完整藏文原文 · 德格版页 当前仅加载第 67 函德格 152a 版页；藏文 NFD、目录标记与异常页序保留在来源切片中，重复版页行以稳定序号区分。
གཟུགས་མེད་པ་ལ་འཇུག །གཟུགས་དང་གཟུགས་མེད་པ་དང་མི་འབྲལ། གཟུགས་དང་གཟུགས་མེད་པའི་ལས་དང་། གཟུགས་དང་གཟུགས་མེད་པ་སྤངས་ནས་དབུ་བའི་གོང་བུ་ལྟར་སྙིང་པོ་མེད་པར་བརྟགས་ན་སྟོང་པ་སྟེ། འཇུག་པ་དང་མི་འཇུག་པ་ནི་ཇི་ལྟར་རླུང་འདུས་
D263.067.0152a01.01པའི་རྐྱེན་གྱིས་ཁ་ནས་སྒྲ་འབྱུང་བ། ཡི་གེ་མེད་ཅིང་བརྗོད་དུ་མེད་པ་དེ་བཞིན་དུ་ཁམས་གསུམ་གྱི་སྒྲ་ཡང་སྟོང་པར་ཁོང་དུ་ཆུད་པར་བྱའོ། །ཇི་ལྟར་རླུང་འདུས་པ་དང་། ནམ་མཁའི་རླུང་དང་། ནམ་མཁའི་དྲི་མེད་དེ་སྟོང་པ་དེ་བཞིན་དུ་ཁམས་གསུམ་ཡང་དྲི་ལྟ་བུར་ཁོང་དུ་ཆུད་པར་བྱའོ། །ཇི་
D263.067.0152a02.01ལྟར་བུམ་པ་ཆར་པའི་ཐིགས་པས་གང་བ་ཡང་དེའི་ནང་དུ་སུས་ཀྱང་ཐིགས་པ་བླུགས་པ་མེད། བསྒྲུབས་པ་མེད། བྱས་པ་མེད། བྱེད་དུ་བཅུག་པ་མེད་དེ། ཐམས་ཅད་ཡོངས་སུ་བཟུང་བ་དང་། ཉེ་བར་སྤྱད་པ་དང་བྲལ་བ་དེ་བཞིན་དུ་ཁམས་གསུམ་བདག་དང་བཅས་པའི་རོའི་ཡོན་ཏན་ཡང་
D263.067.0152a03.01སྟོང་པར་ཁོང་དུ་ཆུད་པར་བྱའོ། །ཇི་ལྟར་བུམ་པ་གང་ཡང་ནམ་མཁའ་དང་འདྲེས་པར་བསྒྲུབས་པ་མེད་དེ། ཇི་ལྟར་ནམ་མཁའ་ལ་མ་ཡིན། ནམ་མཁའ་དང་བུམ་པ་ཕན་ཚུན་རེག་པ་དང་བྲལ་བ་སེམས་མེད་པ་དེ་བཞིན་དུ་ཁམས་གསུམ་གྱི་རེག་པ་ཡང་སྟོང་པར་ཁོང་དུ་ཆུད་པར་བྱའོ། །
D263.067.0152a04.01འདོད་པའི་ཡོན་ཏན་ལྔ་ལ་གཏི་མུག་གི་འཁོར་ལོས་བུང་བ་མེ་ཏོག་གི་དྲི་ལ་ཆགས་པ་དེ་བཞིན་དུ་གང་ཡང་འདོད་པའི་སྲེད་པ་དང་། གང་ཡང་གཟུགས་ཀྱི་སྲེད་པ་འདི་དག་ནི་འདོད་པའི་ཡོན་ཏན་ལྔའི་ཚུལ་གྱིས་སྟོང་པར་ཁོང་དུ་ཆུད་པར་བྱའོ། །གང་ཡང་གཟུགས་མེད་པའི་ཕུང་པོ་བཞི་ལ་
D263.067.0152a05.01སྲེད་པ་གཟུགས་མེད་པ་ནི་ཡི་གེ་མེད་པ་རང་བཞིན་མེད་པ་སྟེ། ཅུང་ཟད་མ་ཡོད་པའི་ཚུལ་གྱིས་ཇི་ལྟར་སྔར་བསྟན་པ་བཞིན་དུ་སྟོང་པར་ཁོང་དུ་ཆུད་པར་བྱའོ། །ཇི་ལྟར་ནམ་མཁའ་ལ་བརྟེན་ཏེ། རླུང་རྒྱུ་བ་ནི་ནམ་མཁའ་ལ་རླུང་གིས་འདྲེས་པར་བྱས་ཤིང་ཆགས་པ་ཡང་མེད་དེ། ནམ་མཁའ་
D263.067.0152a06.01ལས་ཀྱང་རླུང་ལ་མ་ཡིན་ཞིང་གཉི་ག་ཡང་བརྗོད་དུ་མེད་ཅིང་ཡི་གེ་མེད་པ་དེ་བཞིན་དུ་གཟུགས་མེད་པའི་ཕུང་པོ་ཡང་ཕན་ཚུན་དངོས་པོ་མེད་པར་འགྲུབ་ཅིང་ལྡན་པ་སྟེ། ཕན་ཚུན་གནོད་པ་དང་། སྦྱོར་བ་དང་། འདྲེ་བ་དང་། ཆགས་པ་དང་། གནོད་པར་བྱེད་པ་མེད་པ་དེ་བཞིན་དུ་
D263.067.0152a07.01