完整藏文原文 · 德格版页 当前仅加载第 67 函德格 201b 版页；藏文 NFD、目录标记与异常页序保留在来源切片中，重复版页行以稳定序号区分。
དག་པར་རྗེས་སུ་མི་མཐོང་། བརྗོད་པ་དང་ལུང་བསྟན་པ་དང་འཁོར་བ་ཡང་ཡང་དག་པར་རྗེས་སུ་མི་མཐོང་། མྱ་ངན་ལས་འདའ་བ་དང་། རྣལ་འབྱོར་དང་། རྣལ་འབྱོར་མ་ལགས་པ་དང་། ལམ་དང་། ལམ་མ་ལགས་པ་ཡང་ཡང་དག་པར་རྗེས་སུ་མི་མཐོང་ངོ་། །འདི་ལྟ་སྟེ།
D263.067.0201b01.01དཔེར་ན་དེ་བཞིན་ཉིད་ཀྱི་ལམ་མ་མཆིས་ཤིང་ཕྱིན་ཅི་མ་ལོག་པ་དེ་བཞིན་ཉིད་དང་། ཆོས་ཀྱི་དབྱིངས་དང་། ཆོས་ཉིད་དང་། ཆོས་སྐྱོན་མེད་པ་ཉིད་ཀྱི་ལམ་ཡང་དག་པར་རྗེས་སུ་མི་མཐོང་བ་དེ་བཞིན་དུ་གཟུགས་སུ་ཡང་དག་པར་རྗེས་སུ་མི་མཐོང་བ་ནས། རྣམ་པར་ཤེས་པའི་བར་དུ་ཡང་
D263.067.0201b02.01དག་པར་རྗེས་སུ་མི་མཐོང་ངོ་། །མིག་ཡང་དག་པར་རྗེས་སུ་མི་མཐོང་བ་ནས། ཡིད་ཀྱི་རྣམ་པར་ཤེས་པའི་བར་གྱི་ལམ་ཡང་ཡང་དག་པར་རྗེས་སུ་མི་མཐོང་ངོ་། །ལུང་བསྟན་པ་བརྗོད་པ་འདིའི་སྐབས་དང་གོ་སྐབས་ཀྱང་ཡང་དག་པར་རྗེས་སུ་མི་མཐོང་ངོ་། །གང་གཟུགས་ཀྱི་ལུང་
D263.067.0201b03.01བསྟན་པ་ནས། རྣམ་པར་ཤེས་པའི་བར་དང་། མིག་ནས་ཡིད་ཀྱི་བར་གྱི་ལུང་བསྟན་པ་དང་། གང་བྱང་ཆུབ་ཏུ་ལུང་བསྟན་པ་ཡང་དག་པར་རྗེས་སུ་མི་མཐོང་ངོ་། །བཅོམ་ལྡན་འདས་ཀྱིས་བྱང་ཆུབ་སེམས་དཔའ་ཤིན་ཏུ་བསྟན་པ་འདི་བཤད་པ་ན། ཀུན་ཏུ་རྒྱུ་ཤིན་ཏུ་རྣམ་པར་
D263.067.0201b04.01ཕྱེ་བའི་སས་ཀྱང་དེ་ཡང་ཡང་དག་པར་རྗེས་སུ་མ་མཐོང་ནས། ཡང་དག་པར་སྤྱོད་པའི་ཚུལ་ནམ་མཁའི་མདོག་གིས་འདུལ་བའི་བཟོད་པ་རབ་ཏུ་ཐོབ་པར་གྱུར་ཏོ། །སེམས་ཅན་གཞན་མུ་སྟེགས་ཅན་ང་རྒྱལ་བཅོམ་པ་སྟོང་ཕྲག་བཅུ་གསུམ་པོ་དེ་དག་ནི་བླ་ན་མེད་པ་ཡང་དག་པར་
D263.067.0201b05.01རྫོགས་པའི་བྱང་ཆུབ་ཏུ་སེམས་བསྐྱེད་ནས་ཕྱིར་མི་ལྡོག་པའི་ས་རབ་ཏུ་ཐོབ་པར་གྱུར་ཏོ། །ཡང་དག་པར་སྤྱོད་པའི་ཚུལ་ནམ་མཁའི་མདོག་གིས་འདུལ་བའི་བཟོད་པ་ཞེས་བྱ་བ་ཐེག་པ་ཆེན་པོའི་མདོ། །ལེའུ་བཅུ་གཅིག་པའོ།། །།དེ་ནས་བཅོམ་ལྡན་
D263.067.0201b06.01འདས་སྒྲ་ཐམས་ཅད་ལ་འཇུག་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །ཏིང་ངེ་འཛིན་དེས་སེམས་ཅན་གྱི་སྐྱེ་གནས་སྟོང་ཕྲག་བརྒྱད་ཅུ་རྩ་བཞི་པོ་དེ་དག་གི་སྒྲ་བརྗོད་པའི་ཚིག་སྟོང་ཕྲག་བརྒྱད་ཅུ་རྩ་བཞི་པོ་ཏིང་ངེ་འཛིན་དེས་སྐྱེ་གནས་དང་སྒྲ་དབྱངས་ཀྱི་ཚིག་བརྗོད་པ་
D263.067.0201b07.01