完整藏文原文 · 德格版页 当前仅加载第 67 函德格 138a 版页；藏文 NFD、目录标记与异常页序保留在来源切片中，重复版页行以稳定序号区分。
དུ་འདི་ལས་སངས་རྒྱས་ཀྱི་ཡོན་ཏན་བསམ་གྱིས་མི་ཁྱབ་པར་འགྱུར་རོ། །རིགས་ཀྱི་བུ་དེ་ལ་བཟོད་པ་འདི་རྣམ་པ་གཉིས་ཏེ། ཡང་དག་པར་སྤྱོད་པའི་ཚུལ་གྱི་བཟོད་པ་དང་། ནམ་མཁའི་མདོག་གིས་འདུལ་བའི་བཟོད་པར་འགྱུར་རོ། །རིགས་ཀྱི་བུ་དེ་ལ་ཡང་དག་པར་སྤྱོད་
D263.067.0138a01.01པའི་ཚུལ་གྱི་བཟོད་པ་གང་ཞེ་ན། རྣམ་པ་ལྔ་སྟེ། རིགས་ཀྱི་བུ་ཡང་དག་པར་སྤྱོད་པའི་ཚུལ་གྱི་བཟོད་པ་རྣམ་པ་ལྔ་གང་ཞེ་ན། འདི་ལྟ་སྟེ། གཟུགས་དང་། ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་ཞེས་བྱའོ། །རིགས་ཀྱི་བུ་དེ་ལ་གཟུགས་ཀྱི་ཕུང་པོ་གང་ཞེ་
D263.067.0138a02.01ན། རིགས་ཀྱི་བུ་རྣམ་པ་བརྒྱད་དེ། བྱང་ཆུབ་སེམས་དཔས་ཚུལ་བཞིན་ཡིད་ལ་བྱེད་པ་བརྟགས་པའི་བཟོད་པ་བསྒོམ་པར་བྱའོ། །རིགས་ཀྱི་བུ་བརྒྱད་གང་ཞེ་ན། གཟུགས་ཞེས་བྱ་བ་ནི་འབྱུང་བ་ཆེན་པོ་བཞིའོ། །གཟུགས་ཞེས་བྱ་བ་ནི་ནད་དོ། །འདོད་ཆགས་ཞེས་བྱ་བ་ནི་རྣམ་
D263.067.0138a03.01པར་འཇིག་པའི་ཆོས་ཀྱི་མཚན་ཉིད་དོ། །གང་རྣམ་པར་འཇིག་པའི་རང་བཞིན་དེ་ནི་མི་རྟག་པའོ། །དེའི་རང་བཞིན་ནི་དངོས་པོ་མེད་པའི་སྟོང་པ་ཉིད་ཡོངས་སུ་ཆད་པའོ། །ཕྱི་དང་ནང་གི་རབ་འབྲིང་ཐ་མའི་ཉོན་མོངས་པའི་རྒྱུན་བཅད་པའོ། །ནམ་མཁའ་ཇི་ལྟར་ཐམས་ཅད་དང་ལྡན་
D263.067.0138a04.01པ་དེ་བཞིན་དུ་མི་རྟག་པ་དང་། སྡུག་བསྔལ་བ་དང་། བདག་མེད་པ་དང་། སྟོང་པའི་མཚན་ཉིད་དང་ལྡན་པའི་བཟོད་པ་སྒོམ་པར་བྱེད་དོ། །འདི་ནི་བྱང་ཆུབ་སེམས་དཔའི་སེམས་ཅན་ཡོངས་སུ་སྨིན་པ་ཉེ་བར་འཚོ་བའི་བཟོད་པར་བལྟ་བར་བྱའོ། །རིགས་ཀྱི་བུ་གཞན་ཡང་གཟུགས་དེ་
D263.067.0138a05.01ཡང་འབྱུང་བ་ཆེན་པོ་བཞི་སྟེ། རིགས་ཀྱི་བུ་འབྱུང་བ་ཆེན་པོ་བཞི་པོ་འདི་དག་ནང་གི་འམ། ཕྱི་རོལ་གྱིའམ། ཆེ་བའམ། ཕྲ་བའམ། དམའ་བའམ། བདེ་བའམ། གལ་ཏེ་རིང་བའམ། གལ་ཏེ་ཉེ་བ་དེ་དག་ཐམས་ཅད་མི་འགྲོ །རྣམ་པར་མི་འགྲོ །མི་སྐྱེ། མི་འབྱུང་བདག་མེད་
D263.067.0138a06.01བདག་གི་མེད་པར་བརྟག་པར་བྱའོ། །ཟད་པའི་ཚུལ་དང་། ཞི་གནས་ཀྱི་མཚན་ཉིད་ཀྱི་ཚུལ་དང་། རྟོག་པ་མེད་པ་དང་། སྨོན་པ་མེད་པའི་ཚུལ་དང་། འབྱུང་བ་མེད་ཅིང་མཚན་མ་མེད་པའི་ཚུལ་གྱིས་བརྟག་པར་བྱའོ། །ཇི་ལྟར་རྡུལ་ཤིན་ཏུ་ཕྲ་བ་ཀུན་འབྱུང་བ་དང་། ལུས་ཀུན་འབྱུང་
D263.067.0138a07.01