完整藏文原文 · 德格版页 当前仅加载第 67 函德格 170b 版页；藏文 NFD、目录标记与异常页序保留在来源切片中，重复版页行以稳定序号区分。
ཡ་བརྒྱ་སྟོང་ཕྲག་བརྒྱད་ཅུའི་ཉན་ཐོས་ཀྱི་ཐེག་པའི་སེམས་ཅན་རྣམས་རང་སངས་རྒྱས་ཀྱི་ཐེག་པ་ལ་སེམས་བསྐྱེད་དོ། །རྡུལ་དང་བྲལ་བའི་ཏིང་ངེ་འཛིན་སོ་སོར་ཐོབ་པར་གྱུར་ཏོ། །རང་སངས་རྒྱས་ཀྱི་ཐེག་པ་ལས་ཕྱིར་མི་ལྡོག་པར་གྱུར་ཏོ། །དེ་ནས་བཅོམ་ལྡན་འདས་ཀྱིས་ཡང་ཚེ་དང་ལྡན་པ་རབ་
D263.067.0170b01.01འབྱོར་ལ་བཀའ་སྩལ་པ། རབ་འབྱོར་དགེ་སྦྱོང་གི་ཆོས་ལ་དགེ་སྦྱོང་གི་ཆོས་ཞེས་བྱ་བ་ཇི་ཙམ་གྱི་བར་དུ་དགེ་སྦྱོང་ཞེས་བྱ། རབ་འབྱོར་གྱིས་གསོལ་པ། བཅོམ་ལྡན་འདས་དགེ་སྦྱོང་གི་ཆོས་ཞེས་བགྱི་བ་ནི་བསླབ་པ་གསུམ་ནི་བཅོམ་ལྡན་འདས་དགེ་སྦྱོང་གི་ཆོས་ཞེས་བགྱིའོ། །བཅོམ་ལྡན་
D263.067.0170b02.01འདས་ཀྱིས་བཀའ་སྩལ་པ། དེ་ལྟར་དེ་བཞིན་ནོ། །རབ་འབྱོར་ལྷག་པའི་ཚུལ་ཁྲིམས་དང་། ལྷག་པའི་སེམས་དང་། ལྷག་པའི་ཤེས་རབ་ཏུ་སློབ་པ་ནི་དགེ་སྦྱོང་གི་ཆོས་ཞེས་བྱའོ། །འདི་ལ་ལྷག་པའི་ཚུལ་ཁྲིམས་ཀྱི་བསླབ་པ་གང་ཞེ་ན། དགེ་སྦྱོང་སོ་སོར་ཐར་པ་ལ་བསྡམ་པ་སྡོམ་པར་
D263.067.0170b03.01འགྱུར་བ་དང་། སྤྱོད་པའི་སྤྱོད་ཡུལ་གྱི་རྡུལ་ཕུན་སུམ་ཚོགས་པ་ཁ་ན་མ་ཐོ་བས་འཇིགས་པ་ལ་བལྟ་བ་དང་། ཀུན་ནས་འབྱུང་བ་ལ་བསླབ་པ་ལ་སློབ་པའི་ཚིག་འདི་དག་ནི་རབ་འབྱོར་ལྷག་པའི་ཚུལ་ཁྲིམས་སློབ་པ་ཞེས་བྱའོ། །ལྷག་པའི་སེམས་སློབ་པ་ནི་ཚངས་པའི་གནས་བཞི་ལ་
D263.067.0170b04.01གནས་པ་འདིའི་ཕྱིར་བྱམས་པའི་སེམས་དང་ལྡན་པ་འཇིག་རྟེན་ཐམས་ཅད་འགེངས་པ་དེའི་བར་དུ་རྣམ་པར་རྒྱས་པར་བརྗོད་པ་འདི་ནི་ལྷག་པའི་སེམས་སློབ་པ་ཞེས་བྱའོ། །ལྷག་པའི་ཤེས་རབ་སློབ་པ་གང་ཞེ་ན། འདི་ནི་འཕགས་པའི་བདེན་པ་བཞི་སྟེ། བཞི་གང་ཞེ་ན། འདི་ལྟ་སྟེ་འཕགས་
D263.067.0170b05.01པའི་བདེན་པའི་སྡུག་བསྔལ་དང་། ཀུན་འབྱུང་བའི་སྡུག་བསྔལ་དང་། འགོག་པའི་སྡུག་བསྔལ་དང་། འགོག་པ་ལ་ནན་ཏན་དུ་འགྲོ་བའི་འཕགས་པའི་བདེན་པའི་སྡུག་བསྔལ་ལོ། །འཕགས་པའི་བདེན་པའི་སྡུག་བསྔལ་གང་ཞེ་ན། འདི་ལྟ་སྟེ་སྐྱེ་བའི་སྡུག་བསྔལ་དང་། རྒས་པའི་
D263.067.0170b06.01སྡུག་བསྔལ་དང་། ནད་ཀྱི་སྡུག་བསྔལ་དང་། འཆི་བའི་སྡུག་བསྔལ་དང་། མི་མཛའ་བ་དང་ཕྲད་པའི་སྡུག་བསྔལ་དང་། མཛའ་བ་དང་བྲལ་བའི་སྡུག་བསྔལ་དང་། འདོད་པ་མི་རྙེད་པའི་སྡུག་བསྔལ་དང་། མདོར་ན་ཉེ་བར་ལེན་པའི་ཕུང་པོའི་སྡུག་བསྔལ་འདི་ནི་འཕགས་པའི་བདེན་པའི་སྡུག་བསྔལ་
D263.067.0170b07.01