完整藏文原文 · 德格版页 当前仅加载第 67 函德格 157a 版页；藏文 NFD、目录标记与异常页序保留在来源切片中，重复版页行以稳定序号区分。
བཅོམ་ལྡན་འདས་ཀྱིས་བཟོད་པ་བསྒོམ་པའི་དོན་དུ་གསུངས་པ་དེ་ནི་འདི་སྐད་བརྗོད་དོ། །རིགས་དང་མི་རིགས་ཞུགས་པ་རྣམས། །འདུ་བྱེད་རྟག་པའི་བློ་གྲོས་ཏེ། །ཚུལ་ཁྲིམས་བརྟུལ་ཞུགས་བྱིན་བརླབས་ལས། །ཡོངས་སུ་འཁྱམས་པས་རབ་སྡུག་བསྔལ། །དངོས་པོ་
D263.067.0157a01.01མེད་པའི་ཕུང་པོ་རྣམས། །སྟོང་པའི་ཆོས་ལ་བྱེད་པ་མེད། །བདག་མེད་ཆོས་ལ་འཇུག་པ་རྣམས། །ཇི་ལྟར་བྱེ་མ་བཞིན་དུ་མཐོང་། །འདུ་བྱེད་རྣམས་ལ་སྙེམས་པ་ཡི། །བརྟུལ་ཞུགས་རྣལ་འབྱོར་སྤྱོད་ཀྱིས་མཐོང་། །འདི་ལ་སྙིང་རྗེ་བསྐྱེད་པས་ན། །སེམས་ཅན་བྱེ་བ་རྣམ་པར་འདུལ། །
D263.067.0157a02.01སྒྱུ་མ་སྨིག་རྒྱུ་རྨི་ལམ་དང་། །ལུས་མེད་ཅིང་ནི་གནས་མེད་པ། །བདག་མེད་ཕུང་པོ་སྟོན་པ་དང་། །སྲོག་ཆགས་རྣམས་ལ་ཆོས་ཀྱང་སྟོན། །ཆོས་ཀུན་ཚུལ་གཅིག་བདག་མེད་པས། །སྟོང་པ་ཉིད་པས་སྐྱེ་འགོག་མེད། །སྲོག་ཆགས་རྣམས་ལ་བཟོད་པ་སྟོན། །རྟོག་པར་རྣམ་རྟོག་ཐེ་ཙོམ་
D263.067.0157a03.01བཅད། །བཟོད་པ་མ་ནོར་དེ་བཞིན་ཉིད། །ཚུལ་ཁྲིམས་བརྟུལ་ཞུགས་སྙེམས་པ་ཡིས། །བཅིངས་པ་ཐམས་ཅད་གཅོད་པར་འགྱུར། །ཇི་ལྟར་མེ་མར་མུན་པ་ལ། །བྱུང་ནས་མུན་པ་བསལ་བ་ལ། །བཅིངས་པ་ཐམས་ཅད་མཐོང་བ་བཞིན། །བཟོད་པ་ཉི་ཤུ་བས་པ་ཡིས། །མུན་
D263.067.0157a04.01ནག་དེར་ནི་རབ་ཞུགས་ཀྱང་། །དེ་ནི་སྲེད་པ་སྐྱེ་མི་འགྱུར། །བཟོད་པ་སྒོམ་ལ་དཔའ་བ་ཡིས། །སྲེད་པ་ཐམས་ཅད་ཟད་པར་བྱེད། །འཁོར་བ་ན་ནི་ཡུན་རིང་པོར། །འཁོར་བར་གྱུར་པའི་མི་རྣམས་ཀྱང་། །སྲེད་པ་ལས་ནི་རྣམ་པར་གྲོལ། །དེ་དག་མྱ་ངན་འདས་པ་ནི། །བགྲང་བར་ཡང་ནི་
D263.067.0157a05.01མི་ཆོག་སྟེ། །མཚོན་ཆ་ཤིན་ཏུ་བསླབས་པས་ན། །དགྲ་རྣམས་ཀུན་ལ་འཇིགས་པ་མེད། །བཟོད་པ་ཤིན་ཏུ་བསྒོམས་པ་དེས། །ཉོན་མོངས་ཐམས་ཅད་རབ་ཏུ་འཇོམས། །རིགས་ཀྱི་བུ་དེ་ལ་བདག་ཏུ་སྨྲ་བའི་ཉེ་བར་ལེན་པ་གང་ཞེ་ན། བདག་ནི་རང་བཞིན་གྱིས་མེད་པ་ཡིན་མོད་ཀྱི། འོན་
D263.067.0157a06.01ཀྱང་འདོད་པའི་ཡོན་ཏན་ལྔ་ལ་བདག་ཏུ་སྨྲ་བས་རྨོངས་ནས་བདག་སྐྱེད་དེ། མིག་ནི་བདག་དུ་རབ་ཏུ་ཤེས། མིག་གི་རྣམ་པར་ཤེས་པ་ཡང་བདེ་བ་དང་སྡུག་བསྔལ་ལ་འཇུག་པ། སྐྱེ་བ་ལ་མངོན་པར་ཆགས་པར་བྱེད་པ་ནས། ཡིད་བདག་ཏུ་རབ་ཏུ་ཤེས་ཤིང་ཡིད་ཀྱི་རྣམ་པར་ཤེས་པ་ཡང་བདེ་བ་
D263.067.0157a07.01