完整藏文原文 · 德格版页 当前仅加载第 67 函德格 144a 版页；藏文 NFD、目录标记与异常页序保留在来源切片中，重复版页行以稳定序号区分。
བདག་མེད་པ་སྟོང་པ་ཉིད་རྣམ་པར་ཐར་པའི་སྒོའོ། །གང་ཁམས་གསུམ་ཐམས་ཅད་ལ་ཚོར་བ་དངོས་པོ་མེད་པ་དང་། སྣང་བ་མེད་པ་དང་། ཡི་གེ་མེད་པ་དང་། བརྗོད་དུ་མེད་པ་དང་། ཟད་པ་མེད་པ་དང་། ཅི་ལའང་ཆགས་པ་མེད་པ་དེ། དེ་ལྟར་རབ་འབྲིང་དང་ཐ་མའི་ཉོན་མོངས་
D263.067.0144a01.01པ་རྒྱུན་ཆད་པར་འགྱུར་རོ། །ནམ་མཁའ་ཇི་ལྟར་སྦྱོར་བ་མེད་པ་དེ་བཞིན་དུ་འདོད་ཆགས་ཀུན་ནས་ལྡང་བ་དང་། ཚོར་བ་སྦྱོར་བ་མེད་ཅིང་བརྗོད་དུ་མེད་པ་དང་། གཉིས་སུ་མེད་པ་དང་། སེམས་དང་ཡིད་ཀྱི་རྣམ་པར་ཤེས་པ་ལ་ཁམས་གསུམ་གྱི་ཚོར་བ་ཅི་ལའང་ཆགས་པ་མེད་པ་
D263.067.0144a02.01དང་། མི་རྟག་པ་དང་། སྡུག་བསྔལ་བ་དང་། སྟོང་པ་དང་། བདག་མེད་པ་དང་། འདོད་ཆགས་ཀྱི་ཀུན་གཞི་ཚོར་བ་མཚན་ཉིད་དམིགས་པ་མེད་པ་དང་། མཚན་ཉིད་དང་བྲལ་བའི་བཟོད་པ་སྒོམ་པར་བྱེད་པ་འདི་ཡང་བྱང་ཆུབ་སེམས་དཔའི་སེམས་ཅན་ཉེ་བར་འཚོ་བའི་བཟོད་པར་
D263.067.0144a03.01བལྟ་བར་བྱའོ། །དེ་བཞིན་དུ་རྣ་བ་ལ་སྒྲ། སྣ་ལ་དྲི། ལྕེ་ལ་རོ། ལུས་ལ་རེག །ཡིད་ལ་ཆོས་ཏེ། གང་ཡིད་ཀྱིས་འདས་པ་དང་། མ་འོངས་པ་དང་། ད་ལྟར་བྱུང་བའི་འདོད་ཆགས་ཀྱི་ཀུན་གཞི་ཀུན་ནས་ལྡང་བ་ཡིད་དུ་འོང་བའི་ཆོས་རྣམ་པར་ཤེས་ཤིང་གཟུགས་དང་། སྒྲ་དང་།
D263.067.0144a04.01དྲི་དང་། རོ་དང་། རེག་པ་མངོན་པར་དགའ་བ་རྗེས་སུ་དྲན་པ་དེ་ལ་ཡང་ཡིད་ཀྱི་རྣམ་པར་ཤེས་པ་འབྱུང་ངོ་། །ཚོར་བ་འདོད་ཆགས་ཀྱི་ཀུན་གཞིས་བསྐྱེད་དོ། །དེ་ལའང་བྱང་ཆུབ་སེམས་དཔའ་དེ་བཞིན་དུ་ཡིད་ཀྱི་རྣམ་པར་ཤེས་པ་དང་། ཚོར་བ་འདོད་ཆགས་ཀྱི་ཀུན་གཞི་ཚུལ་བཞིན་དུ་
D263.067.0144a05.01རྟོག་གོ། །གཟུགས་ཀྱི་དངོས་པོ་རང་བཞིན་གྱིས་སྒྱུ་མ་ལྟ་བུའི་སེམས་དང་། ཡིད་ཀྱི་རྣམ་པར་ཤེས་པ་ཞེས་བྱ་བ་འདི་སེམས་དང་། ཡིད་ཀྱི་སྒྲས་བརྗོད་དོ། །གང་འདས་པའི་སེམས་དེ་འགགས་པ་དང་། མ་འོངས་པའི་མ་བྱུང་བ་དང་། ད་ལྟར་བྱུང་བའི་སེམས་དང་། ཡིད་ཀྱི་རྣམ་པར་
D263.067.0144a06.01ཤེས་པ་གནས་པའང་མེད་དོ། །སྐད་ཅིག་ཏུ་འཇིག་པ་དང་། མི་རྟག་པ་དང་། ལུས་མེད་པ་དང་། ངོ་བོ་ཉིད་མེད་པ་དང་། ཡི་གེ་མེད་པ་དང་། མཚན་ཉིད་མེད་པ་དང་། བྱ་བ་མེད་པ་དང་། འགྱུར་བ་མེད་པ་དང་། གཟུང་དུ་མེད་པ་དང་། གཏོང་བ་མེད་པ་དང་། མུན་པ་མེད་པ་དང་། སྣང་
D263.067.0144a07.01