完整藏文原文 · 德格版页 当前仅加载第 67 函德格 188a 版页；藏文 NFD、目录标记与异常页序保留在来源切片中，重复版页行以稳定序号区分。
བར་དུ་སྦྱོར་བར་བྱེད་ཅིང་བཀོད་དོ། །བཞིན་{བཟངས་,བཟང་}མཐུ་ཆེན་པོ་ཡང་དག་པར་སྤྱོད་པའི་ཚུལ་ནམ་མཁའི་མདོག་གིས་འདུལ་བའི་བཟོད་པ་འདི་ལྟོས་ཤིག །རིགས་ཀྱི་བུ་ཕོ་དང་རིགས་ཀྱི་བུ་མོ་བྱང་ཆུབ་འདོད་པ་རྣམས་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་
D263.067.0188a01.01པར་རྫོགས་པར་འཚང་རྒྱ་བར་འདོད་པས་ཡང་དག་པར་སྤྱོད་པའི་ཚུལ་ནམ་མཁའི་མདོག་གིས་འདུལ་བའི་བཟོད་པ་འདི་བསྒོམ་པར་བྱ་བ་འདི་ལ་ཚུལ་བཞིན་དུ་བྱའོ། །ཡང་དག་པར་སྤྱོད་པའི་ཚུལ་ནམ་མཁའི་མདོག་གིས་འདུལ་བའི་བཟོད་པ་ཞེས་བྱ་བ་ཐེག་པ་ཆེན་པོའི་མདོ། ལེའུ་བཅུ་
D263.067.0188a02.01པའོ།། །།བམ་པོ་བཅུ་པ། དེ་ནས་ཀུན་ཏུ་རྒྱུ་ཤིན་ཏུ་རྣམ་པར་ཕྱེ་བའི་འོད་ཟེར་འཆང་བ་ཞེས་བྱ་བ་དེ་བཅོམ་ལྡན་འདས་གང་ན་བ་དེ་ལོགས་སུ་ཐལ་མོ་སྦྱར་ཏེ་ཕྱག་འཚལ་ནས་བཅོམ་ལྡན་འདས་ལ་ཚིགས་སུ་བཅད་པ་འདི་དག་གསོལ་ཏོ། །ཤིན་ཏུ་རྐང་གཉིས་
D263.067.0188a03.01མཆོག་གིས་བདེ་བྱིན་པ། །ལྟ་བ་ལོག་ཞུགས་འགྲོ་ལ་སྒྲོན་མ་འཛིན། །ཆོས་ཀྱི་འཁོར་ལོ་དག་གི་སྒྲ་འཇུག་པ། །ཇི་ལྟར་ལྟ་བའི་དྲ་བ་མངོན་འཆད་འགྱུར། །དྲི་མ་གསུམ་སྤངས་མིག་གསུམ་གཏོང་ཕོད་པ། །ཆོས་ཀྱིས་འགྲོ་བ་ཐམས་ཅད་ཚིམ་མཛད་པ། །ཁམས་གསུམ་འགྲོ་བ་
D263.067.0188a04.01ལ་ནི་སྒྲོན་འཛིན་པ། །ཇི་ལྟར་ལྟ་བའི་དྲ་བ་སྲབ་པར་འགྱུར། །འགྲོ་བ་དག་ལ་གསེར་དང་ཟླ་བ་བཞིན། །སྤྱན་ནི་རབ་མཛེས་ཤིན་ཏུ་གསལ་བའི་ཞལ། །བཟོད་པ་ཇི་ལྟར་ཐོབ་པའི་སྤྱོད་པ་གསུངས། །ཇི་ལྟར་ལྟ་བའི་རྒྱུ་རྣམས་འཇིག་པར་འགྱུར། །སེམས་ཅན་འགྲོ་བ་སྡིག་པ་ལས་ཟློག་མཛད།
D263.067.0188a05.01སྡིག་པའི་བསམ་བྲལ་ལྟ་བ་དགེ་བ་ལ། །ཚེ་ཡི་ཆུ་བོ་སྡིག་པ་སེལ་འགྱུར་བ། །སྡིག་པའི་ལྟ་གསུམ་ཇི་ལྟར་ཐར་བར་བྱེད། །དྲང་སྲོང་ཆེན་པོ་དབང་པོ་ཐམས་ཅད་བསྡམས། །དད་པས་མོས་པ་ལྟར་ན་གཞན་ལ་གནས། །རྣམ་པར་སྤྱོད་བཅས་རྩ་བ་ཤིན་སྤང་ཕྱིར། །ལྟ་བའི་མདུད་ཡོང་
D263.067.0188a06.01ཇི་ལྟར་ཟད་པར་འགྱུར། །ཐམས་ཅད་འགྲོ་ལ་ཁྱོད་ནི་བློ་གྲོས་ཅན། །མཆོག་གི་བཟོད་པ་དག་གི་ལམ་སྟོན་པ། །བསམ་པ་ཐམས་ཅད་ཀྱིས་ནི་འགྲོ་འདི་མགུ། །སྡིག་པར་ལྟ་བ་ཇི་ལྟར་འཇིག་པར་འགྱུར། །འཕགས་པའི་རྒྱལ་པོ་ཉོན་མོངས་དགྲ་སྲེག་པ། །ལམ་གྱི་ཡན་ལག་
D263.067.0188a07.01