完整藏文原文 · 德格版页 当前仅加载第 67 函德格 111a 版页；藏文 NFD、目录标记与异常页序保留在来源切片中，重复版页行以稳定序号区分。
པ་མགོ་ཁྲག་ཡན་ལག་དམ་འབྲུ་ནོར། །གླང་རྟ་བུ་གྲོང་ཤིང་རྟ་རིན་ཆེན་རྣམ་མང་བྱིན། །ཟས་སྐོམ་མལ་དང་བྲན་ཕོ་བྲན་མོ་བྱིན། །གཉེན་དང་འགྲོ་ལ་སྡུག་བསྔལ་རྟག་ཐར་བྱེད། །བསམ་པ་རྫོགས་ཤིང་སེམས་ཅན་དགའ་མཛད་པ། །ཁྱོད་ཀྱིས་མཆོད་སྦྱིན་
D263.067.0111a01.01བརྒྱ་བྱས་སེམས་ཅན་ཕྱིར། །སངས་རྒྱས་མང་ལ་སྔོན་ཆད་དགེ་མཆོད་བྱས། །བྱམས་སེམས་རྟག་པས་ཐེར་ཟུག་སྦྱིན་ལ་དགའ། །བརྟུལ་ཞུགས་བརྟན་པས་རི་རབ་ཇི་བཞིན་འབར། །འགྲོ་ལ་བརྟན་ཕྱིར་བཟོད་པ་འདི་བསྟན་གསོལ། །ངན་སོང་གསུམ་སྤངས་སེམས་ཅན་མཐོ་
D263.067.0111a02.01རིས་ཁྲིད། །ཁྱོད་ཀྱིས་བསྟན་པའི་སྨོན་ལམ་སྔོན་རྟག་བྱས། །འགྲོ་བ་བྱང་ཆུབ་སྡུག་བསྔལ་ཞི་མཆོག་རིག །རྒྱལ་བ་སྔོན་ཆད་ཅི་བཞིན་བྱང་ཆུབ་དེ་ཐོབ་བོ། །སྙིང་རྗེ་དཔལ་ཆུས་ས་རྣམས་མ་ལུས་གང་། །ཉོན་མོངས་དྲི་གསུམ་ཐེ་ཙོམ་ཐམས་ཅད་ཞི། །ལམ་གང་ཞི་བས་
D263.067.0111a03.01བྱང་ཆུབ་ཐོབ་སྟོན་པ། །ཇི་ལྟར་ཆོས་རྟོགས་འདི་ལ་ཁྱོད་ཀྱིས་དུས། །ཤིན་ཏུ་སྐོམ་ཡིད་འགྲོ་ལ་ཆོས་ཆར་ཕོབ། །བདུད་རྩིའི་རོས་ངོམས་ཡང་དག་ཡོན་ཏན་གསུངས། །ལམ་གང་ཞི་དེས་འགྲོ་བ་བྱང་ཆུབ་རེག །ཞིང་{མངས་,མང་}འདི་ལ་སེམས་ཅན་གང་དག་འོངས། །རྒ་
D263.067.0111a04.01ཤི་དག་ལས་རྣམ་ཐར་གང་ཡོད་པ། །ཐུབ་པ་ཆེན་པོ་ཆོས་འདི་གསུང་དུ་གསོལ། །ནམ་མཁའི་མདོག་གིས་འདུལ་བའི་བཟོད་པ་སྟོན། །དེ་ནི་སྒྱུ་མ་སྨིག་རྒྱུ་སྤྲོས་པར་འགྲོ། །འཇམ་དཔལ་གཞོན་ནུར་གྱུར་པ་ལ་བཅོམ་ལྡན་འདས་ཅང་མི་གསུང་བས་ཞལ་གྱིས་བཞེས་ནས། དེ་ནས་བཅོམ་
D263.067.0111a05.01ལྡན་འདས་འདི་སྙམ་དུ་དགོངས་ཏེ། བདག་རྣམ་པ་དེ་ལྟ་བུའི་ཏིང་ངེ་འཛིན་ལ་སྙོམས་པར་ཞུགས་ནས་ཏིང་ངེ་འཛིན་ལ་སྙོམས་པར་ཞུགས་པ་གང་གིས་ཁང་པ་བརྩེགས་པ་ཇི་སྙེད་པ་དེ་སྙེད་དུ་ལུས་མངོན་པར་སྤྲུལ་ནས་ཁང་པ་བརྩེགས་པ་ཐམས་ཅད་ན་འདུག་སྟེ། འཁོར་འདི་དག་ཀྱང་ཡང་དག་
D263.067.0111a06.01པར་དགའ་ཞིང་སྐྱོ་བར་བྱའོ་སྙམ་པ་དང་། དེ་ནས་བཅོམ་ལྡན་འདས་འོད་ཤིན་ཏུ་རྣམ་པར་བཀོད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། མཉམ་པར་བཞག་པའི་ཐུགས་ཀྱིས་ཁང་པ་བརྩེགས་པ་ཇི་སྙེད་པ་དེ་སྙེད་དུ་སངས་རྒྱས་བཅོམ་ལྡན་འདས་རང་རང་ཞུགས་ཏེ་བཞུགས་སོ། །
D263.067.0111a07.01