་སྲུང་ཆེན་པོས་སྨྲས་པ། བཅོམ་ལྡན་འདས་ད་ལྟར་གང་
D263.067.0099b05.01ན་ཞེས་བྱ་བ་མི་ཤེས་སོ། །མི་མཐོང་ངོ་། །དེ་ནས་ཉན་ཐོས་ཆེན་པོ་དེས་ཚེ་དང་ལྡན་པ་ཤ་ར་དྭ་ཏིའི་བུ་ལ་སྨྲས་པ། གནས་བརྟན་ཤཱ་རིའི་བུ་ཤེས་རབ་དང་ལྡན་པའི་ནང་ན་བཅོམ་ལྡན་འདས་ཀྱིས་ཁྱོད་མཆོག་ཏུ་བསྟན་ན། བཅོམ་ལྡན་འདས་གང་ན་བ་སོམས་ཤིག །ཤཱ་རིའི་
D263.067.0099b06.01བུས་སྨྲས་པ། ཚེ་དང་ལྡན་པ་སངས་རྒྱས་ཀྱི་ཞིང་མཐའ་མེད་པས་བཅོམ་ལྡན་འདས་ད་ལྟར་གང་ན་ཞེས་བྱ་བ་མི་ཤེས་སོ། །མི་མཐོང་ངོ་། །དེ་ནས་ཉན་ཐོས་ཆེན་པོ་དེས་མཽད་གལ་ཡ་ན་ལ་སྨྲས་པ། ཚེ་དང་ལྡན་པ་མཽད་གལ་ཡ་ན་རྫུ་འཕྲུལ་དང་ལྡན་པའི་ནང་ན་བཅོམ་ལྡན་འདས་
D263.067.0099b07.01