完整藏文原文 · 德格版页 当前仅加载第 67 函德格 203b 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་ཅན་ལ་ལ་དག་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཡང་དག་པར་འཛིན་དུ་འཇུག་པ་ནས་ལྷ་དང་མིའི་བར་དག་ལ་ཡང་སྦྱོར་ཏེ། སེམས་ཅན་གང་དག་དེར་སྔོན་དགེ་བའི་རྩ་བ་འདི་དག་བསྐྱེད་པ་དེ་དག་ནི་དེ་བས་ཀྱང་བརྟན་པར་བྱས་སོ། །སེམས་ཅན་གང་དག་སྔོན་
D263.067.0203b01.01དགེ་བའི་རྩ་བ་མ་བསྐྱེད་པ་རྣམས་ནི་དེར་བསྐྱེད་དོ། །སེམས་ཅན་གང་དད་པའི་རྒྱུ་དེས་ངན་སོང་གསུམ་པོ་དེ་དག་ལས་ཤི་འཕོས་ནས་ལྷ་དང་མིར་སྐྱེས་པ་དེའི་ཚེ་དེའི་དུས་ན། ཕྱོགས་བཅུའི་ཆུ་ཀླུང་གང་གཱའི་བྱེ་མ་སྙེད་ཀྱི་རྙོག་པ་ལྔའི་སངས་རྒྱས་ཀྱི་ཞིང་དག་ན་སངས་རྒྱས་ཀྱི་ཞིང་རེ་རེར་
D263.067.0203b02.01ཡང་ཚད་མེད་གྲངས་མེད་པའི་ཆུ་ཀླུང་གང་གཱའི་བྱེ་མ་སྙེད་ཀྱི་སེམས་ཅན་བྱེ་བ་ཁྲག་ཁྲིག་བརྒྱ་སྟོང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དེ་དགེ་བའི་རྩ་བ་བསྐྲུན་ཏོ། །ལ་ལ་དག་ནི་ཕྱིར་མི་ལྡོག་པའི་ས་རབ་ཏུ་ཐོབ་བོ། །ལ་ལ་དག་ནི་དེ་ལྟ་བུའི་བཟོད་པ་དང་། ཏིང་ངེ་
D263.067.0203b03.01འཛིན་དང་། གཟུངས་རབ་ཏུ་ཐོབ་སྟེ། བཟོད་པ་དང་། གཟུངས་ཇི་སྙེད་ཐོབ་པའི་སྟོབས་དང་། རྫུ་འཕྲུལ་གྱིས་མི་མཇེད་ཀྱི་སངས་རྒྱས་ཀྱི་ཞིང་འདིར་དེ་བཞིན་གཤེགས་པ་ཤཱཀྱ་ཐུབ་པའི་གན་དུ་ལྷགས་སོ། །གང་རྐྱེན་ལ་འཇུག་པའི་ཐེག་པ་ལ་སེམས་བསྐྱེད་དེ་དགེ་བའི་རྩ་བ་བསྐྲུན་
D263.067.0203b04.01པའི་སེམས་ཅན་བྱེ་བ་ཁྲག་ཁྲིག་བརྒྱ་སྟོང་ཆུ་ཀླུང་གང་གཱའི་གྲངས་མེད་དཔག་ཏུ་མེད་པའི་བྱེ་མ་སྙེད་དག་ལས་ཁ་ཅིག་ནི་གང་ན་སངས་རྒྱས་བཅོམ་ལྡན་འདས་བཞུགས་ཏེ་འཚོ་ཞིང་སྐྱོང་ལ། སེམས་ཅན་རྣམས་ལ་ཆོས་ཀྱང་སྟོན་པའི་སངས་རྒྱས་ཀྱི་ཞིང་གཞན་དུ་དོང་ངོ་། །ཁ་ཅིག་ནི་
D263.067.0203b05.01ཕྱིར་མི་ལྡོག་པའི་ས་ལ་གནས་སོ། །དེ་བཞིན་དུ་གང་ཉན་ཐོས་ཀྱི་ཐེག་པར་སེམས་བསྐྱེད་ཅིང་དགེ་བའི་རྩ་བ་བསྐྲུན་པའི་སེམས་ཅན་བྱེ་བ་ཁྲག་ཁྲིག་བརྒྱ་སྟོང་ཆུ་ཀླུང་གང་གཱ་གྲངས་མེད་དཔག་ཏུ་མེད་པའི་བྱེ་མ་སྙེད་དང་། དེ་བཞིན་དུ་སེམས་ཅན་བྱེ་བ་ཁྲག་ཁྲིག་བརྒྱ་སྟོང་ཆུ་ཀླུང་གང་གཱ་གྲངས་
D263.067.0203b06.01མེད་དཔག་ཏུ་མེད་པའི་བྱེ་མ་སྙེད་དང་། གང་སངས་རྒྱས་ཀྱི་ཞིང་རེ་རེའི་སེམས་ཅན་གང་དགེ་བ་བཅུའི་ལས་ཀྱི་ལམ་ལ་རྣམ་པར་གནས་པ་ལྷ་དང་མིའི་ལམ་ཐོབ་པར་གྱུར་པ་ཆུ་ཀླུང་གང་གཱ་གྲངས་མེད་དཔག་ཏུ་མེད་པའི་བྱེ་མ་སྙེད་དང་། སངས་རྒྱས་ཀྱི་ཞིང་རེ་རེའི་སེམས་ཅན་བྱེ་བ་ཁྲག་ཁྲིག་
D263.067.0203b07.01