完整藏文原文 · 德格版页 当前仅加载第 67 函德格 121b 版页；藏文 NFD、目录标记与异常页序保留在来源切片中，重复版页行以稳定序号区分。
ཡོངས་སུ་སྨིན་པར་བྱེད་དོ། །ལ་ལ་ཡང་ཡུན་རིང་པོ་ནས་བྱང་ཆུབ་སེམས་དཔའི་སྤྱད་པ་སྤྱོད་པ་རྣམས་ལ་ཇི་ལྟར་བྱང་ཆུབ་སེམས་དཔའ་དེ་དག་གིས་ཉན་ཐོས་དང་། རང་སངས་རྒྱས་ཀྱི་ཐེག་པ་ལ་སྤྱོད་པའི་རྒྱུན་བཅད་ཅིང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པར་
D263.067.0121b01.01འགྱུར་བ་དེ་ལྟ་བུའི་ཆོས་སྟོན་ཅིང་རབ་ཏུ་སྟོན་པ་དེ་ཉིད་ཀྱིས་དེ་དག་ཡོངས་སུ་སྨིན་པར་བྱེད་དོ། །ལ་ལ་ཡང་ཕྱིར་མི་ལྡོག་པ་རྣམས་ལ་ཇི་ལྟ་བུར་སྐྱེས་བུ་དམ་པའི་ཏིང་ངེ་འཛིན་དང་། བཟོད་པའི་གཟུངས་ཐོབ་པས་མི་རྟག་པ་དང་། སྡུག་བསྔལ་བ་དང་། སྟོང་པ་དང་། བདག་མེད་པ་དང་
D263.067.0121b02.01ལྡན་པ་རྣམ་པ་དེ་ལྟ་བུའི་ཆོས་སྟོན་ཅིང་རབ་ཏུ་སྟོན་པ་དེ་ཉིད་ཀྱིས་དེ་དག་ཡོངས་སུ་སྨིན་པར་བྱེད་དོ། །ལ་ལ་ཡང་བྱང་ཆུབ་སེམས་དཔའ་རྣམས་ལ་ཇི་ལྟར་བྱང་ཆུབ་སེམས་དཔའ་དེ་དག་གིས་སངས་རྒྱས་ཀྱི་ཞིང་ཡོངས་སུ་དག་པ་རྣམས་རྒྱུན་བཅད་ཅིང་ཉོན་མོངས་པ་དང་། རྙོག་པ་ལྔའི་སངས་
D263.067.0121b03.01རྒྱས་ཀྱི་ཞིང་དུ་སྙིང་རྗེ་ཆེན་པོ་སྐྱེད་པ་དེ་ལྟ་བུའི་ཆོས་སྟོན་ཅིང་རབ་ཏུ་སྟོན་པ་དེ་ན་སྨོན་ལམ་བྱེད་དོ། །དེ་ན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ་ཞིང་། ལྟ་བ་ངན་པ་དོགས་པ་རྙོག་པའི་སེམས་ཅན་རྣམས་ཐེག་པ་གསུམ་ལ་སྦྱོར་བར་བྱེད་དོ། །ཡོངས་སུ་མྱ་ངན་ལས་འདའ་བར་བྱེད་དོ། །ཐབས་
D263.067.0121b04.01དེས་སེམས་ཅན་བྱེ་བ་ཁྲག་ཁྲིག་བརྒྱ་སྟོང་མང་པོ་སྨིན་པར་བྱེད་དོ། །རིགས་ཀྱི་བུ་བྱང་ཆུབ་སེམས་དཔའི་བ་སྤུའི་ཁུང་བུ་ཇི་སྙེད་པ་དེ་སྙེད་ཀྱི་སྦྱིན་པའི་དངོས་པོ་རྣམས་ཡང་ན་ནི་ཟང་ཟིང་གི་སྦྱིན་པའམ། ཡང་ན་ནི་ཆོས་ཀྱི་སྦྱིན་པའི་ཐབས་ཀྱིས་སེམས་ཅན་ཡོངས་སུ་སྨིན་པར་བྱེད་
D263.067.0121b05.01དོ།། །།བམ་པོ་བཞི་པ། རིགས་ཀྱི་བུ་གཞན་ཡང་བྱང་ཆུབ་སེམས་དཔའ་ངག་སྙན་པའི་བསྡུ་བའི་དངོས་པོས་ཀྱང་སེམས་ཅན་ཡོངས་སུ་སྨིན་པར་བྱེད་དོ། །རིགས་ཀྱི་བུ་དེ་ན་གང་བྱང་ཆུབ་སེམས་དཔའ་དགའ་བའི་མིག་གིས་ལྟ་བ་དང་། ཚིག་སྙན་པས་དགའ་
D263.067.0121b06.01བར་བྱ་བ་དང་། ངག་འཇམ་པས་སློང་བ་པོ་དང་། ཆོས་ཉན་པ་རྣམས་སྙན་པ་ལ་སྦྱོར་བར་བྱེད་དོ། །སེམས་ཅན་ཡོངས་སུ་སྤྱད་པས་སྡིག་པ་ལས་ཕྱིར་ལྡོག་པར་བྱེད། ལྟ་བར་སོང་བ་ཐམས་ཅད་ལས་ཕྱིར་ལྡོག་པར་བྱེད་དོ། །བྲལ་བ་བཞིའི་སེམས་ཅན་རྣམས་བཞི་ལ་དགོད་པར་བྱེད་དོ། །བཞི་
D263.067.0121b07.01