完整藏文原文 · 德格版页 当前仅加载第 67 函德格 115b 版页；藏文 NFD、目录标记与异常页序保留在来源切片中，重复版页行以稳定序号区分。
ངན་ལས་འདའ་བ་ལ་མངོན་པར་དགའ་བ་དང་འདི་འདྲ་བར་ཡིད་ལ་བྱས་པས་བཟོད་པ་ཡོངས་སུ་རྫོགས་པར་འགྱུར་རོ། །རྟོག་པ་དང་། རྣམ་པར་རྟོག་པ་དང་། ཀུན་ཏུ་རྟོག་པ་དང་། ཡང་དག་པར་རྟོག་པ་དང་། ཉེ་བར་རྟོག་པ་དང་། འགྲོ་བ་དང་། ཀུན་ཏུ་འགྲོ་བ་དང་། མངོན་པར་འགྲོ་བ་
D263.067.0115b01.01དང་། ཉེ་བར་འགྲོ་བར་ཡིད་ལ་བྱེད་པས་བཟོད་པ་སྒོམ་པར་མི་འགྱུར་རོ། །རིགས་ཀྱི་བུ་འོང་བ་ཞེས་བྱ་བ་འདི་ནི་ཡང་དག་པར་འདྲེན་པའི་ཚིག་གོ། །རིགས་ཀྱི་བུ་གང་ལ་འདྲེན་པ་མེད་ཅིང་ཡང་དག་པར་འདྲེན་པ་མེད་པ་དེ་ལ་འགྲོ་བ་མེད་ཅིང་འོང་བ་ཡང་མེད་དོ། །འགྲོ་བ་མེད་པ་དང་། འོང་
D263.067.0115b02.01བ་མེད་པའི་ཀུན་གཞི་ཀུན་ཏུ་གཞོམ་པའི་ཕྱིར་གཉིས་སུ་མེད་པའི་ཆོས་ཀྱི་སྒོའི་བཟོད་པ་བསྒོམ་མོ། །རིགས་ཀྱི་བུ་འོང་ངོ་ཞེས་བྱ་བ་ལས་ཀྱི་མཚན་ཉིད་ལ་དམིགས་པ་འདི་ནི་བཟོད་པ་སྒོམ་པ་ཡོངས་སུ་སྤང་བའི་ཕྱིར་ཡང་དག་པར་སྒྲུབ་བའོ། །རིགས་ཀྱི་བུ་འགྲོའོ་ཞེས་བྱ་བའི་ལས་ཀྱི་
D263.067.0115b03.01མཚན་ཉིད་ཀྱི་རྒྱུ་འདི་ནི་མཚན་ཉིད་མེད་པ། མཚན་ཉིད་དང་བྲལ་བའི་བཟོད་པ་སྒོམ་པ་ཞེས་བྱ་བའོ། །འོང་ངོ་ཞེས་བྱ་བའི་སྨོན་ལམ་མཚན་ཉིད་ཀྱི་རྒྱུ་འདི་ནི་བཟོད་པ་འགོག་པའི་ཕྱིར་ཡང་དག་པར་སྒྲུབ་ཀྱི་འདི་ནི་བཟོད་པ་སྒོམ་པ་མ་ཡིན་ནོ། །རིགས་ཀྱི་བུ་འགྲོའོ་ཞེས་བྱ་བ་འདི་ནི་སྨོན་
D263.067.0115b04.01ལམ་ཟད་པ་དང་། མེད་པ་དང་། ཞི་བའི་བཟོད་པ་སྒོམ་པ་ཞེས་བྱའོ། །རིགས་ཀྱི་བུ་འོང་ངོ་ཞེས་བྱ་བ་འབྱུང་བའི་མཚན་ཉིད་འདི་ནི་བཟོད་པ་ལས་གཏི་མུག་པ་ཡིན་གྱི་བཟོད་པ་སྒོམ་པ་མ་ཡིན་ནོ། །རིགས་ཀྱི་བུ་འགྲོའོ་ཞེས་བྱ་བ་དམིགས་པ་མེད་པ་དང་། འགལ་བའི་མཚན་ཉིད་འདི་
D263.067.0115b05.01ནི་བཟོད་པ་སྒོམ་པ་ཞེས་སྨྲས་སོ། །རིགས་ཀྱི་བུ་འོང་ངོ་ཞེས་བྱ་བ་རྣམ་པར་དམིགས་པའི་སྒོའི་མཚན་ཉིད་འདི་ནི་བཟོད་པ་ལ་སྒོམ་པ་མ་ཡིན་གྱི་བཟོད་པ་ལ་འཁྲུག་པ་ཡིན་ནོ། །འགྲོའོ་ཞེས་བྱ་བ་རྣམ་པར་དམིགས་པ་ཟད་པའི་མཚན་ཉིད་དང་། ཉེ་བར་ཞི་བ་འདི་ནི་བཟོད་པ་སྒོམ་པ་
D263.067.0115b06.01ཞེས་སྨྲས་སོ། །རིགས་ཀྱི་བུ་འོང་ངོ་ཞེས་བྱ་བའི་ཀུན་གཞིའི་མཚན་ཉིད་འདི་ནི་བཟོད་པ་ལ་འཇུག་པ་ཡིན་གྱི་བཟོད་པ་སྒོམ་པ་ནི་མ་ཡིན་ནོ། །རིགས་ཀྱི་བུ་འགྲོའོ་ཞེས་བྱ་བའི་ཀུན་གཞི་ནུབ་པ་དང་ཞི་བ་འདི་ནི་བཟོད་པ་སྒོམ་པ་ཞེས་སྨྲས་སོ། །རིགས་ཀྱི་བུ་འོང་ངོ་ཞེས་བྱ་བ་འབྱུང་བའི་མཚན་
D263.067.0115b07.01