完整藏文原文 · 德格版页 当前仅加载第 67 函德格 127a 版页；藏文 NFD、目录标记与异常页序保留在来源切片中，重复版页行以稳定序号区分。
ཅན་རྣམས་ལ་སྙིང་རྗེ་བ་དེ་དེ་ལྟར་སྲོག་གཅོད་པ་ཟློག་པར་བྱེད། སེམས་ཅན་ཐམས་ཅད་ལ་སྙིང་རྗེ་བར་སྦྱོར་བར་བྱེད་དོ། །འཇིག་རྟེན་ལས་འདས་པའི་ཚུལ་ཁྲིམས་ལ་འགོད་པར་བྱེད་པ་ནས། ཡང་དག་པར་ལྟ་བའི་བར་དུ་སྨྲ་བར་བྱའོ། །ཇི་ལྟར་ཡང་བྱང་ཆུབ་སེམས་དཔའ་
D263.067.0127a01.01བདག་བཟོད་པའི་ཡོན་ཏན་ལྔ་དང་ལྡན་པར་འགྱུར་བ་དང་། བག་ལ་ཉལ་བ་སྤངས་པའི་ཕྱིར་བཟོད་པ་སྒོམ་པར་བྱེད་པ་ནས། མི་སྐྱེ་བའི་ཆོས་ཀྱི་བཟོད་པ་ཐོབ་པའི་བར་དུ་དེ་ལ་སེམས་ཅན་རྣམས་སྦྱོར་བར་བྱེད་ཅིང་མི་སྐྱེ་བའི་ཆོས་ཀྱི་བཟོད་པའི་བར་དུ་འགོད་པར་བྱེད་དོ། །ཇི་ལྟར་བྱང་ཆུབ་སེམས་
D263.067.0127a02.01དཔའ་བདག་བརྩོན་འགྲུས་བརྩམས་ནས་སེམས་ཅན་ཡོངས་སུ་སྨིན་པར་བྱ་བའི་ཕྱིར་དགེ་བའི་ལུས་ཀྱི་ལས་བྱིན་གྱིས་བརླབས་པ་དང་། དགེ་བའི་ངག་གི་ལས་དང་། ཡིད་ཀྱི་ལས་བྱིན་གྱིས་བརླབས་པ་ནས་དགེ་བའི་རྒྱུར་འདུ་ཤེས་པ་དང་། ཞི་བ་དང་། སྙིང་རྗེ་ཆེན་པོའི་རྒྱུར་འདུས་བྱས་
D263.067.0127a03.01རྣམས་རྣམ་པར་མི་སྤོང་བ་དེ་ལ་སེམས་ཅན་རྣམས་སྦྱོར་བར་བྱེད། འགོད་པར་བྱེད་དོ། །ཇི་ལྟ་བུར་བྱང་ཆུབ་སེམས་དཔའ་ཉན་ཐོས་དང་། རང་རྒྱལ་བ་འདུལ་བའི་ཕྱིར་ཉན་ཐོས་དང་། རང་སངས་རྒྱས་ཀྱི་ཐེག་པ་ལ་གནས་ཏེ། བསམ་གཏན་ལ་བསམ་གཏན་དུ་བྱེད་དོ། །དེ་བཞིན་
D263.067.0127a04.01གཤེགས་པའི་ཏིང་ངེ་འཛིན་ཡོངས་སུ་རྫོགས་པར་བྱ་བའི་ཕྱིར་ཉན་ཐོས་དང་། རང་རྒྱལ་བ་དང་བྲལ་བའི་བསམ་གཏན་ལ་བསམ་གཏན་དུ་བྱེད་དོ། །བྱང་ཆུབ་སེམས་དཔའ་བདག་མེད་པའི་བསམ་གཏན་ལ་བསམ་གཏན་དུ་བྱེད་པ་ནས་འཁྱིལ་བ་དང་། ལྡོག་པའི་བསམ་གཏན་ཐོབ་པའི་
D263.067.0127a05.01བར་དུ་དེ་ལ་སེམས་ཅན་རྣམས་དེ་དང་དེ་དག་གི་ཡོན་ཏན་ལ་སྦྱོར་བར་བྱེད། འགོད་པར་བྱེད་དོ། །ཇི་ལྟ་བུར་བྱང་ཆུབ་སེམས་དཔའ་བདག་ཤེས་རབ་ཀྱི་ཕ་རོལ་ཏུ་ཕྱིན་པ་ལ་མངོན་པར་བརྩོན་པ་ན་ཐབས་སྣ་ཚོགས་ཀྱིས་ཤེས་རབ་ཀུན་འབྱུང་བར་བྱེད་དོ། །ཇི་ལྟར་བདག་མངོན་སུམ་དུ་
D263.067.0127a06.01འགྱུར་བ་དེ་ལྟར་སེམས་ཅན་རྣམས་སྦྱོར་བར་བྱེད་དོ། །ཇི་ལྟ་བུར་ཆོས་ཐམས་ཅད་ལ་ཡེ་ཤེས་ཐོབ་ཅིང་ཕ་རོལ་མ་ཡིན་པའི་རྐྱེན་མངོན་པར་ཤེས་པ་དེ་ལྟར་སེམས་ཅན་གྱི་རྒྱུའི་ཕྱིར་ཆོས་འདི་དག་འབྱུང་བ་འདི་ནི་སེམས་ཅན་ཡོངས་སུ་སྨིན་པར་སྦྱོར་བའི་ཐབས་ལ་མཁས་པའི་ཡེ་ཤེས་ཏེ།
D263.067.0127a07.01