完整藏文原文 · 德格版页 当前仅加载第 67 函德格 109b 版页；藏文 NFD、目录标记与异常页序保留在来源切片中，重复版页行以稳定序号区分。
བའང་མེད་པ་དང་། འདུ་ཤེས་དང་འདུ་ཤེས་མེད་མིན་ཐོབ་པའང་མེད་པ་འདི་ཡང་གཉིས་སུ་མེད་པའི་ཆོས་ཀྱི་སྒོ་ལ་འཇུག་པའོ། །རིགས་ཀྱི་བུ་གང་ཕུང་པོ་དང་། ཁམས་དང་། སྐྱེ་མཆེད་ལ་འདུས་བྱས་དང་། འདུས་མ་བྱས་སུ་རྟོག་པ་འདི་ནི་གཉིས་པའོ། །གང་ཡང་
D263.067.0109b01.01འདུ་བྱེད་སྐྱེ་མཆེད་ཐམས་ཅད་ལ་མི་རྟོག་ཅིང་རྣམ་པར་མི་རྟོག་པ་དང་། ཆོས་ཐམས་ཅད་ནམ་མཁའ་དང་མཉམ་པར་ཡང་དག་པར་རྗེས་སུ་མཐོང་བ་འདི་ཡང་རིགས་ཀྱི་བུ་གཉིས་སུ་མེད་པའི་ཆོས་ཀྱི་སྒོ་ལ་འཇུག་པའོ། །རིགས་ཀྱི་བུ་གང་ཡང་འཇིག་རྟེན་པ་དང་། འཇིག་རྟེན་ལས་
D263.067.0109b02.01འདས་པའི་ཆོས་ལ་སྙེམས་པ་འདི་ནི་གཉིས་པའོ། །གང་ལ་ལ་འཇིག་རྟེན་པ་དང་། འཇིག་རྟེན་ལས་འདས་པའི་ཆོས་ལ་མི་འཇུག་མི་འགྲོ །རྣམ་པར་མི་འགྲོ །མི་རྒལ་ཞིང་འགྲོ་བ་ཡང་མེད། རྣམ་པར་འགྲོ་བ་མེད་པ་འདིའང་གཉིས་སུ་མེད་པའི་ཆོས་ལ་འཇུག་པའོ། །རིགས་
D263.067.0109b03.01ཀྱི་བུ་གཞན་ཡང་གང་ལ་ལ་མིང་དང་གཟུགས་ལས་ཕུང་པོ་དང་། ཁམས་དང་། སྐྱེ་མཆེད་འབྱུང་བར་རབ་ཏུ་ཤེས་པ་འདི་ནི་གཉིས་པའོ། །ཕུང་པོ་དང་། ཁམས་དང་། སྐྱེ་མཆེད་དང་། མིང་དང་གཟུགས་བྲལ་བ་ལ་སྒྱུ་མའི་རང་བཞིན་གྱི་ལྟ་བ་ཀུན་ཏུ་འགྲོ་ཞིང་ཀུན་ཏུ་མི་འགྲོ །ཡོངས་
D263.067.0109b04.01སུ་མྱ་ངན་ལས་མ་འདས་པ་འདི་ཡང་བྱང་ཆུབ་སེམས་དཔའི་གཉིས་སུ་མེད་པའི་ཆོས་ཀྱི་སྒོ་ལ་འཇུག་པའོ། །རིགས་ཀྱི་བུ་གཞན་ཡང་གང་རྣམ་པར་ཤེས་པ་འབྱུང་བར་རབ་ཏུ་ཤེས་པ་འདི་ནི་གཉིས་པའོ། །གང་ཡང་འབྱུང་བ་མེད་པ་སྐད་ཅིག་མ་དང་སྐད་ཅིག་མ་མ་ཡིན་པ་ལ་འདུས་བྱས་
D263.067.0109b05.01ཐམས་ཅད་དུ་མྱུར་དུ་རབ་ཏུ་ཤེས་པ་འདི་ཡང་གཉིས་སུ་མེད་པའི་ཆོས་ཀྱི་སྒོ་ལ་འཇུག་པའོ། །རིགས་ཀྱི་བུ་གཞན་ཡང་བདག་གིར་བྱ་བ་དང་། རྣམ་པར་ཤེས་པར་ཡོངས་སུ་ཤེས་པ་དང་། ང་ཡིར་བྱ་བ་དང་། སྐྱེ་མཆེད་ལ་ཆགས་པ་འདི་ནི་གཉིས་པའོ། །གང་ལ་ལ་བདག་དང་བྲལ་བའི་
D263.067.0109b06.01རྣམ་པར་ཤེས་པ་ཐོབ་པ་བདག་གི་རང་བཞིན་ལྟ་བ་གཉིས་དང་བྲལ་བ། སྐྱེ་མཆེད་ཉམས་པ་མེད་པ། བདག་གིར་བྱ་བ་དང་། ང་ཡིར་བྱ་བ་དང་བྲལ་བ་འདི་ཡང་གཉིས་སུ་མེད་པའི་ཆོས་ཀྱི་སྒོ་ལ་འཇུག་པའོ། །གང་ལ་ལ་རིག་པ་དང་། རྣམ་པར་གྲོལ་བར་རྟོག་པ་འདི་ནི་གཉིས་པའོ། །
D263.067.0109b07.01