完整藏文原文 · 德格版页 当前仅加载第 67 函德格 98a 版页；藏文 NFD、目录标记与异常页序保留在来源切片中，重复版页行以稳定序号区分。
པ་ལོང་བ་ཞར་བ་དང་། །རྟག་ཏུ་ནད་དང་ཉམ་ཆུང་བ། །སྐུར་པ་འདེབས་ཤིང་མཆོད་པ་མེད། །ཟས་དང་སྐོམ་དང་བྲལ་བ་སྟེ། །མཁས་པ་རྣམས་ཀྱིས་སྨད་པར་འགྱུར། །ཕ་དང་མ་ལ་བཀུར་སྟི་མེད། །ཉེས་པར་བྱས་པ་རྟག་ཏུ་སྤྱོད། །སེམས་ཅན་རྣམས་ལ་
D263.067.0098a01.01སྙིང་རྗེ་མེད། །ངན་འགྲོར་ཡང་ནི་འགྲོ་བར་འགྱུར། །འདིར་ནི་རབ་ཏུ་སོང་བ་ཡི། །དགེ་སློང་དྲུག་ཅུ་ཙམ་འདི་དག། །ཡིད་ཀྱིས་རྟོག་པ་ཞེ་སྡང་བ། །ངན་འགྲོར་ཡང་ནི་མྱུར་དུ་འགྲོ། །ལུས་དབང་བྱས་པའི་སེམས་ཅན་འདི། །གང་གིས་བཟོད་པ་འདི་བསྟན་ཅིང་། །ཐབས་ལ་མངོན་སུམ་
D263.067.0098a02.01མ་ཡིན་པ། །དེས་ནི་དགེ་སློང་དེ་སོང་ངོ་། །ཡེ་ཤེས་ཐབས་དང་ལྡན་པ་དག །ཕ་རོལ་སེམས་ལ་ལྟ་བ་ཡི། །འཇིག་རྟེན་ལ་ནི་སྒྲོན་འཛིན་པ། །སེམས་ཅན་ཀུན་ལ་སྨན་པར་སྨྲ། །ཐམས་ཅད་དོན་གྱི་རྗེས་ཤེས་པ། །ཐོག་མར་ཡང་ནི་འཁོར་ལྟོས་ལ། །ཅི་འདྲར་འགྱུར་བའི་
D263.067.0098a03.01འཁོར་རྣམས་ལ། །དེ་འདྲ་བར་ནི་ཆོས་ཀྱང་ཤོད། །དེ་ནས་ཡང་བྱང་ཆུབ་སེམས་དཔའ་ལག་ན་རིན་པོ་ཆེས་འདི་སྐད་ཅེས་སྨྲས་སོ། །རིགས་ཀྱི་བུ་ཇི་ལྟ་བུར་ཉན་ཐོས་ཀྱིས་བཅོམ་ལྡན་འདས་ཀྱི་སེང་གེའི་ཁྲི་བཤམས་ཏེ། ཉན་ཐོས་འདུལ་བའི་ཕྱིར་སྨྲ་བར་འགྱུར་རོ་ཞེས་བདག་
D263.067.0098a04.01གིས་ཡོངས་སུ་ཤེས་སོ། །རིགས་ཀྱི་བུ་ཡང་འདིས་སྔོན་མ་ཐོས་པ་ཡང་དག་པར་སྤྱོད་པའི་ཚུལ་ནམ་མཁའི་མདོག་གིས་འདུལ་བའི་བཟོད་པ་བསྟན་པ་ན། ཡང་བཅོམ་ལྡན་འདས་ཀྱིས་ཇི་ལྟ་བུར་བདག་ལ་ཐུགས་བརྩེ་བའི་སླད་དུ་ཡང་དག་པར་སྤྱོད་པའི་ཚུལ་ནམ་མཁའི་མདོག་གིས་
D263.067.0098a05.01འདུལ་བའི་བཟོད་པ་ཡོན་ཏན་གྱིས་དམིགས་པ་སྦྱོར་བ་རྒྱ་ཆེན་པོས་བཤད་པར་བདག་ཀྱང་བཅོམ་ལྡན་འདས་ལ་གསོལ་བ་གདབ་ཅིང་། བདག་དང་སེམས་ཅན་གཞན་ལ་ཡང་ཐུགས་བརྩེ་བའི་སླད་དུ་རྗེས་སུ་གཟུང་བར་འགྱུར་སྙམ་མོ། །དེ་ནས་བྱང་ཆུབ་སེམས་དཔའ་ལག་ན་མར་
D263.067.0098a06.01མེས་བྱང་ཆུབ་སེམས་དཔའ་ལག་ན་རིན་པོ་ཆེ་ལ་འདི་སྐད་ཅེས་སྨྲས་སོ། །རིགས་ཀྱི་བུ་གང་གི་དུས་ལ་བབ་པར་ཤེས། དེ་ནས་བྱང་ཆུབ་སེམས་དཔའ་ལག་ན་མར་མེ་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་བྱས་ཏེ། བཅོམ་ལྡན་འདས་གང་ན་བ་དེ་ལོགས་སུ་ཐལ་
D263.067.0098a07.01