完整藏文原文 · 德格版页 当前仅加载第 67 函德格 104b 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་དཔའ་ཆེན་པོ་བཟའ་ཤིང་གི་ར་བའི་དཔལ་ཞེས་བྱ་བ་དེ་དྲང་སྲོང་གི་གཟུགས་དང་། ལུས་དང་། དབྱིབས་ཀྱིས་བདག་མཐོང་ངོ་། །གཞན་ཡང་ཐེག་པ་ཆེན་པོ་ལ་ཡང་དག་པར་ཞུགས་པའི་རིགས་ཀྱི་བུ་ཐམས་ཅད་དྲང་སྲོང་གི་གཟུགས་དང་ལུས་དང་དབྱིབས་ཀྱིས་མཐོང་ངོ་། །
D263.067.0104b01.01མཐོང་ནས་དེ་བཞིན་གཤེགས་པ་དབང་གི་རྒྱལ་མཚན་གྱི་དཔལ་ལ་ཡོངས་སུ་ཞུས་པ། བཅོམ་ལྡན་འདས་ཅིའི་རྒྱུ། ཅིའི་རྐྱེན་གྱིས་ན་གང་མེ་ཏོག་མེར་སྣང་བ་བཻ་དཱུརྱའི་དབྱིག་པ་འདི་བཅོམ་ལྡན་འདས་ཀྱི་སྤྱན་སྔར་འདུག་པར་གྱུར། ཐེག་པ་ཆེན་པོ་འདི་དག་ལ་ཡང་དག་པར་
D263.067.0104b02.01ཞུགས་པའི་རིགས་ཀྱི་བུ་དེ་ཐམས་ཅད་དྲང་སྲོང་གི་ཆ་བྱད་འཛིན་པར་གྲུབ། དེ་ནས་བཅོམ་ལྡན་འདས་དེ་བཞིན་གཤེགས་པ་དབང་གི་རྒྱལ་མཚན་གྱི་དཔལ་གྱིས་རིགས་ཀྱི་བུ་དེ་དག་ལ་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ་དེ་བཞིན་གཤེགས་པ་དགྲ་བཅོམ་པ་ཡང་དག་
D263.067.0104b03.01པར་རྫོགས་པའི་སངས་རྒྱས་ཤཱཀྱ་ཐུབ་པ་ཞེས་བྱ་བ་ནུབ་ཕྱོགས་ཀྱི་མི་མཇེད་ཀྱི་འཇིག་རྟེན་གྱི་ཁམས་ན་འདུག་ཅིང་རྙོག་པ་ལྔའི་འཇིག་རྟེན་དུ་འཇུག་པ་ན་དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་འཁོར་བཞི་དག་ལ་ཐེག་པ་གསུམ་གྱི་ཆོས་སྟོན་
D263.067.0104b04.01པར་བྱེད་དོ། །དེ་བཞིན་གཤེགས་པ་དེ་ད་ལྟར་ཡང་དག་པར་སྤྱོད་པའི་ཚུལ་ནམ་མཁའི་མདོག་གིས་འདུལ་བའི་བཟོད་པ་བསྟན་པར་འདོད་པས་དེ་བཞིན་གཤེགས་པ་སྒྲོན་མ་དང་ལྡན་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་དེའི་རྫུ་འཕྲུལ་རྣམ་པར་སྤྲུལ་ཏོ། །
D263.067.0104b05.01གསོལ་པ། བཅོམ་ལྡན་འདས་བཟོད་པ་འདིའི་ཐོག་མ་དང་ཐ་མ་ཇི་ལྟ་བུ་ཞིག་བཀའ་སྩལ་པ། བཟོད་པ་འདི་ནི་མུ་སྟེགས་ཅན་ཐམས་ཅད་ལ་འཇུག་པའོ། །དེ་ལྟར་མི་མཇེད་ཀྱི་སངས་རྒྱས་ཀྱི་ཞིང་དེར་སེམས་ཅན་ཆུ་བོ་བཞིས་ཁྱེར་བ་རྣམས་ལས་སྒྲོལ་བར་བྱེད་པའོ། །ཆུ་བོ་བཞི་གང་
D263.067.0104b06.01ཞེ་ན། འདོད་པའི་ཆུ་བོ་དང་། ལྟ་བའི་ཆུ་བོ་དང་། སྲིད་པའི་ཆུ་བོ་དང་། མ་རིག་པའི་ཆུ་བོ་འདི་དག་ལས་སེམས་ཅན་སྒྲོལ་བར་བྱེད་པའོ། །དད་པ་མི་ཕྱེད་པ་བཞི་ཡང་དག་པར་ལེན་དུ་འཇུག་པ། འཇུག་པར་བྱེད་པ། སོ་སོར་དགོད་པར་བྱེད་པའོ། །བཞི་གང་ཞེ་ན། སངས་རྒྱས་ལ་
D263.067.0104b07.01