完整藏文原文 · 德格版页 当前仅加载第 67 函德格 134a 版页；藏文 NFD、目录标记与异常页序保留在来源切片中，重复版页行以稳定序号区分。
ལ་འཇུག་པའི་ཡེ་ཤེས་ལ་མཁས་པ་རྣམས་ལ་ཆོས་སྟོན་པར་བྱེད་དོ། །ཡང་བྱང་ཆུབ་སེམས་དཔའ་རྙོག་པ་ལྔའི་སངས་རྒྱས་ཀྱི་ཞིང་འདིར་རྣམ་པ་དེ་ལྟ་བུའི་རྩལ་བྱེད་ཀྱང་གང་བྱང་ཆུབ་སེམས་དཔའ་ལ་ལ་སངས་རྒྱས་ཀྱི་ཞིང་ཡོངས་སུ་དག་པར་རྣམ་པ་དེ་ལྟ་བུའི་རྩལ་བྱེད་མི་ནུས་སོ། །
D263.067.0134a01.01ཡང་རྙོག་པ་ལྔའི་སངས་རྒྱས་ཀྱི་ཞིང་འདིར་གལ་ཏེ་བྱང་ཆུབ་སེམས་དཔའ་སེམས་ཅན་གཅིག་གི་འདོད་ཆགས་ཀྱི་སྤྱོད་པ་སྟོང་ཕྲག་ཉི་ཤུ་རྩ་གཅིག་རབ་ཏུ་ཤེས་པ་དེ་ལྟར་ཐབས་རབ་ཏུ་སྦྱོར་བ་སྟོང་ཕྲག་ཉི་ཤུ་རྩ་གཅིག་གིས་འདོད་ཆགས་རབ་ཏུ་ཞི་བར་བྱེད་པ་དང་། གལ་ཏེ་སེམས་ཅན་གཅིག་
D263.067.0134a02.01གི་ཞེ་སྡང་སྤྱོད་པ་སྟོང་ཕྲག་ཉི་ཤུ་རྩ་གཅིག་རབ་ཏུ་ཤེས་པ་དེ་ལྟར་ཐབས་ལ་མཁས་པ་སྟོང་ཕྲག་ཉི་ཤུ་རྩ་གཅིག་གིས་ཞེ་སྡང་ཞི་བར་བྱེད་པ་དང་། གལ་ཏེ་བྱང་ཆུབ་སེམས་དཔའ་སེམས་ཅན་གཅིག་གི་སྐལ་བ་དང་བཅས་པར་སྤྱོད་པ་སྟོང་ཕྲག་ཉི་ཤུ་རྩ་གཅིག་རབ་ཏུ་ཤེས་པ་དེ་བཞིན་
D263.067.0134a03.01དུ་ཐབས་ལ་མཁས་པ་སྟོང་ཕྲག་ཉི་ཤུ་རྩ་གཅིག་གིས་ཞི་བར་བྱེད་པ་དང་། བྱང་ཆུབ་སེམས་དཔའ་གང་གིས་སེམས་ཅན་གཅིག་གི་སྐལ་བ་དང་བཅས་པར་སྤྱོད་པ་ཉོན་མོངས་པ་ཀུན་ནས་ལྡང་བ་རབ་ཏུ་ཞི་བར་ནུས་པ་དེ་ལྟར་བྱང་ཆུབ་སེམས་དཔའ་རྩལ་ཆེན་པོ་བྱེད་དོ། །གང་སེམས་
D263.067.0134a04.01ཅན་གཅིག་གི་ཉོན་མོངས་པའི་རྒྱུ་སྤྱོད་པ་སྟོང་ཕྲག་བརྒྱད་ཅུ་རྩ་བཞི་རབ་ཏུ་ཤེས་པའི་བྱང་ཆུབ་སེམས་དཔའ་དེ་ཡང་སེམས་ཅན་གཅིག་གི་དགོས་པས་བརྩོན་འགྲུས་བརྟན་པ་ལ་མོས་ཤིང་ཕ་རོལ་གནོན་པ་ན་ཐབས་ལ་མཁས་པ་སྟོང་ཕྲག་བརྒྱད་ཅུ་རྩ་བཞི་རབ་ཏུ་སྦྱོར་བ་དང་། ཕ་རོལ་གནོན་
D263.067.0134a05.01པས་གཟིར་བ་རྣམས་བྱང་ཆུབ་སེམས་དཔའི་རྩལ་ཆེན་པོ་འདི་ལ་ལྟོས་ཤིག །ཇི་ལྟར་སེམས་ཅན་གཅིག་གི་ཉོན་མོངས་པ་རབ་ཏུ་ཞི་བར་ནུས་པ་དེ་ལྟར་གཉིས་དང་། གསུམ་དང་། བཞི་ནས་གླིང་གཅིག་གི་སེམས་ཅན་ཡོངས་སུ་ཚང་བ་རེ་རེའི་དགོས་པས་ཉོན་མོངས་པ་སྤྱོད་པའི་
D263.067.0134a06.01མཚན་ཉིད་སྟོང་ཕྲག་བརྒྱད་ཅུ་རྩ་བཞི་རབ་ཏུ་ཞི་བར་བྱེད་ཅིང་གླིང་གཉིས་པ་དང་གླིང་བཞི་པ་ནས་ཕྱོགས་བཅུའི་སངས་རྒྱས་ཀྱི་ཞིང་ཆུ་བོ་གང་གཱའི་བྱེ་མ་སྙེད་དུ་སེམས་ཅན་ཐམས་ཅད་ཉོན་མོངས་པ་ཐམས་ཅད་ལས་ཡོངས་སུ་ཐར་བར་བྱེད་པ་དེ་ལྟར་བྱང་ཆུབ་སེམས་དཔའ་རྙོག་པ་ལྔའི་སངས་
D263.067.0134a07.01