完整藏文原文 · 德格版页 当前仅加载第 67 函德格 158b 版页；藏文 NFD、目录标记与异常页序保留在来源切片中，重复版页行以稳定序号区分。
འདིར་ཚོགས་གནས་པ་ཇི་སྙེད་པ། །དགེ་བ་ཁྱེད་ལ་བརྗོད་པར་བྱ། །ཆོས་རྣམས་ཀུན་གྱི་དེ་ཉིད་ལ། །བསྒོམས་ལ་བཟོད་པ་རྟོགས་པར་བྱོས། །འདུ་བྱེད་རྣམས་ལ་རྒྱུ་མེད་དེ། །བདག་གི་རང་བཞིན་མེད་པས་ན། །ལས་ཀྱི་རྒྱུ་དང་རྐྱེན་རྣམས་ཀྱང་། །གཅིག་ནས་གཅིག་ཏུ་མི་ཤེས་སོ། །ཕྱི་
D263.067.0158b01.01རོལ་དང་ནི་ནང་རྣམས་ཀྱི། །ཆོས་རྣམས་ཀུན་ལ་བདག་མེད་དེ། །ཟབ་ཅིང་ཞི་བའི་ཆོས་ཉིད་ནི། །བུས་པ་འདིས་ནི་མི་ཤེས་སོ། །ཇི་ལྟར་ནམ་མཁའི་ཆོས་རྣམས་ལ། །ཐམས་ཅད་ཉེ་བར་རྟོག་པ་མེད། །མཚན་དང་མཚན་མ་མེད་པ་ཡི། །དེ་བཞིན་བཟོད་པ་རྣམ་པར་བསྒོམ། །ཕྱི་རོལ་
D263.067.0158b02.01དང་ནི་ནང་དག་གི། །ནམ་མཁའ་ལ་ནི་སྙེམས་པ་མེད། །སྟོང་པའི་བཟོད་པ་དེ་བསྒོམས་པ། །དེ་བཞིན་འདུ་བྱེད་བལྟ་བར་བྱ། །སངས་རྒྱས་ཐམས་ཅད་མཐོང་བ་ནི། །ཐམས་ཅད་ཆོས་ལ་གཏི་མུག་མེད། །དགེ་བ་དྲན་ལྡན་འགྱུར་བ་དག །གང་ནི་དེ་བཞིན་བཟོད་པ་བསྒོམ། །ཆོས་ཀྱི་
D263.067.0158b03.01སྦྱིན་པ་ཅུང་ཟད་ཀྱང་། །ཀུན་ཏུ་འཛིན་ཅིང་མཐོང་བ་མེད། །དེ་ལྟར་བཟོད་པ་གང་སྒོམ་པ། །སྙིང་པོ་ལ་ནི་གནས་ཤེས་བྱ། །ཉེ་བར་ལེན་པའི་རྐྱེན་གྱིས་ཀྱང་སྲིད་པ་རྟོགས་ཏེ་ཉེ་བར་ལེན་པ་འདི་བཞི་ནི་སྐད་ཅིག་མའོ། །དེ་ལ་སྐྱེ་ཞིང་འགག་པའི་ཉེ་བར་ལེན་པའི་སྐད་ཅིག་མ་གཉིས་པོས་ནི་སྲིད་པ་ཉེ་བར་
D263.067.0158b04.01སྐྱེད་དོ། །སྲིད་པ་གསུམ་ནི་འདོད་པའི་སྲིད་པ་དང་། གཟུགས་ཀྱི་སྲིད་པ་དང་། གཟུགས་མེད་པའི་སྲིད་པའོ། དེ་ལ་འདོད་པའི་སྲིད་པ་ནི་སེམས་ཅན་རྣམས་ལ་རྣམ་པར་སླུ་བ་སྟེ། སེམས་ཅན་དམྱལ་བ་ཆེན་པོ་བརྒྱད་དང་། བྱོལ་སོང་དང་། ཡི་དྭགས་དང་། གླིང་ཆེན་པོ་བཞི་དང་།
D263.067.0158b05.01འདོད་པ་ན་སྤྱོད་པའི་ལྷའི་གནས་དྲུག་པོ་འདི་དག་ནི་གླིང་བཞི་པའི་འདོད་པའི་སྲིད་པ་ཞེས་བྱའོ། །གཟུགས་ཀྱི་སྲིད་པ་ནི་གཟུགས་ལ་སྤྱོད་པའི་ལྷའི་གནས་བཅུ་དྲུག་སྟེ། འདི་ནི་གཟུགས་ཀྱི་སྲིད་པ་ཞེས་བྱའོ། །དེ་ལ་གཟུགས་མེད་པའི་སྲིད་པ་ནི་གཟུགས་མེད་པ་ལ་སྤྱོད་པའི་ལྷའི་གནས་
D263.067.0158b06.01བཞི་སྟེ། འདི་ནི་གཟུགས་མེད་པའི་སྲིད་པ་ཞེས་བྱའོ། །དེ་ལ་རིགས་ཀྱི་བུ་གང་རྒྱུ་དང་རྐྱེན་ལ་དམིགས་ནས་ངན་སོང་གསུམ་དུ་སྲིད་པ་དེ་ནི་གཅིག་ཏུ་ཚུལ་བཞིན་མེད་པའི་ཡིད་ལ་བྱེད་པ་ཟག་པ་དང་བཅས་པ་འདོད་པའི་ཡོན་ཏན་ལྔ་ལ་སྙེམས་པ་འདི་ལ་སྲིད་པ་འབྱུང་བར་འགྱུར་རོ། །གང་
D263.067.0158b07.01