完整藏文原文 · 德格版页 当前仅加载第 67 函德格 149a 版页；藏文 NFD、目录标记与异常页序保留在来源切片中，重复版页行以稳定序号区分。
མ་ཡིན་པ་ནས། ཡིད་ཀྱི་རྣམ་པར་ཤེས་པ་ལ་ཚོར་བ་སྐད་ཅིག་མ་བདེན་པ་དང་། མི་བདེན་པ་ཉེ་བར་འགྲོ་བ་མེད། སྐྱེད་པ་མེད་པ་ནས། ཡིད་ཀྱི་རྣམ་པར་ཤེས་པའི་བར་དུ་བརྗོད་པར་བྱའོ། །སྒྱུ་མ་ལྟ་བུའི་མིག་གི་རྣམ་པར་ཤེས་པ་ཡོད་པ་མ་ཡིན་པ་འདི་ལ་སྐད་ཅིག་མའི་སྤྱོད་པ་
D263.067.0149a01.01མེད། ཤེས་པ་མེད། སྣང་བ་མེད། ཡི་གེ་མེད་དེ། སྐད་ཅིག་མའི་མི་སྐྱེ་བ་དང་། འགོག་པ་དང་། ཆོས་འདི་དག་ནི་སྐད་ཅིག་མ་གཅིག་ལ་སྐྱེ་ཞིང་འགག་སྟེ། འདི་ལ་བྱེད་པ་པོ་དང་། བྱེད་དུ་འཇུག་པ་པོ་དང་། ཚོར་བ་པོ་དང་། ཚོར་བར་བྱེད་པ་པོ་དང་། སྐྱེད་པ་པོ་དང་། སྐྱེད་པར་བྱེད་པ་
D263.067.0149a02.01དང་། ལྡང་བར་བྱེད་པ་དང་། ལྡང་བར་བྱེད་དུ་འཇུག་པ་དང་། བྱིན་གྱིས་རློབ་པ་པོ་དང་། རྣམ་པར་འཇིག་པ་པོ་མེད་དོ། །དེ་དག་ནི་སྐད་ཅིག་མ་དང་པོ་ལ་སྐྱེས་ལ་སྐད་ཅིག་མ་གཉིས་པ་ལ་གནས་པ་མ་ཡིན། སྐྱེས་ནས་ཕན་ཚུན་ཐ་དད་པར་བྱེད་པ་མ་ཡིན། རྒྱུ་མེད་པ་ལས་བྱུང་བ་མ་ཡིན་
D263.067.0149a03.01ཏེ། ཆོས་དེ་དག་ནི་སྐད་ཅིག་གིས་འཇིག་པའི་མཚན་ཉིད་པས་དེས་ན་དེ་དག་ནི་སྟོང་པའོ། །ཡང་དག་པ་མ་ཡིན་པ་ཀུན་ཏུ་རྟོག་པ་ལས་སྐྱེས་ཤིང་འགག་སྟེ། དེས་ན་དེ་དག་ནི་སྟོང་པའོ། །སྐྱེ་མཆེད་དྲུག་གི་རྐྱེན་གྱིས་རེག་པ་ལ་རྟོག་པར་བྱེད་དེ། རྣམ་པར་ཤེས་པ་དྲུག་གི་ཚོགས་སྐྱེས་ཤིང་
D263.067.0149a04.01འགགས་པ་དང་། སྐད་ཅིག་མ་གཉིས་པའི་གནས་ལ་མིག་གི་འདུས་ཏེ་རེག་པ་ནས། ཡིད་ཀྱི་འདུས་ཏེ་རེག་པའི་བར་དག་གི་འདུས་ཏེ་རེག་པ་དྲུག་གི་ཚོགས་སྐྱེ་བའི་རྒྱུ་མེད་དོ། །དེ་ལ་མིག་གི་འདུས་ཏེ་རེག་པ་ནི་མིག་གི་རྣམ་པར་ཤེས་པས་ཡུལ་ལ་རེག་པ་ལ་གནས་པའི་བྱ་བ་སྟེ། ཆགས་པར་
D263.067.0149a05.01བྱ་བའི་ཕྱིར་སྐད་ཅིག་མ་གཉིས་པ་ལ་འབྱུང་བའོ། །དེ་ནི་གཉིས་ཀ་ཡང་དངོས་པོ་མེད་པ་སྟེ། ནམ་མཁའ་ལ་བརྟག་པའི་མཚན་ཉིད་ལྟ་བུའོ། །མིག་གི་ཡུལ་གྱི་རེག་པ་ནི་མིག་གི་རྣམ་པར་ཤེས་པ་ལ་གནས་པའི་ཆགས་པར་བྱ་བའི་དོན་དུ་སྐད་ཅིག་མ་གཉིས་ལ་འབྱུང་བ་ནི་མ་ཡིན་ནོ། །དེ་
D263.067.0149a06.01བཞིན་དུ་རྣ་བ་དང་། སྣ་དང་། ལྕེ་དང་། ལུས་དང་ཡིད་ཀྱང་བརྗོད་པར་བྱའོ། །མིག་གི་རྣམ་པར་ཤེས་པའི་རྐྱེན་ཀྱང་གཟུགས་ཀྱི་འདུས་ཏེ་རེག་པ་ལ་དམིགས་པ་ལ་ཡོད་པའི་མཚན་ཉིད་ཀྱི་རང་བཞིན་དུ་ཆགས་པར་བྱ་བའི་ཕྱིར་སྐད་ཅིག་མ་གཉིས་ལ་འབྱུང་བ་ནི་མ་ཡིན་ནོ། །དེ་ནི་གཉིས་ཀ་
D263.067.0149a07.01