完整藏文原文 · 德格版页 当前仅加载第 67 函德格 121a 版页；藏文 NFD、目录标记与异常页序保留在来源切片中，重复版页行以稳定序号区分。
ཡུལ་གྱི་ལམ་སྤྱོད་པ་ལ་ཡང་དག་པར་མཐོང་ངོ་། །སེམས་ཅན་ཐམས་ཅད་ཡོངས་སུ་སྨིན་པར་བྱ་བའི་ཕྱིར་དངོས་པོ་ཐམས་ཅད་ཡོངས་སུ་གཏོང་བར་འགྱུར་རོ། །སེམས་ཅན་ཐམས་ཅད་ཡོངས་སུ་མགུ་བར་བྱ་བའི་ཕྱིར་རིགས་ཀྱི་བུ་རྣམ་པ་དེ་ལྟ་བུའི་སེམས་ཅན་གྱི་གོ་ཆ་དང་།
D263.067.0121a01.01སེམས་ཅན་ཡོངས་སུ་སྨིན་པའི་རྒྱན་དང་། བྱང་ཆུབ་སེམས་དཔའི་བསྡུ་བའི་དངོས་པོས་སེམས་ཅན་དབུལ་པོ་དབུལ་བ་ལས་ཡོངས་སུ་ཐར་བར་བྱའོ། །རིགས་ཀྱི་བུ་གཞན་ཡང་འདི་ནི་སེམས་ཅན་ཡོངས་སུ་སྨིན་པར་བྱེད་ཅིང་བྱང་ཆུབ་སེམས་དཔའ་རྣམས་ལ་སྦྱིན་པ་བྱིན་པ་འདི་ནི་སྦྱིན་པའི་
D263.067.0121a02.01ཕ་རོལ་ཏུ་ཕྱིན་པའོ། །ཇི་ལྟ་བུར་བསམ་པས་སེམས་ཅན་ཡོངས་སུ་མགུ་བར་བྱེད་པ་དང་། ཡང་ན་ནི་ཟང་ཟིང་གི་བསམ་པའི་སེམས་ཅན་རྣམས་ཟང་ཟིང་གིས་ཡོངས་སུ་སྨིན་པར་བྱེད་པ་དང་། ཆོས་འདོད་པའི་སེམས་ཅན་རྣམས་ཇི་ལྟ་བུར་སེམས་ཅན་རྣམས་ལ་གཟུགས་དང་འཐུན་པར་
D263.067.0121a03.01ཆོས་བསྟན་པས། ཡོངས་སུ་མགུ་བར་བྱེད་ཅིང་། ཡོངས་སུ་སྨིན་པར་བྱེད་པ་འདི་ཡང་བྱང་ཆུབ་སེམས་དཔའི་སྦྱིན་པའི་ཕ་རོལ་ཏུ་ཕྱིན་པའོ། །རིགས་ཀྱི་བུ་གཞན་ཡང་སེམས་ཅན་ཡོངས་སུ་སྨིན་པས་ཟང་ཟིང་གི་སྦྱིན་པ་ཡང་སྦྱིན་པའི་ལེན་པ་དེ་དག་ལ་བྱམས་པ་དང་འཐུན་པར་
D263.067.0121a04.01སེམས་བསྐྱེད་པར་བྱ་བ་དེ་ཉིད་ཀྱིས་དེ་དག་ཡོངས་སུ་སྨིན་པར་བྱེད་དོ། །རབ་ཏུ་དགའ་བ་སྐྱེ་བའི་བློ་དང་ལྡན་པའི་སེམས་སྐྱེ་བར་འགྱུར་བ་དེ་ཉིད་ཀྱིས་དེ་དག་ཡོངས་སུ་སྨིན་པར་བྱེད་དོ། །སྙིང་རྗེ་ཅི་བྱའོ་ཅོག་བྱེད་པ་ལ་བརྩོན་པ་དགེ་བའི་སེམས་སྐྱེ་བ་དང་ལྡན་པར་ཡང་འགྱུར་རོ། །བཏང་སྙོམས་
D263.067.0121a05.01ཤིང་སྡིག་པ་མི་བྱེད་པ་དགེ་བའི་སེམས་སྐྱེ་བར་འགྱུར་བ་དེ་ཉིད་ཀྱིས་དེ་དག་ཡོངས་སུ་སྨིན་པར་བྱེད་དོ། །ཏིང་ངེ་འཛིན་དང་འཐུན་པ་དང་ལྡན་པ་སེམས་སྐྱེ་བར་འགྱུར་བ་དེ་ཉིད་ཀྱིས་དེ་དག་ཡོངས་སུ་སྨིན་པར་བྱེད་དོ། །དོན་ལ་རྟོན་པ་བདག་མེད་པ་དང་ལྡན་པའི་སེམས་སྐྱེ་བར་འགྱུར་བ་དེ་ཉིད་ཀྱིས་
D263.067.0121a06.01དེ་དག་ཡོངས་སུ་སྨིན་པར་བྱེད་དོ། །དེ་ཡང་སྦྱིན་པ་བྱིན་པའི་ལེན་པ་རྣམས་ཀྱི་སེམས་དང་བསམ་པ་ལ་དང་པོར་བྱང་ཆུབ་ཏུ་སེམས་བསྐྱེད་པ་དེ་ཉིད་ཀྱིས་དེ་དག་ཡོངས་སུ་སྨིན་པར་བྱེད་དོ། །ལ་ལ་ལེན་པ་རྣམས་ལ་བྱང་ཆུབ་སྤྱད་པ་སྤྱོད་པ་དེ་དག་སྐྱོ་བ་སྐྱེད་པར་བྱེད་པ་དེ་ཉིད་ཀྱིས་དེ་དག་
D263.067.0121a07.01