完整藏文原文 · 德格版页 当前仅加载第 67 函德格 131b 版页；藏文 NFD、目录标记与异常页序保留在来源切片中，重复版页行以稳定序号区分。
བསམ་པ་ཇི་སྙེད་པ་ཡོངས་སུ་རྫོགས་སོ། །སངས་རྒྱས་ཀྱི་ཞིང་ཡོངས་སུ་དག་པ་དེར་སྐྱེས་པ་རྣམས་སངས་རྒྱས་གཞན་འཕེལ་བའི་ཕྱིར་ཡང་རྙོག་པ་ལྔའི་སངས་རྒྱས་ཀྱི་ཞིང་ཡོངས་སུ་མ་དག་པ་འདི་ནི་མི་འདོད་དོ། །ཉོན་མོངས་པས་བསྒྲིབས་པ་དང་། །ལྟ་བ་དོག་པར་ཐོབ་པ་འདི་
D263.067.0131b01.01དག་དམོད་ཅིང་འདི་ལ་སྙིང་རྗེ་ཆེན་པོ་མི་སྐྱེད་པ་དེ་དག་བྱང་ཆུབ་སེམས་དཔའ་ཞེས་བྱའི། སེམས་དཔའ་ཆེན་པོ་ཞེས་མི་བྱའོ། །རིགས་ཀྱི་བུ་འདི་ལྟ་སྟེ་དཔེར་ན་གཏར་མཁན་མཁས་པ་ལ་ལ་མཆོག་ཏུ་དྲི་མི་ཞིམ་པ་དང་ལྡན་པའི་སྨན་གྱི་ཡོ་བྱད་ཀྱིས་མི་ཞར་བ་དང་ལོང་བ་རྣམས་ཀྱི་
D263.067.0131b02.01མིག་གི་ནད་ཅུང་ཟད་ཙམ་རབ་ཏུ་ཞི་བར་བྱེད་དོ། །ཞི་བར་ཤེས་ནས་དེ་དག་གཅིག་ལ་གཅིག་སྨྲས་པ། བདག་ཅག་གིས་གཟུགས་ཀྱི་སྣང་བ་ལ་ལྟ་བར་བརྩམས་ཏེ། བདག་ཅག་སྒྲོན་མར་གྱུར་པའི་སྨན་པའི་ཁྱིམ་འདི་ནས་བྱུང་ལ་འགྲོ་བར་བྱའོ་སྙམ་ནས་ཕྱིར་འོང་བ་ཡང་མེད་པ་མང་
D263.067.0131b03.01པོ་དེ་དག་ཀྱང་གང་སྨན་པའི་ཁྱིམ་དེ་ལས་འབྱུང་བར་འགྱུར་རོ། །ཇི་ལྟ་བུར་ནད་འདི་རབ་ཏུ་ཞི་བ་མེད་པ་དེ་དག་མིག་གི་ནད་ཡུན་རིང་པོར་གནས་པ་བལྟས་ནས་ཡང་འོང་ངོ་། །དེ་དག་ཀྱང་སྨན་པའི་ཁྱིམ་དེར་གནས་པར་འགྱུར་རོ། །དེ་དག་ཡུན་མི་རིང་བས་ཀྱང་ནད་ཐམས་ཅད་གྲོལ་
D263.067.0131b04.01བར་འགྱུར་རོ། །རིགས་ཀྱི་བུ་དེ་བཞིན་དུ་གང་བྱང་ཆུབ་སེམས་དཔའ་ཉོན་མོངས་པ་དང་། རྙོག་པ་ལྔའི་སངས་རྒྱས་ཀྱི་ཞིང་དུ་གང་ལ་འདོད་ཆགས་དང་། ཞེ་སྡང་དང་། གཏི་མུག་དང་། ང་རྒྱལ་དང་། རྒྱགས་པ་དང་། ལྟ་བ་ངན་པས་རྟག་ཏུ་གཙེ་བའི་སེམས་ཅན་རྣམས་དེ་ལ་ལ་ལ་དགེ་
D263.067.0131b05.01བའི་བཤེས་གཉེན་གྱིས་ཡོངས་སུ་བཟུང་བར་འགྱུར་བ་དེ་དག་ཀྱང་ཇི་ལྟར་ཡོན་ཏན་ཁོང་དུ་ཆུད་པ་དེ་ལྟར་རྙོག་པ་ལྔའི་སངས་རྒྱས་ཀྱི་ཞིང་དེ་ལས་འབྱོལ་བར་འདོད་དོ། །གང་ཡང་དེ་ལས་འདས་ཤིང་སངས་རྒྱས་ཀྱི་ཞིང་ཡོངས་སུ་དག་པར་རྣམ་པར་སྤྱོད་པ་དེ་ཉོན་མོངས་པ་དང་། རྙོག་པ་ལྔའི་སངས་
D263.067.0131b06.01རྒྱས་ཀྱི་ཞིང་དུ་གདོན་མི་ཟ་བར་འགྲོ་བར་འདོད་དོ། །དེ་དག་ཀྱང་སངས་རྒྱས་ཀྱི་ཞིང་དཔག་ཏུ་མེད་པ་གྲངས་མེད་པ་རྡུལ་ཤིན་ཏུ་ཕྲ་བ་སྙེད་ལས་ཤིན་ཏུ་འདས་པས་ཡུན་རིང་པོར་སྡུག་བསྔལ་འདོད་པར་འགྱུར་རོ། །གང་གི་ཚེ་དེ་དག་སངས་རྒྱས་ཀྱི་ཞིང་ཡོངས་སུ་དག་པ་དེར་བླ་ན་མེད་པ་ཡང་དག་
D263.067.0131b07.01