完整藏文原文 · 德格版页 当前仅加载第 67 函德格 183a 版页；藏文 NFD、目录标记与异常页序保留在来源切片中，重复版页行以稳定序号区分。
གསོལ་པ་བཅོམ་ལྡན་འདས་དེ་དེ་བཞིན་ཏེ་བདེ་བར་གཤེགས་པ་དེ་བཞིན་ནོ། །བཅོམ་ལྡན་འདས་ཀྱིས་བཀའ་སྩལ་པ། སྡིག་པ་སྤོང་བ་གང་ལ་ལ་ལོག་པ་ལ་ལྟ་བ་ཅན་ཐར་པར་འདོད་པར་བྱེད་པ་དེ་ཡང་བདུད་ཀྱི་ཞགས་པས་བཏགས་པར་འགྱུར་བ་ནི་ཉོན་མོངས་པའི་བདུད་དང་།
D263.067.0183a01.01ཕུང་པོའི་བདུད་དང་། འཆི་བའི་བདུད་དང་། དབང་སྒྱུར་བའི་བདུད་ཀྱི་ཞགས་པས་བཏགས་པར་འགྱུར་རོ། །སྡིག་པ་སྤོང་བ་གང་ལ་ལ་བདུད་བཞི་ལ་ཆགས་པ་དེ་དག་གི་ཚངས་པར་སྤྱོད་པར་གནས་པ་ལ་འདྲེས་པའོ། །གང་དག་ཚངས་པར་སྤྱོད་པར་གནས་པ་ལ་འདྲེས་པ་དེ་དག་རྟག་ཏུ་ཡོངས་སུ་
D263.067.0183a02.01ཆད་པར་བྱས་པ་རྒ་ཤིའི་ཆུ་བོ་བཞིས་ཁྱེར་རོ། །དེས་ཁྱེད་ཅག་ཚངས་པར་སྤྱོད་པ་ལ་གནས་པ་འབྲས་བུ་མེད་ཅིང་འཕགས་པ་ལ་དམོད་པ་འདི་ཐར་པའི་སླུ་བར་བྱོས་ཤིག །སྡིག་པ་སྤོང་བ་དེ་ལ་ཆོས་དང་ཆོས་མ་ཡིན་པ་ནི་འདི་ལྟ་སྟེ། རྟག་པ་མེད་ཅིང་ཆད་པ་མེད་པའོ། །ལུས་ནམ་མཁའ་
D263.067.0183a03.01དང་མཚུངས་པའོ། །ནང་མེད་ཅིང་ཕྱི་རོལ་མེད་པའོ། །འདུ་བྱེད་ཐམས་ཅད་མི་དམིགས་པའོ། །སེམས་ཞེས་བྱ་བ་འདི་ནི་མིང་ཙམ་མོ། །ནམ་མཁའ་ཀུན་ཏུ་རྟོག་པའི་མཚན་ཉིད་ལ་འཇུག་པའོ། །དགེ་བ་དང་མི་དགེ་བའི་ཆོས་ལ་སེམས་དམིགས་པ་མེད་ཅིང་སེམས་ལ་དགེ་བ་དང་མི་
D263.067.0183a04.01དགེ་བའི་ཆོས་དམིགས་པ་ཡང་མེད་དོ། །ཇི་ལྟར་ཤིང་ལ་རྟོག་པ་མེད་པ་དེ་ལ་མེ་ཏོག་དང་འབྲས་བུར་རྟོག་པ་ཡང་མེད་དོ། །དེ་ལ་ཡང་མེ་ཏོག་དང་འབྲས་བུ་དང་ཤིང་དུ་རྟོག་པ་ཡང་མི་བྱེད་པ་དེ་བཞིན་དུ་དངོས་པོ་དང་དངོས་པོ་མེད་པ་འདི་དག་མི་སྨྲ་བར་བྱའོ། །གང་གི་ཕྱིར་གཅིག་ལ་གཅིག་མི་
D263.067.0183a05.01རྟོག་ཅིང་རྣམ་པར་མི་རྟོག་པ་དེས་ཆོས་ཐམས་ཅད་ཡུལ་མེད་པའོ། །ཆོས་ཐམས་ཅད་གཉིས་སུ་མེད་ཅིང་གཉིས་ལྟ་བུར་མེད་པ་དང་། མི་རྟོག་ཅིང་རྣམ་པར་མི་རྟོག་པའོ། །ཚེ་དང་རླངས་པ་དང་། རྣམ་པར་ཤེས་པ་སྨིག་རྒྱུ་བ་ལྟ་བུར་དམིགས་པ་མེད་པའི་ཚུལ་དང་། བརྗོད་དུ་མེད་པའི་
D263.067.0183a06.01ཡང་བརྗོད་དུ་མེད་པའི་ཚུལ་གྱིས་བསྒོམ་པར་བྱའོ། །ཆོས་ཐམས་ཅད་བྱ་བ་མེད་པར་འཇུག་པ་ནི་བྱེད་པ་པོ་དམིགས་པ་མེད་པ་མེད་པ་ལས་དམིགས་པ་མེད་པའི་ཚུལ་གྱིས་བསྒོམ་པར་བྱའོ། །ཆོས་ཐམས་ཅད་མི་ཤེས་པས་ནི་སྲོག་ཏུ་དམིགས་པ་མེད་པ་ལས་ཀུན་དུ་རྟོག་པ་མེད་པའི་ཚུལ་གྱིས་བསྒོམ་
D263.067.0183a07.01