完整藏文原文 · 德格版页 当前仅加载第 67 函德格 153b 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་མཚན་ཉིད་གཅིག་སྟེ། དབྱེར་མེད་པའི་ཚུལ་གྱིས་དངོས་པོ་མེད་པ་དང་། བརྗོད་དུ་མེད་པ་དང་། ཚིག་གི་ལམ་མ་ཡིན་པ་དང་། ཆུའི་ཟླ་བ་ལྟ་བུ་དང་། ནམ་མཁའ་ལ་རྟག་པའི་མཚན་ཉིད་དང་། ཆོས་ཀྱི་དབྱིངས་དབྱེར་མེད་པར་ཡོངས་སུ་རྟོག་གོ། །གང་ལ་འདོད་པའི་རོ་མྱང་ཞིང་མངོན་
D263.067.0153b01.01པར་དགའ་བ་དེ་ནི་སྡུག་བསྔལ་ལ་མངོན་པར་དགའ་བའོ། །འདོད་པའི་གནས་སོ། །མངོན་པར་ཞེན་པའོ། །བྱང་ཆུབ་སེམས་དཔའ་གང་མིག་གིས་ཤེས་པར་བྱ་བའི་གཟུགས་མཛེས་པ་སྡུག་པ་ཡིད་དུ་འོང་བ་མཐོང་ན། མིག་གི་རྣམ་པར་ཤེས་པ་ལ་མེའི་ཕུང་པོ་ཇི་ལྟ་བ་བཞིན་དུ་ཚུལ་བཞིན་
D263.067.0153b02.01གྱིས་རྟོག་སྟེ། མིག་གི་རྣམ་པར་ཤེས་པས་བརྟག་ཏུ་མེད་པའི་ཕུང་པོ་དེ་ཡང་རྫས་མེད་པ། བརྗོད་དུ་མེད་པ་ཡི་གེ་མེད་པ། དངོས་པོ་མི་དམིགས་པར་རྟོག་གོ། །མིག་གི་རྣམ་པར་ཤེས་པ་དེ་ཡང་དངོས་པོ་མི་དམིགས་པའི་ཕྱིར་རྫས་མེད་པ། མཚན་ཉིད་མེད་པའོ། །ནམ་མཁའ་
D263.067.0153b03.01དང་། མེ་དང་། མིག་དེ་ཡང་དངོས་པོ་མི་དམིགས་པས་བརྗོད་དུ་མེད་ཅིང་ཡི་གེ་མེད་པ་དེ་བཞིན་དུ་གཟུགས་སྡུག་པ་ནས་འདོད་པ་དང་ལྡན་པའི་བར་དུ་མཐོང་ན་མིག་གི་རྣམ་པར་ཤེས་པ་དེ་དང་། གཟུགས་དེ་གཉི་ག་དང་། བར་གྱི་ནམ་མཁའི་བར་དུ་ཡང་དངོས་པོ་མི་དམིགས་སོ། །གང་
D263.067.0153b04.01གིས་མེ་མཐོང་བར་མིག་གི་རྣམ་པར་ཤེས་པ་སྐྱེས་ནས་དེ་འགགས་ཏེ་སྐད་ཅིག་མ་གཉིས་པ་ལ་གནས་པ་མ་ཡིན་ནོ། །སྐད་ཅིག་མ་གཉིས་པ་ལ་ཚོར་བ་སྐྱེ་སྟེ། ཇི་ལྟར་འོད་འཕྲོ་བའི་ཕུང་པོ་བཞིན་དུ་དམིགས་སོ། །ཚོར་བ་དེ་ཡང་བརྗོད་དུ་མེད་པ། ཡི་གེ་མེད་པ། མཚན་མ་དང་བྲལ་
D263.067.0153b05.01བའོ། །ཚོར་བ་སྐྱེས་ཏེ་འགགས་ནས་སྐད་ཅིག་མ་གཞན་གྱི་གནས་ལ་འདུ་ཤེས་སྐྱེ་སྟེ། མེ་ལྕེ་འབར་བའི་འོད་འཕྲོ་བ་བཞིན་དུ་ཤེས་པར་བྱའོ། །དེ་ཡང་འདུ་ཤེས་སྐྱེས་ནས་འགགས་པའི་བར་དུ་སྟེ། སྐད་ཅིག་མ་གཉིས་པའི་གནས་ལ་འདུ་བྱེད་རྣམས་སྐྱེ་སྟེ། གང་ཆུང་ངུ་དང་། ཚད་
D263.067.0153b06.01མེད་པ་དང་། གང་རིང་བ་དང་། གང་ཉེ་བའི་འོད་འཕྲོ་བ་བཞིན་དུ་རབ་ཏུ་ཤེས་ཏེ། འདུ་བྱེད་རྣམས་སྐྱེས་ནས་འགགས་པའི་བར་དུའོ། །སྐད་ཅིག་མ་གཞན་ལ་རྣམ་པར་ཤེས་པ་སྐྱེ་སྟེ། ཇི་ལྟར་འོད་འཕྲོ་བའི་ཕུང་པོ་སྐྱེ་བ་དང་འཇིག་པ་བཞིན་དུ་རབ་ཏུ་ཤེས་ཏེ། རྣམ་པར་ཤེས་པ་དེ་ཡང་
D263.067.0153b07.01