完整藏文原文 · 德格版页 当前仅加载第 67 函德格 199a 版页；藏文 NFD、目录标记与异常页序保留在来源切片中，重复版页行以稳定序号区分。
གཟུགས་དང་། གླང་གི་གཟུགས་དང་། ཕག་གི་གཟུགས་དང་། སྤྱང་ཀིའི་གཟུགས་དང་། ཕྱུགས་ཀྱི་གཟུགས་དང་། བསེའི་གཟུགས་དང་། མ་ཧེའི་གཟུགས་དང་། ཝའི་གཟུགས་བསྡུས་པས་བདག་བྱོལ་སོང་གི་སྐྱེ་གནས་སྟོང་ཕྲག་བརྒྱད་ཅུ་རྩ་བཞི་ལ་སྐྱེ་
D263.067.0199a01.01གནས་རེ་རེ་ཐོབ་པས་ཆུ་བོ་གང་གཱའི་བྱེ་མ་སྙེད་ཀྱི་འཁོར་ལ་མཆོད་སྦྱིན་བྱས་སོ། །ཕྱོགས་བཅུ་ཀུན་ནས་ཉོན་མོངས་པ་དང་། རྙོག་པ་ལྔའི་སངས་རྒྱས་ཀྱི་ཞིང་ཆུ་བོ་གང་གཱའི་བྱེ་མ་སྙེད་དུ་རྣམ་པ་དེ་ལྟ་བུའི་བདེ་བའི་ཡོ་བྱད་ཐམས་ཅད་ཀྱིས་སེམས་ཅན་རྣམས་བདེ་བས་ཚིམ་པར་བྱས་པ་
D263.067.0199a02.01རྣམ་པ་དེ་ལྟ་བུའི་རྩལ་ཆེན་པོ་བྱས་སོ།། །།བམ་པོ་བཅུ་གཅིག་པ་སྟེ་ཐ་མ། ཡང་བཙུན་པ་བཅོམ་ལྡན་འདས་ངན་པའི་དུས་ཀྱི་ཚེ་ནད་པ་ལ་ལ་ཞིག་གི་དོན་དུ་རའི་གཙང་ཤ་འཚལ་བར་གྱུར་ལ། ཡུལ་དེ་ན་ར་མ་མཆིས་ན་དེ་ལ་བདག་གིས་སྨོན་ལམ་འདི་
D263.067.0199a03.01ལྟ་བུ་བཏབ་སྟེ། གལ་ཏེ་བདག་བླ་ན་མེད་པའི་ཤེས་རབ་ཆེན་པོ་མ་ཐོབ་ཀྱི་བར་དུ་བདག་གི་སྨོན་ལམ་འདི་གྲུབ་པར་གྱུར་ཅིག །བདག་ཤིང་ཆེན་པོ་འདི་ལ་འཛེགས་ཏེ། བདག་མཆོངས་ནས་རྫུས་ཏེ་རར་སྐྱེས་ལ། ལྷས་མི་རྣམས་ལ་བསྒོ་བ་འདི་ནི་ནད་པ་རྣམས་ཀྱི་སྨན་དུ་གྱུར་པ་ཡིན་
D263.067.0199a04.01གྱིས་སེམས་ཅན་དེ་དག་གིས་ཤ་ཟོ་ཤིག་དང་། དེ་དག་གི་ནད་དེ་ཞི་བར་འགྱུར་རོ། །སངས་རྒྱས་ཀྱི་ཞིང་གང་དུ་བདག་འཇིག་རྟེན་དུ་སངས་རྒྱས་སུ་གྱུར་པ་དེར་སེམས་ཅན་རྣམས་ཤ་ཟ་བར་མ་གྱུར་ཅིག །དེ་ན་ནད་ཀྱིས་རེག་པ་རྣམས་ལ་སྨན་དུ་མ་གྱུར་པའི་དངོས་པོ་མེད་པར་གྱུར་
D263.067.0199a05.01ཅིག །ཡིད་དུ་མི་འོང་བའི་སྒྲ་མི་གྲག་པར་གྱུར་ཅིག །སངས་རྒྱས་ཀྱི་ཞིང་དེ་ན་སེམས་ཅན་རྣམས་ལོངས་སྤྱོད་དང་ཀུན་ཏུ་སྤྱོད་པས་ཕོངས་པར་འགྱུར་བའི་སྒྲ་མི་གྲག་པར་གྱུར་ཅིག །བདག་ད་ལྟར་རའི་གཟུགས་ཀྱིས་ནད་པ་རྣམས་བསྙེན་བཀུར་བྱེད་པ་དེ་བཞིན་དུ་ཇི་སྲིད་དུ་ཡུན་རིང་པོར་
D263.067.0199a06.01འཁོར་བ་ན་སེམས་ཅན་རྣམས་ནད་ཀྱིས་རེག་པར་གྱུར་པ་ལ་ཤ་དང་། ཁྲག་དང་། འོ་མ་དང་། མར་གྱིས་སེམས་ཅན་རྣམས་ཀྱི་ནད་ཞི་བར་འགྱུར་བ་དེ་སྲིད་ཀྱི་ཡུན་རིང་པོར་སེམས་ཅན་རྣམས་ཀྱི་ནད་ཞི་བར་བགྱི་བའི་སླད་དུ་བྱོལ་སོང་གི་སྐྱེ་གནས་སུ་གྱུར་ཅིག །བདག་ཤིང་དེ་ལས་
D263.067.0199a07.01