完整藏文原文 · 德格版页 当前仅加载第 67 函德格 174b 版页；藏文 NFD、目录标记与异常页序保留在来源切片中，重复版页行以稳定序号区分。
སྟོང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་སྐྱེས་པར་གྱུར་ཏོ། །ཕྱིར་མི་ལྡོག་པའི་ས་ཐོབ་པར་གྱུར་ནས་ལྷ་དང་། དྲི་ཟ་དང་། མིའི་འཁོར་ཐམས་ཅད་དང་ལྡན་པ་དེས་དྲི་མ་མེད་པའི་གོས་གཞོན་ནུར་གྱུར་པ་ལ་ལེགས་སོ་ཞེས་བྱ་བ་བྱིན་ནོ། །སྐྱེས་བུ་དམ་པས་ཤིན་ཏུ་ལེགས་པར་
D263.067.0174b01.01བཤད་པ་ལེགས་སོ་ལེགས་སོ། །བཅོམ་ལྡན་འདས་དེས་ཀྱང་དྲི་མ་མེད་པའི་གོས་གཞོན་ནུར་གྱུར་པ་ལ་ལེགས་སོ་ཞེས་བྱ་བ་བྱིན་ནོ། །སྐྱེས་བུ་དམ་པ་ཁྱོད་ཀྱིས་སེམས་ཅན་མང་པོ་ཡོངས་སུ་སྨིན་པར་བྱས་པ་དང་ལེགས་པར་བཤད་པ་ལེགས་སོ་ལེགས་སོ། །དེ་ནས་བཅོམ་ལྡན་འདས་ཀྱིས་སྒྲ་
D263.067.0174b02.01ཀུན་ཏུ་འཚོ་བའི་མེའི་བརྟུལ་ཞུགས་ཅན་ལ་བཀའ་སྩལ་པ། སྒྲ་ཀུན་ཏུ་འཚོ་བ་ལས་ཀྱི་སྒྲིབ་པ་རྣམ་པར་དག་པ་ལས་ཀྱི་སྒྲིབ་པ་རྣམ་པར་དག་པ་ཞེས་བྱ་བ་ནི་ལས་ཀྱི་རྣམ་པར་སྨིན་པ་ཡིད་ཀྱིས་བྱ་བ་ལ་ཆགས་པ་མེད་པའོ། །ཆོས་ཐམས་ཅད་ལ་སྙེམས་པ་མེད་པའོ། །འདོད་ཆགས་ཀྱི་མཐའ་ལ་
D263.067.0174b03.01སོགས་པ་མེད་པའོ། །ཞེ་སྡང་དང་། གཏི་མུག་གི་མཐའ་ལ་སོགས་པ་མེད་པའོ། །སྙེམས་པ་མེད་པའོ། །ཉེ་བར་འགྲོ་བ་མེད་པའོ། །ཉེ་བར་ལེན་པ་མེད་པའོ། །དེ་ཡང་དག་པའི་མཐའ་མངོན་སུམ་དུ་མི་བྱེད་པའོ། །གང་མངོན་སུམ་དུ་མི་བྱེད་པ་དེ་རློམ་ཞིང་སེམས་པ་མེད་པའོ། །གང་རློམ་
D263.067.0174b04.01ཞིང་སེམས་པ་མེད་པ་དེ་གཟུང་བ་མེད་པའོ། །གང་གཟུང་བ་མེད་པ་དེ་ཆགས་པ་མེད་པའོ། །གང་ཆགས་པ་མེད་པ་དེ་དངོས་པོ་མེད་པའོ། །གང་དངོས་པོ་མེད་པ་དེ་ཤེས་པ་མེད་པའོ། །གང་ཤེས་པ་མེད་པ་དེ་ཚུ་རོལ་དང་ཕ་རོལ་དུའོ། །གང་ཚུ་རོལ་དང་ཕ་རོལ་པོ་དེ་བརྗོད་དུ་མེད་པའོ། །གང་
D263.067.0174b05.01བརྗོད་དུ་མེད་པ་དེ་དངོས་པོ་མེད་པའོ། །གང་དངོས་པོ་མེད་པ་དེ་འབྱུང་བ་མེད་པའོ། །གང་འབྱུང་བ་མེད་པ་དེ་འགོག་པ་མེད་པའོ། །གང་འགོག་པ་མེད་པ་དེ་ཡི་གེ་མེད་པའོ། །གང་ཡི་གེ་མེད་པ་དེ་དུས་གསུམ་དང་སྐད་ཅིག་མར་བྲལ་བའོ། །གང་དུས་གསུམ་དང་སྐད་ཅིག་མར་བྲལ་བ་དེ་སོ་སོར་
D263.067.0174b06.01ཡང་དག་པར་སྤྱོད་པའི་ཚུལ་ནམ་མཁའ་ལ་འགྲོ་བའི་འོད་ཀྱིས་འདུལ་བའི་བཟོད་པ་དང་ལྡན་པའི་གང་བྱང་ཆུབ་སེམས་དཔས་བདུད་ཐམས་ཅད་ཀྱི་ལམ་ལ་ཡོངས་སུ་སྦྱོར་བར་བྱེད་དོ། །གཞན་ཡང་སྒྲ་ཀུན་ཏུ་འཚོ་བ་གང་བྱང་ཆུབ་སེམས་དཔའ་ཉན་ཐོས་དང་། རང་སངས་རྒྱས་ཀྱི་ཐེག་པ་ལ་རེག་པར་མི་
D263.067.0174b07.01