完整藏文原文 · 德格版页 当前仅加载第 67 函德格 151b 版页；藏文 NFD、目录标记与异常页序保留在来源切片中，重复版页行以稳定序号区分。
སྣང་བའི་ཆོས་ཀྱི་སྒོའི་གནས་ཀྱི་ཚུལ་ཞེས་བྱའོ། །སྐད་ཅིག་མ་དང་པོ་ལ་ཚོར་བ་སྐྱེས་ཏེ་འགགས་ནས་སྐད་ཅིག་མ་གཉིས་པ་ལ་སྲེད་པ་སྐྱེའོ། །དེ་ལ་སྲེད་པ་གང་ཞེ་ན། སྲེད་པའི་ཚོགས་དྲུག་སྟེ། མིག་གི་འདུས་ཏེ་རེག་པ་ནས་ཡིད་ཀྱི་འདུས་ཏེ་རེག་པའི་བར་གྱི་སྲེད་པ་འབྱུང་ངོ་། །
D263.067.0151b01.01གང་གཟུགས་ལ་མངོན་པར་དགའ་བ། གཏི་མུག་གི་དྲ་བསྒྲུབ་པ། ལུས་དང་། གཟུགས་དང་། སྒྲ་དང་། དྲི་དང་། རོ་དང་། རེག་བྱ་ལ་འཇུག་པ་ཐིབས་པོ་ནི་ནམ་མཁའ་བཞིན་ནོ། །གཟུགས་ལ་ཡོངས་སུ་མི་རྟོག་པའི་ཚོར་བ་ནི་གློག་དང་ནམ་མཁའ་བཞིན་ནོ། །འདུ་ཤེས་ནི་
D263.067.0151b02.01རླུང་དང་། ནམ་མཁའ་བཞིན་ནོ། །འདུ་བྱེད་རྣམས་ནི་སྤྲིན་མེད་པའི་ནམ་མཁའ་བཞིན་ནོ། །རྣམ་པར་ཤེས་པ་ནི་སྨིག་རྒྱུ་བ་དང་ནམ་མཁའ་བཞིན་ནོ། །གཟུགས་ལ་ཡོངས་སུ་མི་རྟོག་ཅིང་ཐེར་ཟུག་ཏུ་མོས་ཏེ། མི་རྟག་པ་ཉིད་ཡོངས་སུ་མི་རྟོག་པ་འདི་ནི་སྲིད་པ་ཞེས་བྱའོ། །
D263.067.0151b03.01གཞན་ཡང་གཟུགས་ལ་སྡུག་བསྔལ་དུ་ཡོངས་སུ་མི་རྟོག་པ་དང་། སྒྲ་དང་དྲི་ལ་ཀུན་འབྱུང་བ་དང་། འགོག་པར་ཡོངས་སུ་མི་རྟོག་པ་དང་། རོ་ལ་ལམ་དུ་ཡོངས་སུ་མི་རྟོག་པ་དང་། རེག་བྱ་ལ་སྐྱེ་བ་དང་། འགོག་པ་བརྗོད་དུ་མེད་པར་ཡོངས་སུ་མི་རྟོག་པ་འདི་ནི་སྲིད་པའི་གནས་ལ་
D263.067.0151b04.01ཆགས་པ། ཁམས་གསུམ་ཐམས་ཅད་དུ་འཕྲོ་བ། དུས་གསུམ་གྱི་དངོས་པོ་ལ་སྲེད་པའི་གནས་ཞེས་བྱའོ། །བྱིས་པ་སོ་སོའི་སྐྱེ་བོ་ངན་པ་རྣམས་ནི་འཁོར་བའི་ཆུ་ཀླུང་གི་རྒྱུན་གྱི་ཤུགས་འབབ་པ་ལ་མངོན་པར་བརྩོན་པ་སྟེ། དེ་ལ་བྱང་ཆུབ་སེམས་དཔས་གཟུགས་ལ་འདི་ལྟར་ཚུལ་
D263.067.0151b05.01བཞིན་གྱིས་སོ་སོར་བརྟག་པར་བྱ་སྟེ། འབྱུང་བ་ཆེན་པོ་བཞིའི་གཟུགས་འདི་ནི་ནང་དང་། འགོད་པའི་མཚན་ཉིད་དོ། །གང་རབ་ཏུ་རྣམ་པར་འཇིག་པའི་མཚན་ཉིད་དེ་ནི་མི་རྟག་པ་སྟེ། ཇི་ལྟར་འབྱུང་བ་ཆེན་པོ་ཡོངས་སུ་བརྟག་པ་སྔར་བསྟན་པ་དེ་བཞིན་དུ་སོ་སོར་བརྟག་གོ། །འདོད་
D263.067.0151b06.01པའི་ཡོན་ཏན་ལྔ་ལ་ནི་སྡོང་པོའི་ཚུལ་དུ་སོ་སོར་བརྟག་པར་བྱ་སྟེ། ཇི་ལྟར་སྡོང་པོ་ནམ་མཁའ་ལ་གནས་བཅས་ཏེ་མི་གནས་ཤིང་ས་ལ་བརྟེན་ཏེ། གནས་པ་དེ་བཞིན་དུ་གཟུགས་ནི་དབུ་བའི་གོང་བུ་ལྟ་བུ་སྟེ། གཟུགས་དང་གཟུགས་མེད་པའི་རྣམ་པར་དམིགས་པས་གཟུགས་དང་
D263.067.0151b07.01